පිළිවෙල පුරුදු වීම තුළින් මගේ නිවස ලස්සනට තියාගන්නේ මෙහෙමයි

අනූෂා ජීවනී කියන්නේ අපට නිතරම මහත් සේ වටිනා  ලිපි සපයන ශ්‍රී ලන්කන් මම්ස් සමුහයේ ලිපි කමිටුවේ ලේඛිකාවක්. ඇය නිපුනතා දස්කම් වලින් පිරුණු මවක් වන අතර ඉවුම් පිහුම්, පිළිවෙල පුරුදු වීම, අත්කම් විස්කම් අතින් නිතරම අපු මන දොළ පිනවනවා පමණක් නොව අප සැම දෙනාවත් ඒවා ආශ්‍රයෙන් දැනුවත් කරනවා.

සැම විටකම ඇගේ නිවසත් ඉතා පිළිවෙලට සහ ලස්සනට තබාගන්නා අකාරය මා විස්මිත කළා. පිළිවෙල පුරුදු වීම සහ නිවාස ලස්සනට තබා ගැනීම ට ආශා කරන සෑම මවකටම අනූෂා ජීවනීගේ දින චර්යාව තුලින් නව බලාපොරොත්තුවක් ඇති වනවා නියතයි.

අලුත් අව්ව්රුද්දේ හොඳ පුරුදු ඇති කරගැනීමට බලාපොරොත්තුවෙන් සිටින අප සැමට මෙම ලිපිය ඉතා කාලෝචිත යැයි සිතු බැවින්, ඇගේම වචන වලින් ඇගේ අදහස් ගෙනහැර පාන්නෙමි.

මම අද මේ ඔයාලත් එක්ක මේ කතා කරන්න යන්නේ කෑම සම්බන්ධව නෙමෙයි.. ගොඩාක් අයට තිබුනු ප්‍රශ්නයක් තමයි මම මේච්චර කෑම හදන්න කොහොමද වෙලාවක් වෙන් කරගන්නේ කියන එක.. කිප දෙනෙක්ම මට කිව්වා මම වැඩ කරන පිළිවෙල පෝස්ට් එකක් හදලා දාන්න කියලා..  

මම වැඩ කරන පිලිවෙල කියන්න කලින් තව දෙයක් කියන්න කැමතියි.. මම මේ හැමදේම කරන්නේ ගොඩාක් සැහැල්ලුවෙන්.

මම මේවා මහලොකු වැඩක් කියලා කවදාවත් හිතන්නේ නෑ ඒ නිසාද දන්නේ නෑ මට මහන්සියක් දැනෙන්නේ නෑ. මම මේ හැමදේම කරන්නේ රස්සාවක් කරන අතරයි.. මගේ හොබි එක තමයි නොයෙකුත් අත් වැඩ කරන එක.

එකක් කියලා නෑ හිතෙන හැමදේම කරන්න ආසයි කෙටියෙන්ම කියනවානම්.. මිට වඩා ලියන්න ගියෝත් ඔයාලට කියවන්නත් එපා වෙයි මම උවමනා දේ කොටන්නම් පහලින්

"සතියේ දවසක් කියලා අපි හිතමු හොඳේ...

මම 6:30 නැගිටිනවා. මුහුන චුට්ටක් හෝදගෙන කෙලින්ම යන්නේ කුස්සියට ලමයගේ මොන්ටිසෝරියට ගෙනියන්න ලන්ච් බොක්ස් එක ලෑස්ති කරන්න. රෑට හාල් එක සෙට් කරලයි නිදාගන්නේ රයිස් කුකර් එකේ.

7:00 වෙනකොට කෑම එක රෙඩි..දැන් ලමයව ඇරවලා එයාගේ මුහුන සෝදලා එයාට උදේ කෑම එක දෙනවා ලේසි කෑමක් තමයි උදේට දෙන්නේ. බනිස් බිත්තර ඔම්ලට් කිරි මේ වගේ දේවල් තමයි එයා උදේට කන්න ආස.. එයා තනියම කනවා

මම ඒ අතර රෙදි ටික හොදන්න මැශිමට දාලා ඇඳ අස් කරලා ගේ වැකුම් මැශිමෙන් ගේ පිරිසිදු කරනවා මේ ටික කරලා ඉවරවෙනකොට ලමයත් කාලා ඉවරයි.

වෙලාව 7:45 වගේ. ඉතින් අපි දෙන්නම ඇඳ ගන්නවා 8 වෙනකොට.. ගෙදර තියන හැම වැඩක්ම මම උදේට කරනවා.

8:30 ලමයගේ බස් එක එන්නේ. රෙදි ටික හේදෙනකන් මම ඉතින් චුට්ටක් fb එකේ ඉන්නවා.. පස්සේ රෙදි ටික වේලෙන්න දාලා මම ලමයව 8:30 බස් එකට දාලා මමත් එහෙමම යනවා වැඩට.

මම කැම්පස් එකට යන ලමයි නැවතිලා ඉන්න හොස්ටෙල් එකේ රෙස්ට්ටුරන් එකක වැඩ. උදේට පැය 3 හවසට පැය දෙකාමාරයි.

8:30 වැඩට ගිහින් මම ගෙදර එන්නේ 11:30. ගෙදරට එහා පැත්තේ රෙස්ට්ටුරන් එක තියෙන්නේ. ගොඩාක් ලඟයි.

11:30 ගෙදර ආවාම මට ගෙදර කරන්න කිසිම වැඩන් නෑ හබි වැඩට ගිහින් ලමයා ඉස්කොලේ ගිහින් මම ගෙදර ඇවිත් එක එක දේවල් හදනවා.

