බලෙන් කෑම කැවීම නිසා දරුවාට ඇති වන හානි ගැන ඔබ දැන සිටියාද?
නමුත් ප්‍රශ්නය වන්නේ දෙමාපියන් අහාර ගැනීම දරුවන්ගේ ඒකායන අවශ්‍යතාවය පමණක් වන බව සිතා ක්‍රියා කිරීම නිසා දරුවාට බලෙන් ආහාර කැවීම සිදු කරන බවයි.
අමාරුවෙන් හදා දෙන කෑම ටික පැටියා කන්නේ නැතිකොට දැනෙන්නේ පුදුමාකාර දුකක් නේද? මේ නිසා මොන දහන ගැටේ දමා හෝ දෙමාපියන් දරුවාට බලෙන් කෑම කැවීම කරගන්නවා.
දරුවාට ජංගම දුරකථනය හෝ රුපවාහිනිය පෙන්වමින් කැවීම, කුරුල්ලන්, බස්, කාර් පෙන්වමින් කැවීම මෙන්ම අඬන දරුවාගේ කට මිරිකමින් කෑම ටික ගිල්වවිමත් සමාජයේ සුලභව දකින්නට පුළුවන්.
බලෙන් කැවීම සිතට දුකක් ගෙන ආවත්, දරුවාට බෙදා දුන් කෑම ටික සේරම කවාගතහොත් දරුවාට කෙසේ වෙතත් අම්මාට නම් දැනෙන්නේ පුදුමාකාර සැනසීමක්.
එය එසේ වුවත් වෛද්‍යවරුන් පවසන ආකාරයට මෙසේ බලෙන් කෑම කැවීම දරුවාට යහපතකට වඩා කරන්නේ හානියක් බව බොහෝ මව්වරුන් නොදන්නා කරුණක් වන්නට පුළුවන්.
දරුවන්ගේ නිසි ආකාර ශාරීරික මෙන්ම බුද්ධි වර්ධනය සහ සෞක්‍ය සම්පන්න ජිවිතයක් සඳහා සමබල අහාර වේල් කිහිපයක් දිය යුතු බව නොදන්නා දෙමාපියෙක් නැහැ. නමුත් ප්‍රශ්නය වන්නේ දෙමාපියන් අහාර ගැනීම දරුවන්ගේ ඒකායන අවශ්‍යතාවය පමණක් වන බව සිතා ක්‍රියා කිරීමයි.
බලෙන් කෑම කැවීම සඳහා දෙමාපියන් ගන්නා වැරදි පියවර කිහිපයක්
1. දරුවන් කෑ යුත්තේ මොනවාද? මොන ප්‍රමාණයෙන්ද යන්න දෙමාපියන් පමණක් තීරණය කිරීම.
2. කෑම වැඩිපුර බෙදා සියල්ල ඉවර කල යුතු බවට තර්ජනය කිරීම
3. දරුවන් අහාර ඇති බවටත්, පසුව කෑමට ඉල්ලා සිටීමටත් කරන ආයාචන ගැන කිසිඳු තැකීමක් නොකිරීම.
4. අනෙක් දරුවන් සමඟ නිරතුරු සංසන්දනය කරමින් දරුවා ලැජ්ජාවට පමුනුවිම
5. දරුවන්ට බලෙන් කෑම කැවීම නිසා ආහාර ගැනීම දරුවාට සහමුලින්ම අප්‍රසන්න අත්දැකීමක් වීම
මෙපමණක් නොවේ, දරුවා අඬමින් ඔක්කාර කලත්, කෑම පිඟානම දරුවාට බලෙන් කැවීම පුරුද්දක් කරගත් දෙප්මාපියන් එමටයි.
දරුවන්ට බලෙන් කැවීම නිසා දරුවාට සිදු වන හානි
1. දරුවන්ට බල කරන කෑම වර්ගය සඳහා සදාකාලිකවම අප්‍රියතාවක් ගොඩ නැගිය හැකි වීම.
2. දරුවන්ට බලෙන් කෑම කැවීම ත් පසු කාලින තරබාරුකම, අහාර අරුචිය, අහාර ගැනීමේදී ඔක්කාරය වැනි රෝග ලක්ෂණ අතරත් තදබල සම්බන්ධතාවක් ඇති බව විද්යාඥයෙන් පෙන්වා දෙනවා.
3. දරුවාගේ සිරුර ඉල්ලන පරිදි අහාර පාලනයක් සිදු නොවූ නිසා පසු කාලීනව තරබාරු කම හෝ අඩු බර වැනි තත්ව ඇති වන්නට බොහෝ ඉඩ තිබෙනවා.
4. ගුණ අහාර වෙනුවට පැණිරස සහ අගුණ ඔ සකස් කල අහාර වලට යොමු වීමේ වැඩි ප්‍රවනතාවක් ඇති වීම.
5. අහාර අප්‍රසන්න වීම
දරුවන්ට අප්‍රසන්න නොවන ලෙස කෑම කවන්නේ කෙසේද?
1. දරුවා අහර ගැනීම හෝ එක අහර වර්ගයක් ගැනීම ප්‍රතික්ෂේප කිරීමට හේතුව තේරුම් ගැනීමට උත්සහ කරන්න
මෙම තත්වයට බොහෝ විට හේතු විය හැක්කේ දරුවාට පැණි රස හෝ සකස් කල අහාර වල රස දැනීම හෝ නිතර ගැනීමත්, මෙයට කලින් අහාර වේල පමණට වඩා ප්‍රමාණයක් ගැනීම ආදිය වන්නට පුළුවන්.
2. දරුවාට අහාර ගැනීම ප්‍රසන්න කරන අකාරය ගැන ගවේෂණයක් කරන්න.
විශේෂඥයයින් පවසන්නේ වඩාත්ම යෝග්‍ය වන්නේ දරුවාට අවශ්‍ය වෙලාවට අවශ්‍ය ප්‍රමාණයෙන් අහාර දීම ඉතාම සුදුසු ක්‍රියාදාමය බවයි. දරුවාගේ අවධානය නිතර බිඳෙන නිසා අහාර නොගන්නේ නම් අවධානය වෙනතක යවා දරුවාට ඇති වන තුරු පමණක් යම් ආහාර ප්‍රමාණයක් කවන්නට ඔබට පුළුවන්.
දරුවාට කෑම කැවීම සම්බන්ධයෙන් ප්‍රයෝගික සත්‍ය අත්දැකීමක් ඇසුරින් සකස් කල මේ ලිපියද ඔබට ප්‍රයෝජනවත් වන්නට පුළුවන් මගේ දරුවා කෑමට හරි හොරයි. නමුත් මට එය ගානක් නැත්තේ මේ නිසයි
