දැන් ලංකාවේ ව්‍යාප්ත වෙමින් පවතින කොවිඩ්-19 ආසාදනයට මුහුණ දීම සඳහා, තමන්ට රෝග ලක්ෂණ තිබේ යැයි සැක සහිත නම් covid 19 රෝග ලක්ෂණ, කොවිඩ්-19 පරීක්ෂා කිරීම හා සම්බන්ධ නිවැරදි පියවර ගැන දැන සිටීම ඉතාම වැදගත්.
කොවිඩ්-19 වයිරසය ශරීරගත වීමෙන් ඇතිවන රෝග ලක්ෂණ මොනවාද?
1. නාසයෙන් හොටු දියර ගැලීම
2. හිසරදය
3. කැස්ස
4. උගුරේ අමාරුව
5. උණ
6. ශ්වසන අපහසුව
7. ශරීරයට දැනෙන අපහසුතාව
කොවිඩ්-19 පරීක්ෂා කිරීම: ඔබට කොවිඩ්-19 ආසාදනය වී ඇත්දැයි සැක කළ හැකි covid 19 රෝග ලක්ෂණ මොනවාද?
ඔබට උණ, කැස්ස, හුස්ම ගැනීමේ අපහසුතාව සමඟම පහත අවස්ථා වලින් ඕනෑම එකකට මුහුණ දී ඇත්නම්, ඔබට කොවිඩ්-19 ආසාදනය වී ඇති බවට සැක කළ හැකිය
- කොරෝනා රෝගය පැතිරෙන ප්‍රදේශයක ගමන් ඉතිහාසය
- රෝගය වැළඳුනු පුද්ගලයෙකු සමඟ සමීප සම්බන්ධතා පැවැත්වීම
- සෞඛ්‍ය සේවා මධ්‍යස්ථානයක්/විද්‍යාගාරයක් වැනි ස්ථානයක හෝ රෝගීන් ගැවසෙන ස්ථානයකට ප්‍රවේශ වී තිබීම
ඔබේ රෝග ස්වභාවය ගැන මනා සැළකිල්ලකින් පසු වීමත්, රෝග ලක්ෂණ ගැන අවධානයෙන් සිටීමත් ඉතාමත්ම වැදගත් වේ.
Covid-19 වයිරසය නිසා උණ, කැස්ස, කෙටි බව වැනි රෝග ලක්ෂණ අත්දැකිය හැකිය. මේවා සාමාන්‍ය සෙම්ප්‍රතිශ්‍යා ලක්ෂණ වලට බොහෝ සමාන විය හැකි අතර රෝගය ආසාදනය වී දින 2-14 අතර කාලය තුළ රෝග ලඛ්ෂණ පෙන්නුම් කළ හැකිය. පුද්ගලයාගෙන් පුද්ගලයාට රෝග ලඛ්ෂණ වල බරපතල බව වෙනස් විය හැක.
ඉහත ලක්ෂණ අත්දකින්නේ නම් කලබල නොවී නිසි සනීපාරක්ෂක පිළිවෙත් අනුගමනය කරන්න.
- නාසයේ තදබදය ලිහිල් කිරීම,ට දිනකට දෙතුන් වතාවක් උණුසුම් හුමාලය ආශ්වාස ප්‍රශ්වාස කරන්න
- වැඩිපුර ජලය පානය කරන්න (මද රස්නෙන්)
- නිතරම සබන් දමා දෑත් සෝදන්න
ඔබට කොවිඩ්-19 ආසාදනය වී ඇත්දැයි සැක සහිත නම් ඔබ ගත යුතු ක්‍රියාමාර්ග මොනවාද?
රජයේ වෛද්‍ය නිලධාරීන්ගේ සංගමයේ ලේකම් වෛද්‍ය හසිත අළුත්ගේ මහතා සඳහන් කරන්නේ තමන්ට කොවිඩ්-19 වයිරසය ආසාදනය වී අති බවට සැකයක් ඇත්නම්, වයිරසය තව දුරටත් කව්‍යාප්ත වීම වැළැක්වීමට පහත දේවල් නොකරන ලෙසයි.
1. ඔබේ පවුලේ වෛද්‍යවරයා වෙත යන්න එපා.
