Positive parenting advice is now at your fingertips. Download the app now.
බබා ලස්සන වෙන්න ගැබිණි සමයේ අම්මා කරන්න ඕනී දේවල්
ලස්සන දරුවෙකු ලැබීමට ගර්භණී සමයේදී මෙන්න මේ දේවල් ඔබට විශ්වාසයෙන් කරන්න පුළුවන්.
ළදරු නාම උත්පාදකය
ස්ත්‍රී පුරුෂ භාවය
අකුර
ප්‍රභේදය
සොයාගත් ළදරු නම්
සොයාගත නොහැක
ලස්සන බබෙක් හදන්නේ කොහොමද කියලා හිත හිත ඉන්න අම්මලාටයි. සුභ පැතුම් ඔබ දරුවෙකු පිළිසිඳ ගෙන නේද?
බබා ලස්සන වෙන්න ගර්භණී සමයේදී ඔබ කරන්න ඕන දේවල් දැන ගන්න ඔබට අවශ්‍ය ඇති.
ඔබ ගර්භණීව සිටියදී කරන දේවල් ඔබේ දරුවාගේ පෙනුමට බලන බව අමතක කරන්න එපා.
ගර්භණී සමයේදී බණ්ඩක්කා කන්න එපා, ඔබේ දරුවා කෙට්ටු වෙලා උපදීවී, කුළුබඩු සහිත ආහාර කන්න එපා, නැතිනම් ඔබේ දරුවා දත් සමඟ උපදීවි වගේ දාහක් කතා ඔබ අහලා ඇති.
මෙය එවැනි බොරු මතිමතාන්තර නම් නොවෙයි. බබා ලස්සන වෙන්න ගැබිණි සමයේ අම්මා කරන්න ඕනී දේවල් මොනවාද?
ලස්සන දරුවෙකු ලැබීමට ගර්භණී සමයේදී මෙන්න මේ දේවල් ඔබට විශ්වාසයෙන් කරන්න පුළුවන්.
ලස්සන බබෙක් හදන්නේ කොහොමද? මෙන්න ඔබ කළ යුතු දේවල්
1. ලස්සන බබෙක් හදන්නේ කොහොමද: නැවුම් පලතුරු හා එළවළු බහුල ආහාර වේලක් ගන්න
ඔබට ලස්සන හුරුබුහුටි දරුවෙකු බිහි කරන්න අවශ්‍යයි නේද? එහෙනම් ඔබ ඔබේ ආහාර වේලට පෝෂ්‍යදායී ආහාර ඇතුළත් කරගන්න.
අඹ, පැපොල්, දොඩම්, කෙසෙල්, කොමඩු, තැඹිලි වගේ පලතුරු අනිවාර්යයෙන්ම ඔබේ ආහාර වේලෙහි අඩංගු විය යුතුය.
තවත් බොහෝ සෘතුමය පලතුරු තියෙනවා. ඔබට ලස්සන දරුවෙක් අවශ්‍ය නම් ඒවා ආහාරයට එක් කර ගන්න.
මුකුණුවැන්න, කතුරුමුරුංගා නිවිති වැනි පලා වර්ග, පිපිඤ්ඤා ,වට්ටක්කා, කැරට්, තක්කාලි වැනි එළවළු වර්ග , ඇට වර්ග ආහාරයට ගැනීමට වග බලා ගන්න.
මේ පෝෂ්‍යදායී පලතුරු හා එළවළු ආහාරයට ගැනීමෙන් ලස්සන බබෙක් ලබාගන්න පුළුවන්.
2 ලස්සන බබෙක් හදන්නේ කොහොමද: ජලය ගොඩක් බොන්න
හොඳින් ක්‍රියාකාරී වීමට ඔබේ ශරීරයට ප්‍රමාණවත් සජලනයක් අවශ්‍ය වෙනවා.
ඔබේ නූපන් දරුවාටද එසේයි. දිනකට ජලය ලීටර් 2 ක් හෝ වතුර වීදුරු 8 ක් පමණ පානය කල යුතු බව වෛද්‍යවරු නිර්දේශ කරනවා.
ඔබ ගන්නා දියර ප්‍රමාණය ඔබේ සමට, අස්ථිවලට සහ ඔබේ සම්පුර්ණ සෞඛ්‍යයට බලපානවා.
ඔබට වැඩිපුර ජලය පෙවෙන්නේ නැතිනම් ඔබ ජලය දිනපතා ලීටර් 2 ක් පානය කරන්න මෙහෙම පුළුවන්.
උදේම දවසකට අවශ්‍ය ජලය අවශ්‍යතාවය වතුර ප්‍රමාණය ගෙන පානය කරන්න.
ඔබේ ශරීරය මෙසේ ජලය පානය කරන්න හුරු වූ පසු, එම අවශ්‍යතාවයට අනුව ස්වභාවිකව වෙනස් වෙනවා.
එවිට දිනපතා ජලය ගොඩක් පානය කිරීමට තරම් පිපාසය ඔබට දැනේවි.
