ගර්භණී මව්වරුන් අහන්න අකමැතිම කාරණා 10ක්

ගර්භණිත්වට පත්වීම උතුම් දෙයක් වෙනවා. නමුත් සමහර වෙලාවට ගර්භණී මව්වරුන් වටා සිටින පිරිස හිංසාකාරී ලෙස හැසිරෙනවා. විශේෂයෙන් ගර්භණී මව්වරුන් ට මෙන්න මේ දේවල් දහය කියන විට:

1. ප්‍රසුතියෙන් පසු බර අඩු කර ගැනීමට අපහසුයි.

සියලුම ගර්භනි මව්වරුන් ට  මෙන්න මේ දෙය ඔවුන්ගේ ගර්භනී කාලය තුළ එක් වරක් හෝ අසන්න ලැබෙනවා. ගර්භනි කාලයේ සිදුවන බර වැඩිවීම හා හෝමෝන වෙනස් වීමේ ප්‍රතිඵලයක් ලෙස බොහෝ ගර්භනී මව්වරුන්ට අපහසුතාවක් ඇතිවිය හැක. ඔවුන්ට නරකත් දැනවීමට කිසිවෙක් අවශ්‍ය වන්නේ නැහැ.

2. දරු උපත පිළිබඳ භයංකාර කතා

සෑම මවකටම ඔවුන්ටම අනන්‍ය වූ දරු උපතේ කතාවක් තියෙනවා. ඒ වගේම මවක් වෙන්න ඉන්න කෙනෙක් එය කොතරම් වේදනාකාරී ද, දරු උපත කොතරම් අසීරුද, යන්න දැන ගැනීමට කැමතියි. ඊළඟ පාර ඔබ ඔබේ භයානක දරු උපත පිළිබඳ අත්දැකීම බෙදා ගැනීමට පෙර දෙවරක් සිතන්න.

3. ඔබේ බර වැඩිවෙනවා.

කවදාවත්ම මෙය  ගර්භණී මවකට හෝ එවැනි කිසිම කාන්තාවකට කියන්න එපා.

4. නියමයි ඔබ සති 20 ක ගර්භණියක්

මෙයත් ගර්භණී මවකට ඇයගේ බර  වැඩිවීම පිලිබඳ පැවසීමක් වෙනවා. එය හොඳ අදහසක් නොවේ. මෙවැනි දේවල් වලදී  ඔබේ අදහස් ඔබ තුළම තබා ගන්න.

5. ඔබට නිවුන්නු දරුවන් ලැබීමට නොමැති බව විශ්වාස ද?

අල්ට්‍රා සවුන්ඩ් පරීක්ෂණයකින් බලා තිබේ නම්, එක බබෙක් නම් ඉන්නේ  ඔවුන්ට නිවුන්නුද නැද්ද සිටින්නේ යන්න ඇසීම ඵල රහිත වේ. බලාපොරොත්තුව හා අපේක්ෂාව තුලින් ක්ෂණිකව ගර්භණී කාන්තාවකට නිවුන්නු දරුවන් ඇති කළ නොහැකිය.

6. ඔබේ ජීවිතය දැන් හැකි තරම් විදින්න.

දරුවෙක් ලැබීම සමඟ මවගේ ජීවිතය වෙනස් වෙන බව සැබෑවකි.නමුත් එය නරක දෙයක් බව ඉන් කියැවෙන්නේ නැහැ. දරුවෙක්  ලැබීම විශාල මෙන්ම උද්‍යෝගීමත් වෙනසක් වෙනවා. එම නිසා ඔවුන්ගේ ජීවිතය දැන් හැකි පමණ විදින්න යැයි පැවසීම  යෝග්‍ය වන්නේ නැහැ.

7. එය සැලසුම් කළා ද?

දරුවා සැලසුම් කළ දරුවෙක්ද නැද්ද යන්න වැඩක් නැත. ඔවුන් ලෝකයට දරුවෙක් රැගෙන ඒම ලොකු දෙයක් වෙනවා වගේම හොද දෙයක් ද වෙනවා.

8. මට හිතෙනවා ඔබ මවුකිරි දෙන මවක් වේවි කියලා

මව්කිරි දීම දරුවන් සඳහා සෞඛ්‍ය සෞඛ්‍ය සම්පන්නම ක්‍රමය වන බව ඇත්තයි. එය සම්පූර්ණයෙන්ම රඳා පවතින්නේ දරුවාගේ දෙමව්පියන් මත වේ. විශේෂයෙන් මව ඔහුට දීර්ඝ කාලීන මව්කිරි ලබාදීම කරනවාද නැද්ද යන්න තීරණය කරනවා. ඇයට දරුවාට සුදුසුම කුමක් ද යන්න දන්නේ මවක්ම පමණයි.

9. ගොඩාක් කල් ගත්තා නේද

ගර්භණී මවකට ඇය ඒ සදහා ගත් කාලය මතක් කිරීමට එය ඔබට සුදුසු ස්‍ථානය නොවේ. අපි සියල්ලෝම දන්නා පරිදි ඔවුන්ට පිලිසිද ගැනීමේ ගැටලු විශාල ප්‍රමාණයක් තිබුනා විය හැකියි. ඔබ එසේ පැවසීම සංවේදී නොවේ.

ගර්භණිත්වයේ ආරංචිය  පිලිබඳ උද්‍යෝගීමත් වන්න. වැඩි යමක් පවසන්න යන්න එපා.

10. ඔබ බලාපොරොත්තු වනවාට වඩා ප්‍රසූතිය පමා විය හැක.

දිගුකාලීන ගර්භණි සමයකින් පසුව/අලුත් මවකට අවශ්‍ය වන දෙය වන්නේ ඇගේ ආදරණීය දරු හැකි ඉක්මනින් දැකීමයි. එමනිසා ඇයට ඇගේ ප්‍රසූතිය පමා වේ යැයි පැවසීම සුදුසු දෙයක් නොවෙයි.

මෙවැනි හිත රිදෙන කතා ඔබත් ගර්භණි සමය තුල ආසා ඇති එවැනි කතා ගැබිනියකට නොපැවසිය යුතු බවත් මතක් කර දෙන්නේ The Asianparent Sri Lanka  වෙතිනි.

theAsianparent හි අනුමැතිය ඇතිව පරිවර්තනය කර ප්‍රකාශිතයි.

පරිවර්තනය: නදීශා ලක්මිණී