පුංචි වුනත් හරිම ගුණ වටු බිත්තර
ප‌ෝෂණ‌ය‌ෙන් ඉහල වටු බිත්තර ගැන ඔබ දනන්වාද?
වටු බිත්තර කියන්නේ කිකිළි බිත්තර වගේ ශ්‍රීලංකික අපගේ කෑම මේසයේ නිතර ගැවසෙන ආහාරයක් නෙමෙයි.
ලෝකයේ බොහෝ රටවල් වල මේවා ප්‍රචලිත වුනත් ලංකාව තුල මෙය ප්‍රචලිත වෙන්න ගත්තේ මෑතකදීය.
මේවා කිකිළි බිත්තර වලට වඩා කුඩා අතර එහි තද දුඹුරු පුල්ලි දකින්න පුළුවන්.
දැනට සුපිරි වෙළද සැල් වලින් ඔබට මේවා මිල දී ගන්න පුළුවන්. මේවා පිසු පසු රසයෙන් පෙනුමෙන් කිකිළි බිත්තර වලට සමාන වෙනවා.
ඒත් වටු බිත්තර කියන්නේ පෝෂණ උල්පතක් කියලා ඔබ දන්නවාද ? එය සාමාන්‍ය කිකිළි බිත්තරයකට වඩා කිහිප ගුණයක් වැඩි පෝෂ්‍ය ගුණයෙන් අනුනයි.
නමුත් මේදය නම් කිකිළි බිත්තර වලට වඩා අඩුයි.
වටු බිත්තර ගුණදායක වන රෝගාබාධ
- හෘදයාබාද
- අධි රුධිර පීඩනය
- පිළිකා
- ඇදුම
- පීනස
- සෙම් රෝග
- දියවැඩියාව
- ගැබිනි සමයේ ඇතිවන වේදනාවන්
- සම රැළිවැටීම හා සමේ තෙතමනය නොමැති වීම
- හිස්හොරි
මේ මගින් ලැබ‌ෙන වාසි
1. විටමින් A, E, B1, B2, ප්‍රෝටීන් අඩංගු වන අතර කැල්සියම්, යකඩ, මැග්නීසියම්, පොස්පරස්, පොටෑසියම්, සෝඩියම්, සින්ක් අඩංගුයි.
2. කැස්ස වළක්වන අතර ඇදුම අඩු කරයි
3. මාරාන්තික රෝග අවදානම අඩු කරයි
4. රුධිර සැකැස්ම වැඩි කරයි
5. ප්‍රතිශක්තිය වැඩි කරයි
6. මුත්‍රාශයේ ගල් වළක්වයි
7. හිසකෙස් වල ගුණාත්මකභාවය වැඩි දියුණු කරයි
8. කුකුල් බිත්තර වලට ආසාත්මික වන අයට සුදුසුයි
දරුවන්ට, ගැබිනි මව්වරුන්ට හා රෝගීන්ට වටු බිත්තර ඉතාම ගුණදායක වෙනවා.
දරුවන්ට වටු බිත්තර ලබා දීම
අනෙක් සෑම කෑමක් මෙන්ම වටු බිත්තරද හදුන්වා දී අසාත්මික වෙනවාදැයි බලන්න. ගැටලුවක් නොමැති නම් මාස 9 ක පමණ සිට දරුවාට ඒවා ලබාදෙන්න පුළුවන්.
අවුරුදු 5ක දරුවෙක්ගේ ශරීරයෙන් වැය වන පෝෂණය නැවත ලබා දෙනවා. අවුරුද්දට අඩු බබෙක් නම් වටු බිත්තර 1 කහ මදය හොදට තම්බල දෙන්න. දරුවන්ගේ බර වැඩි කරගැනීමට මෙය කඳිම ආහාරයකි.
සාමාන්‍ය කිකිළි බිත්තර මෙන්ම තම්බා මෙය දෙන්න පුළුවන්. නැතිනම් ඔම්ලට් හදන්න පුළුවන්. ඒ වගේම එළවළු තෙම්පරාදුව, ස්ක්‍රැම්බල් එග්,පෑන් කේක් වගේ බිත්තර එකතු කරන ඕනෑම කෑමට එකතු කර දෙන්නත් පුළුවන්. එතකොට බබාලත් කන්න කැමති වේවි.
වැදගත් මතක් කිරීම්
- වටු බිත්තර භාවිතා කිරීමට පෙර කට්ට පරිස්සමට සෝදාගන්න.
- දරුවාට හදුන්වා දීමේදී අසාත්මිකතා ඇතිවේ දැයි බලන්න.
- බිත්තර කුඩා නිසා දිනකට බිත්තර වැඩි ප්‍රමාණයක් දරුවාට දෙන්න යන්න එපා.
- පළුදු වු බිත්තර දරුවාට දෙන්න එපා
*theAsianparent Sri Lanka හි පල කරනු ලබන ලිපි ජාත්‍යන්තර ප්‍රකාශන හිමිකම් නීති මගින් ආරක්ෂා කර ඇත. ඔබ මෙම ලිපිය theAsianparent Sri Lanka හි අවසරයකින් තොරව පිටපත් කිරීම හෝ භාවිතා කිරීම කරන්නේ නම් ඔබට එරෙහිව මෙම නීති යටතේ නඩු පැවරිය හැකිය.
