පාසැල් යන මුල්ම දවස ඇවිත්! එය පැටියාට කලබලකාරී නොවන සුන්දර දවසක් කරමු!

පුංචි පුතා මගෙ පෙර පාසැල් යන මුල්ම දවස අද වේ! මුල්ම දවස අද වේ! අප බොහෝ දෙනෙක් අතීතයට ගෙන යන මිහිරි ගී කොටස ඔබටත් ගයන්නට දවස ඇවිත් නේද?

කාලය ගෙවී ගිහින් තියෙන ඉක්මන! කිරිකැටියා උපන්නේ ඊයේ පෙරේදා වගෙයි.

ඇඟට නොදැනිම ඉසිස්සෙල්ලාම පාසැල් යන මුල්ම දවස ඇවිත්...  දන්නෙම නැතිව නිවාඩු කාලෙත් ඉවර වෙලා නේද?

සතුට මුසු වූ නොසන්සුන් බවක්

මේ දවසට දරුවන් මෙන්ම දෙමාපියන්ද සූදානම් වන්නේ සතුට මුසු වූ නොසන්සුන්  බවකින්.

විශේෂයෙන්ම පාසැල් යන මුල්ම දිනය උදාවී තියෙන්නේ ඔබේ පළමු දරුවාට වෙන්නට ඇති. එසේ නම් එම අත්දැකීම ඔබ කලින් ඇත නොදුටු අලුත් එකක්.

මෙය ඔබේ ජිවන රටාවේ ඇති කරන වෙනස නිසාත්, දෛනික රටාවට එකතු වන අලුත් වගකීම් රැසත් නිසාත් ඔබ නොසන්සුන් වන්නට පුළුවන්.

අනෙක් අතට දරුවාද මෙම චර්යාවේ වෙනස  අත්දකිනවා. මුලින් පාසැල් යන මුල්ම දවස එන තුරු ඉස්පාසුවක් නැතිව සිටියත් පාසලට ගිය විට දෙමාපියන්ගෙන් වෙන් වීම බොහෝ දරුවන්ට දරාගත නොහැකි අත්දැකීමක් වනවා.

දරුවා පාසලට ඇරලවා විත් දරුවා එන තුරු නොකා නොබී සිත් තැවුලින් සිටින අම්මිලාද එමටයි!

පාසැල් යන මුල්ම දවස සඳහා ඔබට සුදානම් විය හැකි ආකාර 10ක්

පාසැල් යන මුල්ම දවස එළඹෙන්නට කලින්

1. සැලසුම්සහගත වීම:

ඕනෑම දෙයක් හොඳින් සැලසුම් කිරීම නොහොත් සැලසුම්සහගත බව කෙතරම් වටිනා ගුණාංගයක්දැයි කියන්නට වචන නැත.

ඔබේ දරුවාගේ පාසැල් යන මුල්ම දවස එළඹෙන්නට මත්තෙන් එදිනට අවශ්‍ය සෑම දෙයක්ම සුදානම් කර තැබීමට වග බලා ගන්න.

පුංචි තීරණ ගැනීම් පවා කලින්ම කරන්න. එනම් දරුවා ගෙන යන කෑම පෙට්ටිය, වතුර බෝතල් වැනි සුළු දේවල් පවා කල් තියා තීරණය කොට, මිලදී ගෙන තබන්න.

2. දරුවා සමඟ පාසැල් ජීවිතය ගැන කල් තියා කතාබහ කරන්න.

ඔහුට/ඇයට  එම පරිසරය ගැන අවබෝධයක් ලබා දෙන්න. මෙය දරුවාට කදිම පෙර සුදානමක්.

3. දරුවාගේ පාසැලට දරුවාව මදක් හුරු කරන්න.

දරුවා සමඟ පාසැල වටා මෙන්ම පාසැල තුලත් පුංචි සවාරියක් කල හැකි නම් අගෙයි. දරුවාට පාසලේ වට පිටාව පෙන්වා ඒ ගැන පැහැදිලි කිරීමක් කරන්න.

