මේ පසුගිය 5 වසර ශිෂ්‍යත්ව ප්‍රශ්ණ පත්‍ර එකතුව ඔබට අත්වැලක් පිණිසයි!
පසුගිය 5 වසර ශිෂ්‍යත්ව විභාග ප්‍රශ්ණ පත්‍ර එකතුවක් ඔබ වෙත ඉදිරිපත් කිරීම කාලෝචිත යැයි සිතුවේ, දරුවාගේ නව පාසැල්ව වසරට මෙය අත්වැලක් වන නිසාය.
ළඟ එන නව වසරේ 5 වසරට පියමන් කරන පොඩිත්තා මුහුණ දෙන්නට සුදානම් වන 5 වසර ශිෂ්‍යත්ව විභාගය ඔබගේත් දරුවාගේත් ජිවිතයේ තීරණාත්මක විභාගයක් වන්නට පිළිවෙන. මේ නිසා පසුගිය 5 ශ්‍රේණිය ශිෂ්‍යත්ව ප්‍රශ්ණ පත්‍ර එකතුවක් ඔබ වෙත ඉදිරිපත් කිරීම කාලෝචිත යැයි සිතුවේ, දරුවාගේ නව පාසැල්ව වසරට මෙය අත්වැලක් වන නිසාය.
5 වසරේ දරුවන්ගේ විභාගයට පෙර සුදානමක් ලෙස බොහෝ ප්‍රයෝජනවත් විය හැකි වටිනා අදහස් කිහිපයක්ද පසු ගිය දිනක පහ වසර ශිෂ්‍යත්ව විභාගය ගැන ඔබ දැනගත යුතු වටිනා උපදෙස් නවයක් ලිපිය තුලින් අප ඉදිරිපත් කළෙමු.
5 ශ්‍රේණිය ශිෂ්‍යත්ව ප්‍රශ්ණ පත්‍ර එකතුව
2020 ශිෂ්‍යත්වයට සූදානම් වීම සඳහා
5 ශ්‍රේණිය ශිෂ්‍යත්ව ප්‍රශ්ණ පත්‍ර සහ ආදර්ශ ප්‍රශ්ණ පත්‍ර එකතුව මෙතැනින් ලබාගන්න.
- 5වන ශ්‍රේණිය ශිෂ්‍යත්ව ප්‍රශ්ණ පත්‍ර එකතුව – 2016
- 5වන ශ්‍රේණිය ශිෂ්‍යත්ව ප්‍රශ්ණ පත්‍ර එකතුව – 2015
- 5 ශ්‍රේණිය ශිෂ්‍යත්ව ප්‍රශ්ණ පත්‍ර එකතුව – 2014
මේත් සමඟම කුමාර ජනප්‍රිය සර්ගේ මුහුණු පොතේ එතුමා විසින් බෙදාගෙන ඇති නව නිර්දේශ 5 ශ්‍රේණිය ශිෂ්‍යත්ව ප්‍රශ්ණ පත්‍ර පෙරහුරු මාලාවද පුංචි දූලා පුතාලට මෙහෙවරක් වන්නට මෙතැනින් ලබාගන්නට පුළුවන්.
ඉතින් මෙම 5 ශිෂ්‍යත්ව ප්‍රශ්න පත්‍ර එකතුවත් ඔබට එලෙසින්ම ප්‍රයෝජනවත් වනු ඇතැයි විශ්වාස කරමු.
5 ශිෂ්‍යත්ව ප්‍රශ්න පත්‍ර: දරුවන් අනවශ්‍ය ලෙස වෙහෙස කරවන්න එපා!
ඔබේ දරුවා සුදානම් කරනු වස් අයිරෝමි පෙරේරා ගුරුතුමියගේ මේ අදහස් ඔබට මහත් රුකුලක් වේවි.
1. මොකද්ද මේ ශිෂ්‍යත්ව විභාගය කියන්නේ
ප්‍රාථමික අධ්‍යාපනය අවසන් කරන දරුවා තුල විෂය දැනුම, නිර්මාණාත්මක කුසලතා, නිර්මාණාත්මක චින්තනය, ප්‍රායෝගික හැකියා, සාදන මට්ටම මැන බලන පොදු පරීක්ෂණය ශිෂ්‍යත්ව විභාගය නම් වේ.
2. ශිෂ්‍යත්ව විභාගයට පෙනී සිටීමෙන් දරුවාට ඇති වන ප්‍රයෝජන මොනවාද?
සෑම විෂයක් ගැනම වයස් මට්ටමට අදාල පුළුල් දැනුමක් ලැබේ. නිර්මාණාත්මක චින්තනය දියුණු වේ. පරිකල්පන හැකියාව දියුණු වේ. තර්කානුකූල චින්තනය වර්ධනය වේ.
මෙම විභාගයෙන් දරුවා ඉහළ ලකුණු පරාසයක් ලබා ගැනීමට සමත් වුවහොත් කොළඹ හෝ වෙනත් නගරයේ උසස් පාසලකට ඇතුළත් වීමට දරුවාට වරම් ලැබීම මෙහි විශේෂත්වයයි. එම නිසා පළමු ශ්‍රේණියෙන් උසස් පාසලකට දරුවා ඇතුළත් කරගැනීමට අසමත් වුවහොත් දෙමාපියන්ට ඒ ගැන ඇතිවන ඊළඟ බලාපොරොත්තුව ශිෂ්‍යත්ව විභාගයයි.