මේ දවස්වල නම් මම ආසම ක්‍රෝස්ටිච් එකක් මහනවා ලොකු . යූ ටියුබ් එකට ෆිල්ම් එකක් දාගෙන මම මහනවා..

ලමයා එන්න හවස 3:00 වෙනවා. එකන්ම මහනවා. ලමයා 3 ආවම දෙන්නම එකතු වෙලා තේ එකක් එක්ක මොනාහරි කනවා 3:30 ලමයා ටිකක් නිදාගන්වා මහන්සිට.

මම ආයේ මහනවා 4:30 වෙනකන්.

5:00 ඩිනර් එක ලෑස්ති කරලා මමත් ලෑස්ති වෙනවා වැඩට යන්න 6 වැඩ 5:50 ගෙදරින් යනවා.ලමයත් වැඩියේ නිදාගන්නේ නෑ.

මම යන්න කන් එයා නැකිටිනවා. එයාගේ කෑම එක ලෑස්ති කරලා පහල නැන්දම්මා ඉන්නවා මම උ තට්ටුවේ ඉන්නේ ලමයා රෑට කන්නේ අච්චිත් එක්ක එයාගේ.

මම 6:00 ගිහින් 8:30 ඕෆ් වෙනවා. මම ගෙදර ඇවිත් ලමයව හෝදලා අස් කරලා මමත් වෝශ් එකක් දාගෙන නිදා ගන්නවා. මම රෑට වැඩි වෙලා ඇහැරන් ඉන්නේ නෑ.

නිවාඩු දවස්වලට ගෙදර දුවීලි පිහලා අස් කරනවා. ගෙදර හැමෝම මගේ විදියට හැඩ ගැහිලා. ලමයා සෙල්ලම් කලත් එයාගේ බඩු එයාමයි අස් කරගන්නේ.

එයා අස් කරකන් මම අස් කරන්න යන්නේ නෑ. මම එයාට ගොඩාක්ම තුන්වේල තමයි බඩ පිරෙන්න කන්න දෙන්නේ එයා ඉස්කෝලේ ගිහින් ආවට පස්සේ එක පාරයි මොනහරි කන්නෙත්.

තුන්වේල කන නිසා එයාට අනම් මනම් කන්න කාලයකුත් නෑ බඩගිනිත් නෑ.

මම කලින් කිව්වා වගේ මම මේ හැමදේම කරන්නේ ගොඩාක් සැහැල්ලුවෙන්. මම මගේ ගේ මම කොහොමද පිලිවෙලට තියාගන්නේ කියලත් ෆොටෝ ටිකක් දැම්මා.

මොකද මම ලිව්වට ඔයලත් ආස ඇතිනේ මම මොන විදියටද ගේ තියන් ඉන්නේ කියලා බලන්න. වසන්ත කාලේට මගේ වත්තේ රෝසමල් මම වෙලලා හදපු මල් කූඩ දෙකකුත් තියනවා.

මම හැලිලා යනනිසා මම වේලලා හදනවා. තම මල් ජාතියකුත් තියනවා බලන්නකෝ. ඔන්න ඔයාලා ඉල්ලපු පෝස්ට් එක මම පොරොන්දු වේච්ච විදියට දැම්මා."

ඒ අනුෂාගේ දින චර්යාව සහ ඒ සම්බන්ධ ඇගේ නිවසේ අලංකාර පින්තුරු පෙළක්.

1.  පිළිවෙල පුරුදු වීම තවත් ජිවන රටාවක්. විශේෂ ආයාසයක් නොයොදා එය දෛනික ජිවිතයේ පුරුද්දක් කරගත හැකියි.

2.  කෙතරම් කාර්යබහුල කෙනෙකුට වුවත් පිළිවෙල පුරුදු වීම කරන්නට පුළුවන්.

3.  පිළියෙළ පුරුදු වීම තුලින් තව තවත් දේවල් දවසක් ඇතුලත කරන්නට පුළුවන්.

4.  ආශාව තිබේ නම්, ගේදොර වැඩ විනෝදයක් සේ දකින්නේ නම් පිළිවෙල පුරුදු වීම ඉතාම සාමාන්‍ය දෙයක් වනු ඇත.

5.  හැකි දේ ගෙදර අන් යට කරන්නට හුරු කරවන්න. සියලු දේ තනිව බදාගෙන කිරීමට අවශ්‍ය නොවේ.

වැඩ අධ්කයි කියා නිතර කණු කුණු ගැන මව්වරුන්ට සතුටින් කාර්යබහුල ජිවිතයක් ගත කරන අනුෂාගේ කතාව සැබවින්ම ආදර්ශයක්. 

ඉතින් ළඟ එන අලුත් අව්රුද්දේ මේ අකාරයෙන් දෛනික ජිවිතයට හුරු වීම තුළින් නිවෙස් ලස්සන කරගැනීම පමණක් නොව නිවැසියන්ගේ හදවත්ද සතුටින් පිරුණු එකක් කිරීමට සැම අම්මි කෙනෙක්ටම හැකි වේවි!

ඉතින් මේ අනගි ජිවන රටාව  අප හා බෙදාගත්තාට අනුශාට නැවත වරක් අපගේ ආදර ස්තුතිය පුද කරන අතර ඇය විසින් නිර්මාණය කල පොඩිත්තන්ට අගනා තවත් නිර්මාණශීලි අහාර රටා සැකසුම් රැසක් ඔබ වෙත ගෙන එන්නට බලාපොරොත්තු වනවා.