පාසැල් යන මුල්ම දවසේදී

4. පෙර සූදානම:

පෙර දින රාත්‍රියේදී දරුවාගේ ඇඳුම්, කළමනා සියල්ල මැනවින් සකසුරුවම් කර තබන්න.

එදිනට පිළියෙළ කරන අහාරපාන (හැකි නම් වේල් තුනටම පවුලේ සැමට සකසන අහාර පවා) කලින් දා සැලසුම් කරගන්න.

පොඩ්ඩාව පෙර පාසැල් යැවීමට පෙර සුදානමක් ලිපිය පෙර සූදානම ගැන තව දුරටත් කතා කරයි.

පාසැල් යන මුල්ම දවස දී දරුවාගේ පාසැල් මල්ලේ තිබිය යුතු දේවල්

දරුවා වෙනදාට වඩා අවම වශයෙන් පැයක් හෝ කලින් නින්දට යවන්න.

කල් වෙලා ඇතිව දරුවා ලැහැස්ති කරගන්න. නිවසින් පිටත් වන්නට සුදානම් කල වෙලාවට වඩා පැය බාගයක් කලින් ඔබත් දරුවාත් නිවසින් පිටත් වීමට ලැහැස්ති වන්න.

මෙය ඔබ සැමටම විශාල මානසික නිදහසක් දෙනවා ඇති. කලබලයකින් තොරව ඔබ අදහන දෙවියන් යදින්නටත්, මුල් දවසේ ඡායාරූප කිහිපයක් ගන්නටත් ඔබට මේ නිසා කල් වෙලා ලැබෙනවා.

5. වෙන්වීම කාංසාව (separation anxiety)

දරුවා ඔබෙන් ඈත් වී කල් ගත කරන මුල්ම දවස මෙය විය හැකියි. පාසැල් යන මුල් සතියේ දරුවට මෙම කාංසාව තදබල ලෙස දැනෙන්නට පුළුවන්.

මෙහිදී ඔබත් හඬා දුක් වීමෙන් දරුවාට අලුත් පරිසරයට හුරු වීම තවත් අපහසු වනවා.

මේ නිසා පාසැල් ගුරුවරුන් දෙන උපදෙස් අනුගමනය කිරීමෙන්, දරුවාට අලුත් පරිසරයට හුරු කරන්න ශක්තිමත්ව උදව් කරන්න.

6. පාසැල අරුණු විට දරුවාව වෙලාවට පාසැලෙන් ගන්න  

වෙලාවට දරුවා පාසලෙන් ගැනීමට පුරුදු වන්න. මෙය කාටත් පහසු වන අතර යම් හෙයකින් ඔබ පමා වුවහොත් දරුවා එය සාමාන්‍ය දෙයක් නොවන බවට තේරුම් ගනු ඇත. නියමිත් වෙලාවට ඔබ නාවොත් දරුවා ගත යුතු ක්‍රියා මාර්ග ගැන පවසා තබන්න.

ඔබේ දුරකථන අංකය දරුවාගේ පොත් බාගයේ නිශ්චිත තැනක තබන්න.

දරුවා ඉක්මනින්ම අළුත් පරිසරයට හුරු වන අතර දරුවාට අලුත් මිතුරන් හඳුනා ගන්නට උනන්දු කරවන්න.

කලින් දා රාත්‍රියේ සියලුම දේ සූදානම් කර තැබීමේ පුරුද්ද මුල සිටම දරුවාට දෙන්න.

දරුවා නිශ්චිත වෙලාවට නින්දට යැවීමත් ඇති තරම් කල් වේලා තියා අවදි වන වේලාවක් ස්ථාපිත කිරීමෙන් උදෑසන කලබලයකින් තොරව පාසැල් ගමන ඔබටත්, දරුවාටත්, සන්සුන් මෙන්ම ප්‍රසන්න එකක් කරගන්නට පුළුවන්.