මවක් වීම යන්නෙහි ඔබ සියල්ල ම නවතා දමා විසිහතර පැයම, දවස් හතම දරුවා ළඟට වී සිටීම අදහස් කරන්නේ නැහැ.
අපි එකඟයි. ශ්‍රී ලංකාව මව්වරුන්ට අනෙක් දේවල් පසෙකලා දරුවන් හා පවුල වෙත අපමණ කැප කිරීමක් කිරීමට බලපෑමක් තියෙනවා.
කොහොම නමුත් එය මේ යුගයේ සත්‍ය නොවන අතර බලය අතින් කාන්තාවන් පුරුෂයන් හා කරට කර සිටින අතර නිවෙසේ කටයුතු, ඉපයීම සඳහා පුරුෂ පාර්ශවය මෙන් ම දායක වෙනවා. අනෙක් අතට විවාහ වීම දරුවන් ලැබීම යන්නෙන් ඔබ ඔබගේ ජීවිතය නතරකර දරුවන් කර දරුවන් හා පවුලේ කටයුතුවලම නිරත වීම අදහස් වන්නේ නැහැ.
පළමුවෙන් ම සෑම මවක්ම කාන්තාවක් බැවින් මවක් බිරිඳක් ලේලියක් වීමට අමතරව අපි කැමති දේවල් කිරීමට කාලයක් ඉතුරු කර ගැනීමද වැදගත් වෙනවා. මාව ප්‍රීතියට පත් කරන දේවල් 5 ක් අත් නොහරින්න මෙන්න මේ නිසා තීරණය කළා.
1. මම මගේ විනෝදාංශ අත් හරින්නේ නැහැ.
මම නර්තනයට ගොඩක් ඇලුම් කරනවා. නමුත් මගේ උසස් අධ්‍යාපන කටයුතු හා පීඩනය නිසා මම එය දහයෙ පංතියෙදි අත්හැර දැමූවා. කොහොම නමුත් දැන් මගේ ජීවිතේ පොඩි ස්ථාවර භාවයක් තියෙනවා. මම නැවත මගේ ආශාවන් කරා ගොස් පසුගිය වසරේ නර්තන පාඩම් ආරම්භ කළා. මම දැන් එහි දෙවැනි වසරේ සිටින අතර නර්ථන පුහුණු වීම් මට මගේ මානසික පීඩනය නැති කර කර ගැනීමට සහාය වුවා සේම ඒ මගින් මගේ විනය ඇති කරමින් මට නව අරමුණු ලබා දුන්නා.
ඒ වගේම මගේ දියණියත් මා සමග නර්තන පංති යෑමට පටන් ගත් අතර ඇයටත් නර්තන ඉගෙනීමට අවශ්‍ය බව පැවසුවා. ඒ මගින් මට සතුටක් ඇති වුන අතර අපි දෙන්නටම බෙදාගන්න පුළුවන් නර්තනය නමැති පොදු ආශාවක් තියෙනවා. මට වගේම ඔබටත් ආශාවන් තිබේ නම් එය හඹා යන ලෙස මම ඉල්ලා සිටිනවා.ඔබව සතුටු කළ හැක්කේ එයට පමණයි.
2. මම මගේ රැකියාව හා මගේ බලාපොරොත්තු අත් හරින්නේ නැහැ
මවක් වීම යන්නෙහි සියලු දේ පසෙකලා පැය විසි හතරම දවස් හතම දරුවා පසෙකින් සිටී ම අදහස් වෙන්නේ නැහැ. සෑම කාන්තාවක් ම මවක්,බිරිඳක්, ලේලියක් වීමට අමතරව තවත් හඳුනා ගැනීමක් ඇති බව වටහා ගත යුතු වනවා. මට මගේ හීන බලාපොරොත්තු ඉටු කර ගන්න අවශ්‍ය නිසා මම රැකියාවක් කරන අතර මගේ දියණිය දිවා සුරකුම් සුරැකුම් මධ්‍යස්ථානයක තබනවා. එය අමාරු දෙයක් නොවෙයි. හැම දෙයක්ම හොඳින් සිදුවෙනවා. මාව විශ්වාස කරන්න.