2. ගමේ කුඩා බෙහෙත් ශාලාවට යන්න එපා
3. වෙනත් ආයතන වෙත යන්න එපා.
4. ඔබ වටා සිටින වෙනත් කිසිම පුද්ගලයෙක් අවදානමට ලක් කරන්නට එපා.
5. පෞද්ගලික රෝහල් වලට යාම සීමා කරන්න.
ඔබට ආසාදනය ඇති බවට සැකයක් වේ නම්, වැඩි විස්තර සඳහා වහාම පහත සඳහන් දුරකතන අමතන්න
ඩයලොග් සමාගම විසින් ස්ථාපිත කළ විශේෂ කොවිඩ්-19 ආශ්‍රිත වෛද්‍ය උපදෙස් සේවාව 1390
සෞඛ්‍ය ප්‍රවර්ධන කාර්‍යාංශය: 071 010 7107
වසංගත රෝග අංශය: 011 269 5112
නිරෝධායන අංශය: 011 211 2705
ආපදා කළමණාකරන අංශය: 011 307 1073
කොවිඩ්-19 පරීක්ෂා කිරීම අනුව covid 19 රෝග ලක්ෂණ තහවුරු වුවහොත් ආසාදිත රෝගීන්ට නේවාසිකව ප්‍රතිකාර කළ හැකි රෝහල්
- ජාතික බෝවන රෝග විද්‍යායතනය ((IDH රෝහල) අංගොඩ
- ශ්‍රී ලංකා ජාතික රෝහල, කොළඹ
- රිජ්වේ ආර්‍යා ළමා රෝහළ, කොළඹ
- කාසල් වීදිය කාන්තා රෝහල, කොළඹ
- කොළඹ නැගෙනහිර මූලික රෝහල (CEBH) මුල්ලේරියාව
- උතුරු කොළඹ ශීක්ෂණ රෝහල
- දිස්ත්‍රික් මහ රෝහල, ගම්පහ
- දිස්ත්‍රික් මහ රෝහල, මීගමුව
- ජාතික රෝහල, මහනුවර
- ශීක්ෂණ රෝහල, කරාපිටිය
- දිස්ත්‍රික් මහ රෝහල, හම්බන්තොට
- ශීක්ෂණ රෝහල, අනුරාධපුර
- යාපනය ශීක්ෂණ රෝහල
- ශීක්ෂණ රෝහල, කුරුණෑගල
- ශීක්ෂණ රෝහල, මඩකළපුව
- පලාත් මහ රෝහල, රත්නපුර
- පලාත් මහ රෝහල, බදුල්ල
කොරෝනා වයිරසය පිළිබඳව මෙතරම් භීතියක් පැතිරෙන්නේ ඇයි? covid 19 රෝග ලක්ෂණ
මාධ්‍ය ඔස්සේ භහුල ලෙස සංසරණය වන අසත්‍ය තොරතුරු සමුදාය මෙම භීතියට මූලික හේතුවයි. මෙම ආසාදනය ගැන සත්‍ය අසත්‍ය තොරතුරු සහිත ලිපියක් අප පසුගියදා පළ කළා. මෙහි නිරවද්‍ය මූලික හේතුව වන්නේ මනුශ්‍ය සංහතිය විසින් මින් පෙර අත් නොදැකපු වෛරසය ආසාදනයකට මුහුණ දෙන විට එය මනුශ්‍ය සිරුරට බලපාන ආකාරය අළුත්ම අත්දැකීමක් වීමයි.
කොරෝනා රෝගය ගැන අප පළ කළ සියළු ලිපි මෙතැනින් ලබාගත හැකියි.
කොරෝනා ආසාදිතයින් ගැන යාවත්කාලීන තොරතුරු:covidsl.com
මූලාශ්‍ර: hpb.health.gov.lk
*theAsianparent Sri Lanka හි පල කරනු ලබන ලිපි ජාත්‍යන්තර ප්‍රකාශන හිමිකම් නීති මගින් ආරක්ෂා කර ඇත. ඔබ මෙම ලිපිය theAsianparent Sri Lanka හි අවසරයකින් තොරව පිටපත් කිරීම හෝ භාවිතා කිරීම කරන්නේ නම් ඔබට එරෙහිව මෙම නීති යටතේ නඩු පැවරිය හැකිය.