ලස්සන දරුවෙකු ලැබීමට ගර්භණී සමයේදී කළ යුතු දේ ඔබ සිතනවා නම් ජලය ගොඩක් බොන්න.
3. ලස්සන බබෙක් හදන්නේ කොහොමද: ඔබේ පරිසරය පිරිසිදුව තබා ගන්න
පිරිසිදු හා සෞඛ්‍ය සම්පන්න පරිසරයක් පවත්වා ගැනීමෙන් ඔබට ඔබේ ගර්භණී සමය රෝග සහ ආසාදන වලින් තොර කරගන්න පුළුවන්.
එය ලස්සන ළදරුවන් බිහි කිරීමට උපකාරී වෙනවා. ඔබේ නිවස අතුගා පිරිසිදු කරන්න.
වාතය පිරිසිදු වීමට ඔබේ කාමරවලට වාතය ඇතුල් වෙන්න ඉඩ දෙන්න.
ඔබේ නිවස වටා ඇති වල් පැලෑටි ඉවත් කර පුළුස්සා දැමීමට වග බලා ගන්න.
මදුරුවන් සහ වෙනත් රෝග ගෙන යන කෘමීන් වැළැක්වීමට හොඳම ක්‍රමය මෙයයි.
සෑම විටම හොද පෞද්ගලික සනීපාරක්ෂාව පවත්වාගන්න.
ලස්සන දරුවෙකු ලැබීමට ගර්භණී සමයේදී කළ යුතු දෙයක් ලෙස ඔබේ වටපිටාව පිරිසිදුව තබා ගැනීම සලකන්න.
4. ලස්සන බබෙක් හදන්නේ කොහොමද: මධ්‍යස්ථ ලෙස ව්‍යායාම ලබාගන්න
ඔබ දැන් ගැබ්ගෙන ඇති නොසා, ඔබේ ව්‍යායාම වලින් සියලුම ආකාරයේ දැඩි ව්‍යායාම ඉවත් කිරීමට ඔබට අවශ්‍ය වේවි.
ඔබ ඕනෑම ව්‍යායාමයක් ආරම්භ කිරීමට පෙර ඔබේ වෛද්‍යවරයා ගෙන් උපදෙස් ලබාගන්න.
ඔබේ ගර්භණී සමයේදී නිරෝගීව සිටීමට සදහා ඔබට සවස් වරුවේ ටිකක් වැඩිපුර ඇවිදීන්න පුළුවන්.
වේගයෙන් ඇවිදීම, පිහිනීම, යෝග, අඩු බලපෑම් සහිත ඇරබික්ස්, ගෘහස්ථ බයිසිකල් පැදීම, දිගු කිරීම, අවම බරක් සහිත බර පුහුණුව සහ උදරීය ව්‍යායාම වෙනත් විකල්ප ව්‍යායාම ලෙස ඔබට සුදුසුයි.
ඔබ ව්‍යායාම කරන විට ප්‍රමාණවත් විවේකයක් ලබා ගන්න. ලස්සන දරුවෙකු ලැබීමට ගර්භණී සමයේදී කළ යුතු දේ ලැයිස්තුවට ව්‍යායාමත් එකතු කරගන්න.
5. ලස්සන බබෙක් හදන්නේ කොහොමද: වරින් වර පරීක්ෂා කිරීම සඳහා යන්න
මාසික සායන හා සැසි ගැබිණි මව්වරුන් සදහා ශ්‍රීලංකාවේදී පැවැත්වෙනවා. සමහර ගැබිණි මව්වරුන් සාමාන්‍යයෙන් මේවාට සහභාගී වෙන්නේ නැහැ.
ඔබට ලස්සන ළදරුවන් බිහි කිරීමට අවශ්‍ය නම්, ඔබ හෝ ඔබේ දරුවාට කිසිදු ගැටලුවක් නොමැති බව තහවුරු කර ගැනීම සඳහා ඔබ නිතර පරීක්ෂා කිරීම් වලට යොමුවිය යුතුය. මේ සඳහා කාලය වෙන්කර ගෙන ඒවාට සහභාගී වෙන්න.
එහිදී ඔබේ වෛද්‍යවරයා ඔබේ ගර්භණීභාවය නිරීක්ෂණය කරන අතර ඇතිවිය හැකි ඕනෑම ගැටලුවකට විසඳුම් ලබා දෙනවා.
ලස්සන දරුවෙකු ලැබීමට ගර්භණී සමයේදී කුමක් කළ යුතුද කියා ඔබ සිතනවා නම් නූපන් දරුවා හොඳින් වර්ධනය වන බව නිරීක්ෂණය කිරීමට රෝහල වෙත යාම පවා එයට ඇතුලත් වෙනවා.
ලස්සන බබෙක් හදන්නේ කොහොමද: ගර්භණී සමයේදී වැළකී සිටිය යුතු දේවල්
සුන්දර දරුවෙකු ලැබීමට ගර්භණී සමයේදී කළ යුතු දේ දැන් ඔබ දන්නවා නේද? මෙන්න, එහෙනම් ඔබ වැළකී සිටිය යුතු කරුණු කිහිපයක් .