අනෙක් අතට මුළු දවසම රූපවාහිනිය නරඹනවාට වඩා ඇයට ඇයගේ විනෝදය බෙදාගන්න කාලය ගත කරන්න ඇගේ වයසේම යාලුවෝ ඉන්නවා. ඒ වගේ ම ඇය විශ්වාසනීය හා සමාජශීලී වෙනවාට අමතරව ඇය අලුත් දේවල් විශාල ප්‍රමාණයක් ඉගෙන ගන්නවා. එමනිසා මම මගේ රස්සාවට ආදරය කරන නිසාත් එයට කැමැත්ත දක්වන නිසාත් මට මගේ දුව දිවා සුරැකුම් මධ්‍යස්ථානයට යැවීමට සිදුවීම ගැන දෙවනුවද වරදකාරී හැඟීමක් දැනෙන්නෙ නැහැ.
3. මම මගේ යහළුවන් අත් හරින්නෙ නැහැ
බොහෝ කාන්තාවන් ඔවුන් විවාහ වූ විට දරුවන් ලැබූ පසු මිතුරන් සියල්ල අතහැර දමනවා. යාලුවෝ ඔබ සතුටට පත් කරනවා පමණක් නොවේ නොවෙයි ඔවුන් ඔබගේ ප්‍රශ්න විසදීමට උදව් වෙන අතර අපිව පීඩනයෙන් මුද වන්නත් දායක වෙනවා. මට මගෙම යෙහෙළියන් පිරිසක් සිටින අතර මට හැකි සෑම විටම ඔවුන් සමග ගත කරමින් යහපත් සෞඛ්‍යයක් මෙන්ම මානසික ඒකාග්‍රතාව ද ලබා ගන්නවා.
4. මම ලස්සනට අඳින එක අත් හරින්නෙ නැහැ.
ලස්සනට අඳින්න මම කැමැතියි. ඔබ මවක් වූ පමණින් ඇගට නොගැලපෙන ඇඳුම් ඇඳිය යුතු වීම හෝ ඒ සදහා කාලය නොමැති වීම අදහස් කරන්නේ නැහැ. ඔබ වෙලාව හොයා ගන්නේ කොහොමදැයි අසන සමහර පිරිස සිටින අතර ලස්සන ඇඳුම් ඇඳ ඔබ ඔබවම සතුටු කරන්න. නවීන විලාසිතා කරන්න. අඳින ඇඳුම් මිලදී ගැනීමට යන්න. රටාවකට දේවල් කරන්න උත්සාහ කරන්න. මෙවැනි දේවල් ඔබ කිරීම කිසිවකු නැවැත්විය යුතු නැහැ.
ඔබේ පවුල හා ඔබ වටේ ඉන්න අය ප්‍රමෝදයට පත්වන ලෙස ලස්සනට අඳින්න. සුදානම් වන්න. සාදයක් වුවත් මිතුරු හමුවක් වුනත් ප්‍රසංසා ලබන්න කවුද අකැමැති?
5. මම මගේ නිරෝගීකම අත් හරින්නේ නැහැ.
අවසාන වශයෙන් පවුලම රැකබලා ගන්නා වශයෙන් මවගේ යෝග්‍යතාව හා සෞඛ්‍ය කවදාවත්ම අත්නොහැරිය යුතුය. මම මගේ දෛනික ව්‍යායාම කිරීමටත්, සෞඛ්‍යමත් ආහාර වේලක් පාලනය කිරීමටත්, සහතික කර ගන්නවා. එම නිසා මම මගේ දුව ඇතුළු පවුල රැකබලා ගැනීමට යෝග්‍ය වෙනවා.
මෙය බර අඩු කරගැනීම හෝ ලස්සන වීම ගැන නම් නොවේ. එය ඔබේ ශාරීරික යෝග්‍යතාවය හා දක්ෂතාව ගැන වෙනවා. ඔබට ඔබවම රැකබලා ගැනීමට නොහැකි නම් ඔබව රැකබලා ගැනීමට කිසිවෙකු නොමැති බවද මතක තබාගන්න.
ඔබ සතුටින් නම් විතරයි ඔබට පවුලක් සතුටින් තියන්න පුලුවන්. ඒ බව ආදරයෙන් මතක් කරන්නේ The Asianparent Sri Lanka වෙතිනි.
theAsianparent හි අනුමැතිය ඇතිව පරිවර්තනය කර ප්‍රකාශිතයි.
පරිවර්තනය: නදීශා ලක්මිණී
