ඔබෙන් දිනපතා දරුවාට ලැබිය යුතු පුංචි දේවල් 8 ක්

දරුවන්ට නිරන්තරයෙන් දෙමාපිය ආදරය හා සහයෝගය අවශ්‍යයි. මොනදේ වුවත් ඔබ ඔවුන් පිටුපස ඔවුන් වෙනුවෙන් සිටිම ඉතාම වැදගත්.

මේ පුංචි ආදරය කාරණා කිහිපය ඔබත් දරුවාත් අතර ඇති බැඳීම වැඩි කරන්නත් එය ශක්තිමත් කරන්නත් උදවු වේවි.

දරුවා සමග එකට එක්ව කාලයක් ගත කරන්න

කෙටි කාලයක් වුවත් ඔබ ඔවුන් සමග රැඳෙන කාලය ඔවුන්ට හරිම වැදගත්. ඔබේ දවසෙන් කෙටි කාලයක් ඔවුන් සමග ගත කිරීම නිසා ඔවුන්ව ඔබට හුඟක් වැදගත් බව දරුවන් වටහා ගන්නවා.

ඔබේ දුරකථනය විසන්ධි කරන්න

දරුවන් සමග සිටින විට දුරකතනයට මුල්තැන නොදීමට දෙමාපියන් වගබලා ගැනීම වැදගත්. එය දරුවන්ට හොඳ ආදර්ශයක් ලබා දෙන්නේ නැහැ. ඉතින් පරිගණකය, දුරකථනය වසා තැබීමෙන් ඔබ ඔවුන් වෙනුවෙන්ම කාලය වෙන කරන බව ඔවුන් වටහා ගනීවි.

ඔවුන්ගේ සිත් බැඳගන්න ආකාරයට ඉන්න

ඔබ දරුවන්ට වගේම පවුලේ අනෙක් වැඩටත් ආකර්ෂණීය ලෙස සිටිනු දකින්න දරුවන් හුඟක් කැමතියි. ඉන් ආදරය පවුලක ප්‍රමුඛත්වය ගන්න බව වැටහෙනවා. ඉන් ඔවුන් වටා ඉන්න අයට ආදරය කරුණාව දක්වන්නත් ඔවුන් ඉගෙන ගන්නවා.

ඇහුම්කන් දෙන්න

දරුවන් තමන්ගේ අත්දැකීම්, සිදුවීම් විස්තර කරන විට තරමක් අතිශෝක්තියෙන් කතා කරනවා. එය ඔබට දහස් වරක් කියා ඇතැයි හැඟුනත් ඔබ එයට ඇහුම්කන් දීම ඉතා වැදගත්. ඔවුන්ගේ කුඩා වයස අනුව ඔහුට ඇහුම්කන් දෙන, ඔහුව විශ්වාස කරන එකම පුද්ගලයා ඔබයි. ඒ නිසා ඔබට ඔවුන්ට උවමනා ඕනෑම මොහොතක ඇහුම්කන් දෙන්න සුදානම් බවත් විශේෂයෙන් ඔවුන්ගේ ඕනෑම ගැටළුවකදීත් ඔබ ඉන්න බව පෙන්වන්න.

විනය

දෙමාපියන් තමන්ගේ දරුවන් දුකෙන් හා හිත්රිදවිමෙන් ඉන්නවා දකින්න කැමති නැහැ. නමුත් සමහර වේලාවන් වල සමහර හැසිරීම් වල ප්‍රතිඵල දැනගැනීමට ඔවුන්ට විනයක් හා පාලනයක් අවශ්‍ය වෙනවා. සමහර වෙලාවට ආදරයේ තද බව ඔබට ආරුඪ කරගන්න වෙන්නේ ඒකයි. ඔවුන් නිසි මගට ගන්න සමහර විට දැඩි නීති පනවන්න සිදුවෙනවා. ඔබ නිතර තදින් සිටියත් ඒවා සාධාරණ වියයුතු බව මතක තබාගන්න.

දරුවාගේ හැදියාව

දරුවාට නිතර ආදරය, උදවු හා ඔබේ අවබෝධය වැදගත්. ඒ මගින් ඔවුන් හොඳින් හැදී වැඩෙනු දකින්නට අන් යට කරදරයක් නැති දරුවන් වනවාත් බලන්න දකින්න පුළුවන්.

ඔබේ දරුවන් සමග සිනහ වෙන්න

සිනහව ලෙඩ සඳහා ඔසුවක් ලෙස හඳුන්වනවා. ඔබ කෙතරම් පීඩනයෙන් සිටියත් ඔබේ දරුවන් දුකෙන් ඉන්නවා නම් ඔවුන් සිනහ ගැන්විමට විහිලු තහළු කිරීම කතන්දර කීම වැනි දේවල් කියා ඔවුන්ව සතුටින් තබන්න. සතුටින් පිරි හැඟීම් ඔබේ නිවසේ ජීවත් වෙන්න හොඳම දෙය බවට පත් කරනවා. 

“මං ඔයාට ආදරෙයි” කියලා කියන්න

මෙය ඔබට කළහැකි සරලම දෙයක්. ඔබ ඔවුන්ට ආදරය පෙන්වන අතර තුර ආදරය කරන බව වචනයෙනුත් කියන්න. එය ඔබ ඔවුන් ආදරය කරන බව ප්‍රකාශ කිරීමෙන් ඔවුන් තුළ විශ්වාසය ගොඩනැගෙනවා. පුංචි වචන දෙකකට දරුවෙකුගේ හිතේ සතුට ගෙනෙන්න පුළුවන් අපූරුව ඔබත් අත්දකින්න.

දරුවන්ට ආදරය පෙන්වන්න දෙමාපියන් හුඟක් ලොකු දේවල් කළයුතු නැතත් අපි නොසිතන දේවල් ඉටු කිරීමෙන් දරුවන්ට අපේ ආදරය දැනෙනවා වැඩියි. ඒ ආදරය වෙනුවෙන් theAsianparent Sri Lanka මේ ලිපිය සකස් කළා.

theAsianparent හි අනුමැතිය ඇතිව පරිවර්තනය කර ප්‍රකාශිතයි.

පරිවර්තනය: නිසංසලා ලියනගේ