ඇත්තවශයෙන්ම කාන්තාවන්ග‌ේ සරු කාලය ගැන බ‌ොහ‌ෝ ද‌ෙනාට ගැටලුවක් තිය‌ෙනවා.  කාන්තාවන්ග‌ේ සරු කාලය සම්බන්ධය‌ෙන් වැඩි ත‌ොරතුරු ඇතුලත්  ප්‍රසව හා නාරි වෛද්‍ය සමන් හ‌ේවා මහතාගේ වැදගත් ලිපියක් ඔබ ව‌ෙත අපි අද ග‌ෙන එන්න‌ෙමු.

කාන්තාවන්ගේ ඔසප් චක්‍රය තුල ගැබ් ගැනීමක් සිදුවීමට වැඩිම ඉඩකඩක් ඇති කාලය සරු කාලය ලෙස හදුන්වනවා.

ක්‍රමවත්ව ඔසප්වීම දින 28 කට වරක් සිදුවන කාන්තාවකගේ නම් සරු කාලය වන්නේ අවසන් වරට ඔසප් වීම ඇරඹුන දිනයේ සිට දින 12 ත් 16 ත් අතර කාලයයි.

නමුත් මෙම කාලයෙන් පිටත වුවත් සරු ඩිම්බ 18mm +  ඇතිවිට ගැබ් ගැනීමක් සිදුවෙන්න පුළුවන්.

ඔසප් චක්‍රය ආරම්භ වන්නේ ඔසප් වීමත් සමගයි.

එතැන් පටන් ඩිම්බ කෝෂ වල ඉදිරි මාසයේ පිටවීම සදහා ඩිම්බ මේරීම ආරම්බ වෙනවා.

ඩිම්බයක් පිටවීමට සුදුසු තත්ත්වයට ඩිම්බයක් මේරීම සදහා දින 14ක් පමන ගතවන අතර මෙය විවිධ කාන්තාවන්ගේ ශාරීරික තත්ත්වයන් මත වෙනස් වෙන්න පුළුවන්.

ඩිම්බය පිටවූ දිනයේ සිට හරියටම දින 14 කින් ඔසප් වීම ආරම්භ වෙනවා.

මෙම කාලසීමාව වෙනස් නොවෙන නිසා ඔසප් වීමට ගතවන කාලය තීරණය වන්නේ ඩිම්බ මේරීමට ගතවන කාල සීමාව අනුවයි.

ශුක්‍රාණුක් ස්ත්‍රී ප්‍රජනන පද්ධතිය තුල දින 5ක් පමන සක්‍රියව පවතින අතර ඩිම්බයක් පිටවූ පසු එය දින 2ක් පමන සජීවීව තිබෙනවා.

ඒ නිසා ඩිම්බයක් හා ශුක්‍රාණුක් එකතුවී සංසේවනය වීමට ඩිම්බයක් පිටවීමට ආසන්න දිනයකදී ලිංගිකව එකතු වීමෙන් දරු කලලයක් බිහිවීමට පුළුවන්.

ඩිම්බ පිටවෙන දිනයට ( සාමාන්‍යයෙන් ඔසප් චක්‍රයේ 14 වන දිනය ) දින දෙකකට පෙර හා දින දෙකකට පසු කාලය සරු කාලය ලෙස හදුන්වන්නේ මේ නිසයි.

එවිට ඩිම්බ පිටවන දිනය අනුමාන කරන්න නොහැකි සිසා සරු කාලය ගනනය කරන්න හැකියාවක් නැහැ.

ඔසප් වීම නියමිත දින ගගනකට වරක් සිදුවේනම් නැවත ඔසප් වීමට නියමිත දිනට දින 14කට පෙර ඔසප් වීම සිදුවෙනවා.

ඩිම්බ මෝරන්න ගතවෙන කාලය වෙනස් වෙන නිසා කාන්තාවන් කෙනින් කෙනාට ඔසප්වීම සිදුවන කාලය වෙනස් වෙනවා.

ඔබේ සරු කාලය පරීක්ෂා කිරීම සදහා පහසු කරවන චක්‍රය මේ සමග පල කරන්නම්.

එසේ නොමැතිනම් ඔබට ඒ සදහා බෝහෝ දේනා අතර ප්‍රචලිත සරු කාලය පරීක්ෂා කර ඇප් එක භාවිතා කිරීම පහසුයි.

වෛද්‍යතුමන්ගේ මුල් සටහනට

*theAsianparent Sri Lanka හි පල කරනු ලබන ලිපි ජාත්‍යන්තර ප්‍රකාශන හිමිකම් නීති මගින් ආරක්ෂා කර ඇත. ඔබ මෙම ලිපිය theAsianparent Sri Lanka හි අවසරයකින් තොරව පිටපත් කිරීම හෝ භාවිතා කිරීම කරන්නේ නම් ඔබට එරෙහිව මෙම නීති යටතේ නඩු පැවරිය හැකිය