අම්මයි දුවයි අතර ක්‍රියා කරන මොළයේ රසායන විද්‍යාත්මක ක්‍රියාවලියක්  අනිවාර්යයෙන්ම තියෙනවා.

මොනවා වුනත් සෑම විටම අම්මාලා තම දියණියන්ගේ පසුපසින්  සිටිනවා. අම්මායි දුවයි අතර බැඳීම ලොව අන් කිසි සම්බන්ධතාවයක් වගේ නොවෙයි.

දුව ගැන හොදටම දන්නේ අම්මා තමයි.  

අම්මා කෙනෙකුට ඇයගේ දියණියගේ සිත කියවන්න පුළුවන් වගෙයි. 

අම්මාගෙයි දුවගෙයි මේ අපූරු බැදීමට විද්‍යාත්මක පැහැදිලි කිරිමක් ඇතිබව ඔබ දන්නවාද ?

අම්මායි දුවයි අතර බැඳීම  සියලුම් දෙමව්පියන් දරුවන් අතර  වු බැඳීම් අතරින් ශක්තිමත්ම එක බව කියනු ලබනවා.

එසේ කියන්නේ  හුදෙක් සාමාන්‍ය නිරීක්ෂණ මත පදනම් වී පමණක් නොවෙයි.

ස්නායු විද්‍යාව පිළිබඳ ජර්නලයේ පළ වූ අධ්‍යයනයකට අනුව,  ඔවුන්ගේ මොළයේ සිතුවිලි ක්‍රියාවට නංවන පොදු ක්‍රම සියල්ල එය පහත දමනවා.

පවුල් 35 ක් පිළිබඳව අධ්‍යනයක් කලා. ඒ අනුව හැඟීම් නියාමනය කරන මොළයේ කොටස අනෙක් සම්බන්ධතා ඇති යුගලයන් වලට වඩා මව්වරුන් සහ දියණියන් අතර සමාන වුනා. 

ඔබේ මොළය ඔබේ දියණියට සමානව හැඟීම් ක්‍රියාවට නංවනවා.

ඒ නිසා ඔබට ඔබේ දියණිය හිතන දකින විදියට කාරණා තේරුම් ගන්න වැඩි ඉඩක් තියෙනවා.

ඇය ගැටලුවකට මුහුණ දෙන විට, ඔබට එය ඇයට දැනෙන විදිය හිතාගන්න පුළුවන්.

 සමහර විට ඔබට වැඩිහිටි දරුවන් සිටියි නම් ඔබ දෙදෙනාම දැඩි ලෙස එකඟ නොවන විට එය පැහැදිලි කරනවා.

එසේ වන්නේ ඔබ ඇගේ තත්වය මොළයේ රසායන විද්‍යා මට්ටමින් හොඳින් වටහා ගැනීම නිසයි.

මොළය තුල පරීක්ෂා කරන ලද  කෝටිකොලිම්බික් පද්ධතිය හැඟීම් නියාමනය කිරීමට හැරුණු විට  “මානසික අවපීඩන රෝග ලක්ෂණ ප්‍රකාශ කිරීම” සමඟද සම්බන්ධ වී ඇති බව අධ්‍යයනය පෙන්වා දෙනවා.

එනම් අම්මාගේ  මානසික සෞඛ්‍ය අත්දැකීම් තුලින් ඉදිරියේදී  දියණිය පෙන්වන මානසික සෞඛ්‍යය පිළිබඳ දකින්න පුළුවන්.

සැන් ෆ්රැන්සිස්කෝ හි කැලිෆෝනියා විශ්ව විද්‍යාලයේ මනෝ චිකිත්සාව පිළිබඳ මහාචාර්යවරයෙකු වන ෆුමිකෝ හොෆ්ට් පවසන පරිදි, මව්වරුන්ගෙන් සහ පියවරුන්ගෙන් උරුම වූ මොළයේ රටාවන් මානසික සෞඛ්‍යය තත්වයන්ට බලපානවා.

“කාංසාව, ඔටිසම්, ඇබ්බැහි වීම, භින්නෝන්මාදය, ඩිස්ලෙක්සියා, කවර ලෙස හෝ ඔබ එය හදුන්වන්න පුළුවන් ,” හොෆ්ට් පවසනවා.

එසේ වුවද, මෙම රෝග ලක්ෂණ “මවගෙන් පුතාට හෝ පියාගෙන් දරුවාට සම්ප්‍රේෂණය වෙනවාට වඩා මවගෙන් දියණියට සම්ප්‍රේෂණය වීමට වැඩි ඉඩක් තියෙනවා”.

හොද හෝ නරක වෙන්න පුළුවන් නමුත්  වෙනත් සබඳතාවලට වඩා මව්වරුන් සහ දියණියන් එකිනෙකාට වෙනස් ආකාරවලින් බලපෑම් කරන බවට සැකයක් නැහැ.  අම්මයි දුවයි ගැන කියන ‌මේ කතාවත් අපූරුයි ‌නේද?

theAsianparent හි අනුමැතිය ඇතිව පරිවර්තනය කර ප්‍රකාශිතයි.

පරිවර්තනය: නදීශා ලක්මිණි

*theAsianparent Sri Lanka හි පල කරනු ලබන ලිපි ජාත්‍යන්තර ප්‍රකාශන හිමිකම් නීති මගින් ආරක්ෂා කර ඇත. ඔබ මෙම ලිපිය theAsianparent Sri Lanka හි අවසරයකින් තොරව පිටපත් කිරීම හෝ භාවිතා කිරීම කරන්නේ නම් ඔබට එරෙහිව මෙම නීති යටතේ නඩු පැවරිය හැකිය.