3. ශිෂ්‍යත්ව විභාගයට මුහුණ දීමට අවශ්‍ය විශේෂ සුදුසුකම් මොනවාද?
හතර (4) සමත් විය යුතුය. 5 ශ්‍රේණියේ ඉගෙනුම ලබන සියලුම සිසුන් අනිවාර්යයෙන් ශිෂ්‍යත්ව විභාගයට මුහුණ දිය යුතුය.
4. ශිෂ්‍යත්ව විභාගයට අයත් විෂයන් ගැන කෙටි හැඳින්වීමක් කල හැකිද?
ශිෂ්‍යත්ව විභාගයේ මුලික විෂයන් වන්නේ ගණිතය හා මවු භාෂාවයි (සිංහල හෝ දෙමළ) මීට අමතරව විද්‍යාව, ඉංග්‍රීසි හා පරිසරය අනු විෂයන් වනවා.
5. 5 ශ්‍රේණිය ශිෂ්‍යත්ව ප්‍රශ්ණ පත්‍ර කොටස් කිහියකින් සමන්විතද?
ප්‍රශ්න පත්‍රය මුල් කොටස හා දෙවන කොටස යනුවෙන් කොටස් දෙකකින් සමන්විත වනවා.
6. දරුවකු ශිෂ්‍යත්ව විභාගයට සූදානම් විය යුත්තේ කෙසේද?
3,4,5 ශ්‍රේණිවල විෂය මාලාව නිසි පරිදි අධ්‍යයනය කළ යුතුය. 3,4,5 ශ්‍රේණිවලට අදාළ සිංහල පෙළ පොත හොඳින් පරිශීලනය කළ යුතුය.
පරිසර තේමා 16 ප්‍රායෝගික ක්‍රියාකාරකම් සහිතව ඉගෙනගත යුතුය. ගණිත කර්ම නිවැරැදි අවබෝධයෙන් යුතුව ඉගෙනගත යුතුය.
කියවීම ප්‍රගුණ කළ යුතුය. පාසලේ දිනපතා කරන වැඩ නිසි පරිදි කළ යුතුය. පසුගිය ප්‍රශ්න පත්‍ර වලට අනුමාන, පසුගිය ප්‍රශ්න පත්‍ර වලට පිළිතුරු ලිවිය යුතු අතර, පරිසරය පිළිබඳ අවබෝධය වඩි කරගත යුතුය.
දරුවා පළමු වසරේ සිට උගත් දෑ ගැන මනා අවබෝධයක් තිබිය යුතු අතර සාමාන්‍ය දැනීම ප්‍රශ්ණ වලටත් සාර්ථකව මුණුනා දීමට රුපවාහිනිය, ගුවන්විදුලිය, පුවත්පත් ආදියද පරිශීලනය කොට සමබර ගිවිතයක් ගත කල යුතුය.
8. ශිෂ්‍යත්ව විභාගයට සුදානම් වන දරුවකුට දිය හැකි උපදෙස් මොනවාද?
i. විභාගයේ දී ප්‍රශ්න පත්‍රය පළමුව හොඳින් කියවන්න.
ii. ප්‍රශ්න හොඳින් තේරුම් ගන්න.
iii ප්‍රශ්න පත්‍රයේ ඇති උපදෙස් පිළිපදින්න.
iv. සෑම ප්‍රශ්නයකටම හැකි උපරිමයෙන් පිළිතුරු ලියන්න.
v. කාලය කළමනා කරගෙන පිළිතුරු ලියන්න.
vi. පහසු ප්‍රශ්න වලට මුලින් පිළිතුරු ලියන්න.
vii. අපහසු ප්‍රශ්න වලට ඉන්පසුව පිළිතුරු ලියන්න.
viii. සියලුම පිළිතුරු ලියා අවසන් වූ පසු, පිළිතුරු නැවතත් කියවා නිවැරැදි දැයි බලන්න.
9. ශිෂ්‍යත්ව විභාගයට සුදානම් වන දරුවන්ගේ දෙමාපියන්ට දිය හැකි පණිවිඩය කුමක්ද?
දරුවන් අනවශ්‍ය ලෙස වෙහෙස කරවන්න එපා. පාසලෙන් උගන්වන දේවල් දරුවන් ට එදිනෙදා නැවත කරවන්න. එදිනෙදා ජීවිතයේ ප්‍රායෝගික දෙවල් (ගෘහ උපකරණ, අවට පරිසරය වැනි) වලට දරුවන් හුරු කරවන්න. දරුවන් සමග 5 ශිෂ්‍යත්ව ප්‍රශ්න පත්‍ර සාකච්ඡා කරන්න.
*theAsianparent Sri Lanka හි පල කරනු ලබන ලිපි ජාත්‍යන්තර ප්‍රකාශන හිමිකම් නීති මගින් ආරක්ෂා කර ඇත. ඔබ මෙම ලිපිය theAsianparent Sri Lanka හි අවසරයකින් තොරව පිටපත් කිරීම හෝ භාවිතා කිරීම කරන්නේ නම් ඔබට එරෙහිව මෙම නීති යටතේ නඩු පැවරිය හැකිය.
