අම්මාගේ ආදරණීය හඬ පළමු වතාවට කන වැකෙන පුංචි පැටියාගේ ප්‍රතිචාරය

අම්මාගේ ආදරණීය හඬ පළමු වතාවට කන වැකෙන පුංචි පැටියාගේ ප්‍රතිචාරය

අම්මාගේ හඩට දරුවන් මේතරම් සංවේදීද?

අම්මාගේ හඬ ඇහුනු පළමු වතාවේදී බලන්නකෝ මේ පැටියාගේ ආදරණීය පුංචි මුහුණේ පෙනුම!

අම්මාගේ හඬ තුළ ආදරය පිරිලා

සුන්දර  චාලට් (චාලි) 2017 අගෝස්තු මාසයේදී උපත ලැබුවා.  ඇය උපතින්ම  බිහිරි  දැරියක් වුනා. ඇයගේ ආදරණීය දෙමාපියන්  ඇය වෙනුවෙන්  විසඳුමක් සොයා ගැනීමට වෙහෙසුන  අතර  ඔවුන් අවසානයේදී ළදරු ශ්‍රවණ ආධාරක  වල උපකාරය ලබා ගත්තා.

ක්‍රිස්ටී නැමති මේ අම්මා පළමු වතාවට පුංචි පැටික්කිය  අම්මාගේ හඬ ට සවන් දෙන අපූරු මොහොත පටිගත  කර ගත් අතර අනිවාර්යයෙන්ම  එය ඔබේ දෙනෙත් කදුලින් තෙමාවි. පුංචි  චාලිගේ මුහුණ පළමුව ප්‍රීතියට පත් වුනා. ඉන්පසුව   ඇය  හැගීම්බර වී ඇයගේ නෙත් වලින් කඳුළු වැටීම නවත්වා ගන්න පුංචි සටනක් කලා.

අම්මා "මං ඔයාට ආදරෙයි" කියද්දී බිළිදිය ආයෙමත් හැගිම්බර වුනා.

"චාලිට ශ්‍රවණ ආධාරක ලැබුන පුදුමාකාර මොහොතේ මම දෙවියන් සිහි කලා. ඇයට කිසිම දෙයක් ඇසී තිබුන බව අපි සිතන්නේ නැහැ. ඒ මොහොත  මම විස්තර කලාට වඩා  පුදුම සහගත වුනා.  ඇයගේ ශ්‍රවණ උපකරණ සවිකිරීමේ  හා භාෂා සංවර්ධනයේ අපූරු  ආරම්භය එලෙස සටහන් වුනා."

ක්‍රිස්ටි ක්‍රේන් ඇයගේ Instagram මත සටහනක් යෙදුවාය.

පහත වීඩියෝවේ ඒ අම්මාගේ හඬ ඇහුනු සුන්දර  මොහොත බලන්න:

ලස්සනයි වගේම හැගීම්බරයි නේද? මේ අපූරු මොහොත ඔබත් සමග බෙදා ගත්තේ The Asianparent sri lanka වෙතිනි. අම්මාගේ හඬ

ශ්‍රවණාබාධ ඇතිවීමට හේතු?  අම්මාගේ හඬ

ශ්‍රවණාබාධය සාමාන්‍ය උපත් දෝෂයක් වන අතර එය සෑම ළදරුවන් දහසෙන් 1 ත් 3 ත් අතර ප්‍රමාණයකට බලපායි.  ශ්‍රවණාබාධවලට බොහෝ දේ හේතු විය හැකි නමුත් කිසිදු හේතුවක් සොයාගත නොහැකි රෝගීන් ශ්වණාබාධ සහිත රෝගීන්ගෙන් හරි අඩකි.

කුඩා දරුවෙකුට ශ්‍රවණාබාධ ඇතිවිය හැකි හේතු:
  1. නොමේරූ උපත
  2. දැඩි සත්කාර ඒකකයේ (ICU) රැඳී සිටීම
  3. උපන් අළුත සෙංගමාලය ඇතිවීම සමඟ රුධිර පාරවිලයනයක් අවශ්‍ය වන තරමටම  බිලිරුබින් මට්ටම ඉහළ යාම. 
  4. ශ්‍රවණාබාධ ඇතිවීමට හේතු වන ඖෂධ ලබා දීම
  5. පවුලේ සාමාජිකයන් ඇතැමෙක්ට ළමා ශ්‍රවණාබාධ සහිත තත්ව තිබීම
  6. උපතේදී යම් සංකූලතා ඇති වීම
  7. පමණට වඩා වැඩි ආසාදන ඇති වීම
  8. මෙනින්ජයිටිස් හෝ සයිටෝමෙගෙලෝ වයිරස් වැනි ආසාදන ඇති වීම
  9. ඉතා කෙටි ක්කලයකට හෝ අධික ශබ්දයකට නිරාවරණය වීම

දරුවන්ගේ ශ්‍රවණාබාධ කල්තියා හඳුනාගන්නේ කොහොමද?

ඔබේ අලුත උපන් දරුවා ශ්‍රවණ පරීක්ෂාව සමත් වුවත්, දිගින් දිගටම දරුවාගේ ශ්‍රවණය ගැන අවධනයැන් පසුවන්න.

ජීවිතයේ පළමු වසර තුළ ඔබේ දරුවා ළඟා විය යුතු සමහර ශ්‍රවණ සන්ධිස්ථාන:
  • අලුත උපන් බිළිඳුන් බොහෝ දෙනෙක් හදිසි ශබ්ධ වලදී තිගැස්සෙයි
  • මාස 3 ක් වන විට, ළදරුවෙකු සාමාන්‍යයෙන් දෙමව්පියන්ගේ කටහඬ හඳුනා ගනී.
  • 6 මසක් වන විට, ළදරුවෙකුට සාමාන්‍යයෙන් ශබ්ධය දෙසට ඇස් හෝ හිස ශබ්දය හැරවිය හැකිය.
  • මාස 12 ක් වන විට, ළදරුවෙකුට සාමාන්‍යයෙන් සමහර ශබ්ද අනුකරණය කළ හැකියි.  
වයසෙන් වැඩෙත්ම ශ්‍රවණාබාධයක් ඇතැයි හැඟවෙන ලක්ෂණ
  • කතාබහ සීමසහිත වීම
  • අවධානයෙනය නිතර බිඳී යාම
  • ඉගෙනීමේ අපහසුතාව
  • රූපවාහිනී ශබ්ධය නිතර වැඩි කිරීම
  • සංවාද මට්ටමේ කථාවට ප්‍රතිචාර දැක්වීමට අපොහොසත් වීම හෝ කථාවට නුසුදුසු ලෙස පිළිතුරු දීම
  • ඔහුගේ හෝ ඇයගේ නමට ප්‍රතිචාර දැක්වීමට අපොහොසත් වීම 

දරුවාගෙන් ඉහත ලක්ෂණ දිස්වේ නම් වහාම වෛද්‍ය උපදෙස් ලබාගත යුතුයි.

theAsianparent හි අනුමැතිය ඇතිව පරිවර්තනය කර ප්‍රකාශිතයි.

පරිවර්තනය: නදීශා ලක්මිණී