මේ ඩෙංගු 2019 ගැන කථා කල යුතුම මොහොතයි.  2019 වර්ෂය නිමා වන්නේ ඩෙංගු මාරයා අවදියෙන් බව අපට අනතුරු අගවමිනි. 2018 වර්ෂය තුළද ඩෙංගු වැළදි ඇති බවට සැක කෙරෙන රෝගීන් 51659 ක් වාර්තා වුනා ඔබට මතකයි නේද? නමුත් ඉන් වසරකට පසු එනම්  2019 දෙසැම්බර් මාසය වන විට මෙම වසරේ වාර්තා වන ඩෙංගු රෝගීන් ගණන 90200 ක් බව වාරතා වෙනවා. ඔබට පුදුමයි නේද? ඇත්තටම මෙම රෝගීන් ප්‍රමාණය වසරක් ඇතුලත වැඩි වුනේ ඇයි යන්න සොයා බැලිය යුතු අතර මෙම තත්වය අවම කිරීමට නිසි පියවර ගත යුතු වෙනවා.

ඩෙංගු 2019 වර්ෂය තුල මෙතෙක් ආ ගමන් මග (රෝගීන්  90200 දක්වා)

වසංගත රෝග විද්‍යා ඒකකය වෙතින් ලබා ගත් පහත තොරතුරු අප ඔබ වෙත ගෙන එනවා. මෙම වසරේ වැඩිම ඩෙංගු රෝගීන් ගණනක් වාර්තා වුවේ බස්නාහිර පළාතෙන් වෙනවා.  ඒ වගේම වර්ෂය තුල වැඩිම රෝගීන් ගණනක් වාර්තා වුයේ නොවැම්බර් මාසයේ වන අතර එය 21259 තරම් ඉහළ අගයක් ගන්නවා.

• ජනවාරි  5580
• පෙබරවාරි 3736
• මාර්තු         3832
• අප්‍රේල්       2970
• මැයි           4260
• ජූනි           6019
• ජූලි           8897
• අගෝස්තු 9546
• සැප්තැම්බර් 7307
• ඔක්තෝබර් 11532
• නොවැම්බර් 21259
• දෙසැම්බර් 5262

ඩෙංගු එක්ක සෙල්ලම් එපා

නියමිත රුධිර පරීක්ෂ කරගන්න.

තවද අලුත්ම මාදිලියේ ‌ඩෙංගු ‌රෝගයක්ද පැතිරෙමින් පවතින බවද වාර්තා ‌වෙනවා.

මේ තත්වය සමග ඩෙංගු සුළු කොට නොතකන්න එපා. ඔබට එක් දවසක උණ රෝගයක් තිබියදි වුවද ඔබ රුධිර පරීක්ෂාවන් කල යුතු බව ජාතික ඩෙංගු මර්දන ඒකකය දන්වා සිටිනවා. 

සක්‍රියව පවතින නිරිත දිග මෝසම් වර්ෂා තත්වය වර්ෂයේ අග භාගයේ ඩෙංගු රෝගය පැතිර යෑම ඉහළ යෑමට හේතු වන්නට ඇත.

වරින් වර ඩෙංගු මර්දන ව්‍යාපාර ගම් මට්ටමින් සංවිධානය කලද මේ වසරේ ඩෙංගු රෝගීන් ගණන සලකා බලන විට එය ප්‍රමාණවත් වුවාදෝ ගැටලුවක් ඉතිරි වේ.

ඒ වගේම ඩෙංගු සම්බන්ධයෙන් පහත පියවර ගැනීමේ අවශ්‍යතාවය දැන් මතුව තියෙනවා.