1.දුම්පානය කිරීම
දුම් පානය ඔබේ සෞඛ්‍යයට හා දරුවාගේ සෞඛ්‍යයට අහිතකර වෙනවා. සෑම සිගරට් එක්කම රසායනික ද්‍රව්‍ය 4000 ක් පමණ තියෙනවා.
ඔබ සිගරට් දුමාරයට නිරාවරණය වීම ඔබේ නූපන් දරුවාට කොතරම් හානිකර විය හැකි දැයි දැන් ඔබට තේරෙනවා නේද?
දුම් නොබොන නමුත් ඔබ දුම් පානය කරන්නන් සමඟ ජීවත් වන්නේ නම්, ඔබ ගැබ්ගෙන සිටියත් නැතත් දෙවන ආකාරයේ දුම් පානය කිරීමෙන් වැළකී සිටිය යුතුය.
සිගරට් කොතරම් හානිකරද කියනවා නම් ඔබේ දරුවාට ලැබෙන ඔක්සිජන් ප්‍රමාණය අඩු කරන්න එයට පුළුවන්.
මෙන්ම ඔබේ නූපන් දරුවා සිගරට් දුමට නිරාවරණය වීමෙන් නොමේරූ දරු උපතක් වීමේ අවදානම මෙන්ම පෝෂණ ගැටළු, හෘදයාබාධ සහ හුස්ම ගැනීමේ ගැටළු ඇති වෙන්න පුළුවන්.
2. මත්පැන්
මත්පැන් ඔබේ දරුවාගේ පෙනුමට ,මෙන්ම සංවර්ධනයටද බලපායි. ලස්සන දරුවෙකු ලැබීමට නම් ගර්භණී සමයේදී මත්පැන් පානය නතර කිරීම හොඳ පියවරකි.
ගර්භණී සමයේදී මත්පැන් පානය කිරීමෙන් ඔබේ දරුවා Fetal Alcohol Syndrome (FAS) ඇතිව උපත ලබන්න පුළුවන්.
FAS සහිත දරුවන් මුහුණේ විරූපිතාවයන් මෙන්ම චර්යාත්මක හා සංවර්ධන ගැටළු ඇතිව වර්ධනය වෙනවා.
3. ආතතිය
WebMD ට අනුව, ගර්භණී සමයේදී ඇතිවන නිතර ඇතිවෙන ආතතියට ඔබේ දරුවාගේ මොළය වර්ධනය වන ආකාරය වෙනස් කරන්න පුළුවන්.
මේ නිසා දරුවා ඉපදුණු පසු චර්යාත්මක හෝ ඉගෙනීමේ දුෂ්කරතා ඇතිවෙනවා.
ඔබේ රැකියාවෙන්, සබඳතාවලින් හෝ පොදුවේ ජීවිතයෙන් ආතතිය ඇති වෙන්න පුළුවන්.
ඔබ ගැබ්ගෙන ඇති බැවින් මේ කිසිවකගේ පීඩනය ඔබට දැනෙන්න දෙන්න එපා. ගොඩක් විවේක ගන්න. ඔබව පීඩනයට පත් වූ විට උපකාර ලබා ගන්න.
4. අධික ලෙස ආහාර ගැනීම
ගර්භණී සමයේදී ආහාර වලට දැඩි ආශාවක් දැක්වීම තරමක් සාමාන්‍යයි. ඔබේ නොසංසුන් හෝමෝන නිසා ඔබ සාමාන්‍යයෙන් කන්න අකමැති දේවල් පවා කන්න හිතෙන්න පුළුවන්.
අධික ලෙස ආහාර ගැනීම අධික ලෙස බර වැඩිවීම, ජලය රඳවා තබා ගැනීම හෝ කැක්කුම හා වේදනාව ඇති වීමට හේතු වෙනවා.
නිරෝගී, ලස්සන දරුවෙකු ලබාගන්න එක අපහසු නැහැ.
ලස්සන දරුවෙකු ලැබීමට ගර්භණී සමයේදී කුමක් කළ යුතු දැයි ඔබ දැනගත යුතුයි.
ඔබ මෙම ලිපියේ උපදෙස් අනුව කටයුතු කර ලස්සන හුරුබුහුටි නිරෝගී දරුවෙක් හිමි කර ගන්න.
theAsianparent හි අනුමැතිය ඇතිව පරිවර්තනය කර ප්‍රකාශිතයි.
පරිවර්තනය: නදීශා ලක්මිණි
*theAsianparent Sri Lanka හි පල කරනු ලබන ලිපි ජාත්‍යන්තර ප්‍රකාශන හිමිකම් නීති මගින් ආරක්ෂා කර ඇත. ඔබ මෙම ලිපිය theAsianparent Sri Lanka හි අවසරයකින් තොරව පිටපත් කිරීම හෝ භාවිතා කිරීම කරන්නේ නම් ඔබට එරෙහිව මෙම නීති යටතේ නඩු පැවරිය හැකිය.