• මදුරුවන් බෝවීමට ඉඩ ඇති ස්ථාන පරිසරයෙන්  සම්පූර්ණයෙන් ඉවත් කිරීම
• උණ වැලඳුනු විට ගතයුතු ක්‍රියා මාර්ග සම්බන්ඳයෙන්  මහජනයා දැනුවත්කිරීම
• දින තුනකට වඩා උණ රෝගය පවතීනම් ප්‍රතිකාර ලබා ගැනීම හා අවශ්‍ය සායනික පරීක්ෂණ සිදුකරගැනීම 
• එක් දවසක උණ රෝගයක්  ඇති විට පවා රුධිර පරීක්ෂණ සිදුකිරීම

ඩෙංගු 2019: ඩෙංගු මාරාන්තික බව අමතක නොකරන්න

ඩෙංගු ‌මාරාන්තිකයි

ඩෙංගු මාරන්තික බව අපිට හැමතිස්සෙම අමතක වෙනවා. ඩෙංගු ව්‍යාප්ත වීමත් සමග තැන තැන ඇසෙන සහෘදයන්ගේ මරණ අපට ඉතිරි කරන වේදනවවත් අපට මතක ඒ මොහොතේදි පමණයි. ඩෙංගු වසරින් වසර යලි යලිත් හිස ඔසවන්නේ අන්න ඒ නිසයි.  මෙම මාරාන්තික රෝගය මදුරුවන් ගෙන් පැතිරෙන බව අප දැන සිටියද සමහර රටවල පවතින ඩෙංගු රෝග තත්වයන් ලිංගිකව ද සම්ප්‍රේශණය වන බව ලගදි වාර්ත වුනා. ඩෙංගු ලෝකය අද ලෝකයේ ඒ තරම් දුරක් ගොස් අවසන්. ඒත් අපි තාම එතැන. ඒ ඩෙංගු ව්‍යාප්තිය පටන් ගත් මුලික අවධියේ නේද?

ඇත්තටම මෙසේ වුයේ අපේ නොදැනුවත්කම හා නොසැලකිල්ල නිසයි. පුරාණයේ කියන්නා සේ නියපොත්තෙන් කඩන්න තියෙන දේ පොරොවෙන් කපන්න වෙන තුරු වවාගෙන කන සමහරක් ඉන්න රටක ඩෙංගු තවමත් රජයන්නට වීම පුදුමයකට කරුණක් නම් නොවෙයි.

ඩෙංගු 2019 ‌: ඩෙංගු රෝගයට එරෙහිව නැගී සිටිමු

ජලය එකතු ‌වෙන ස්ථාන ඉවත් කරමු.

අවසාන වශයෙන් ඩෙංගු රෝගයෙන් ආරක්ෂා වීමට පුංචි උපදෙස් ටිකක් මතක් කරන්න කැමතියි.

• තැන තැන ඇති පොලිතින් උර, ප්ලාස්ටික් භාජන, මැටි හා ලෝහ බඳුන්, විසිතුරු මල් බඳුන්, බැරල්, කුරුළු නාන තටාක, වතුර ටැංකි, ශීතකරණ තැටි, ඉවතලන ටයර්, වියළි පොල් කෝම්බ හා වැහිපිහිලි වැනි ජලය රුදෙන ස්ථාන ඉවත් කරන්න. නැතිනම් මදුරුවන් බෝවීම වළක්වන්න.
• කසළ නිවැරදිව බැහැර කරන්න.
• ජලය රැදෙන පත්‍ර කපා ඉවත් කරන්න
•  ගස් බෙන පිරිසිදු කරන්න.

මදුරුවන්ගේ දෂ්ටවීම් වලින් ආරක්ෂා වීමට

• මදුරු විකර්ෂක භාවිතා කරන්න
• සිරුර සම්පුර්ණයෙන්ම ආවරණය වෙන ඇදුම් අදින්න.
• මදුරු දැල් භාවිතා කරන්න.
• මදුරුවන් ගැවසෙන වේලාවට නිවසේ දොර ජනෙල් හොදින් වසා තබන්න.
• මදුරුවන් නිතර ගැවසෙන ස්ථාන වලින් ඈත්ව සිටින්න.

මුලාශ්‍ර 

*theAsianparent Sri Lanka හි පල කරනු ලබන ලිපි ජාත්‍යන්තර ප්‍රකාශන හිමිකම් නීති මගින් ආරක්ෂා කර ඇත. ඔබ මෙම ලිපිය theAsianparent Sri Lanka හි අවසරයකින් තොරව පිටපත් කිරීම හෝ භාවිතා කිරීම කරන්නේ නම් ඔබට එරෙහිව මෙම නීති යටතේ නඩු පැවරිය හැකිය.