බොහෝ දරුවන්ට අඩුම තරමින් වරක් වත් උණ රෝගයෙන් පීඩා විඳිනු ඇත. උණ සඳහා වු මේ නිවසේ ඇති පිළියම් කුඩා දරුවාගේ වේදනාවන් තුනී කිරීමට කැමති මව්වරුන් හා පියවරුන් මේ තොරතුරු දැන සිටිය යුතුය.
ඔබ කුඩා දරුවෙකුව සිටින විට, ඔබගේ මව සහ පියා ඔබගේ උෂ්ණත්වය අඩු කර ගැනීමට බොහො දෑ කරන්න ඇති.
මගේම අම්මා මගේ පපුව තවමින් රෙදි කඩකින් මාව තෙත් කරමින් සිසිල් කලා. ඈ තව මට අරුම පුදුම රෝස පැහැති මිශ්‍රණයක් දුන්නා. ඇයට ඒහි අඩංගු දේ දැන් මතක නැහැ. එහි ලස්සන පෙනුමක් තිබුණත්, එහි කටුක රසය අදටත් මට අමිහිරි බවක් ගෙන එනවා.
ඔබේ කුඩා දරුවාගේ උණට අමිහිරි රසැති පිළියම් යෙදීම අවශ්‍ය නැත. උපකාරවත් විය හැකි උණ සඳහා නිවෙස් පිළියම් කිහිපයක් මෙන්න,
මේවා භාවිතා කිරීමට උත්සාහ කිරීමට පෙර ඔබේ දරුවාගේ ළමා රෝග වෙෙද්‍ය වරයාගේ උපදෙස් ලබා ගැනීමට වගබලා ගන්න.
ඇත්ත වශයෙන්ම, ඔබේ දරුවා කුඩා ළදරුවෙකු හෝ අලුත උපන් බිළිදෙක් නම්, උණ සලකුණු මතු වේ නම් වහාම වෛද්‍යවරයකු වෙත යන්න.
මව්වරුන් පියවරුන් දැන සිටිය යුතු උණ සදහා නිවෙස් පිළියම්
1. ඔවුන්ගේ කකුල් සිසිල් කිරීම
දරුවාගේ නළලට සිසිල් කිරීම ගැන අපි හැමෝම දන්නවා. එහෙත්, ජෛව තාක්ෂණවේදය පිළිබඳ ජාතික මධ්‍යස්ථානය (NCBI) පවසන පරිදි එම තාක්ෂණයම ඔවුන්ගේ පහළ ශරීරයටද අදාළ කර ගත හැකිය.
තෙත් ස්පොන්ජියක් හෝ රෙදි කැබැල්ලකින් යොදා දරුවාගේ පාද තැවීමෙන්, ඔහුගේ උණ අඩු කර ගත හැකිය. කාමරය මධ්‍යස්ථ උෂ්ණත්වයක් යටතේ තබා ඇති බවට වග බලා ගන්න.
ඔබේ දරුවාව සිසිල් ස්පොන්ජ් එකකින් නහවන්න පුළුවන්. අමතර ඝර්ෂණය නිසා උෂ්ණත්වය වැඩි විය හැකි නිසා ඇතිල්ලීමකින් තොරව තැවීමක් පමණක් කරන්න. දිගු කාලයක් තිස්සේ ඔවුන්ගේ සමේ තෙතමනය තබා ගැනීම වළක්වා ගන්න. වහාම ඔවුන්ගේ ශරීරයේ සෑම කොටසක්ම වියළීම හොඳ ඉඟියකි.
2. ඇල්මැරුණු වතුරෙන් තැවීම
බබාට සුව පහසුව ඇති කිරීම සඳහා තවත් ක්‍රමයක් වන්නේ ඇල්මැරුණු වතුර වල පොඟවා ගත් ටවල් ඒකකින් ඔබේ දරුවාගේ කකුල් තවන්න.
උණ සහ උණ රෝග ලක්ෂණ මර්දනය කිරීම සඳහා උණුසුම් ස්පොන්ජ් ස්නානයක් දරුවාට ලබා දීමට ඔබට හැකිය. සමහර අවස්ථාවලදී එප්සම් ලවණ, බේකින් සෝඩා සහ අත්‍යාවශ්‍ය තෙල් එකතු කිරීමෙන් උණත් සමග ඇතිවෙන වේදනාවට සැනසිල්ල ලබා දෙන්න හැකිය.
හෙල්ත් ලයින් වලට අනුව සෞඛ්‍යාරක්ෂිත අත්‍යාවශ්‍ය තෙල් වර්ග පිළිබඳ කදිම නිදසුනක් වන ලැවැන්ඩර් ඔයිල් වලට කොලික් තත්වය ඇති දරුවන් පවා සංසුන් කිරීමට හැකියාවක් ඇත. ඔබේ දරුවාගේ සමේ ආලේප කිරීමට පෙර එය හොඳින් තනුක කිරීමට වග බලා ගන්න.
ඔබේ දරුවා ලැවැන්ඩර් (lavandula angustifolia) සුවඳ කැමති නොවේ නම්, මැන්ඩරින් (citrus reticulata) සමාන සැනසීම ලබා දෙන විකල්පයක් විය හැකිය.
3. ශාකමය තේ
බොස්ටන්හි ළමා රෝහලේ ළමා රෝගී විශේෂඥ වෛද්‍ය කතී කිම්පර් පවසන පරිදි, ශාකමය තේ වට්ටෝරු අවුරුදු 4 ට වඩා වැඩි දරුවන්ට ආරක්ෂිත වේ.
කෙසේ වෙතත්, එහි අඩංගු ද්‍රව්‍ය සමහර දරුවන්ට ආසාත්මිකතා ඇති විය කල බැවින් එය ලබා දීමට පෙර ඔබේ දරුවාගේ වෙෙද්‍යවරයාගේ උපදෙස් ගන්න.
වයස අවුරුදු 12 ට වන විට, බොහෝ වෛද්‍යවරු කළු තේ ලබා දීම ආරක්ෂිත බව පිළිගනු ඇත. නමුත් නැවතත්, වෛද්‍යවරයා ගෙන් පළමුව විමසිය යුතුය.
ශාකමය තේ දහඩිය උද්දීපනය කරයි, එය උණ සඳහා නිවසේ ඵලදායී නිවෙස් පිළියමක් ලෙස ප්‍රකටව ඇත්තේ අන්න ඒ නිසයි.
ළමයින් සඳහා සෑම වර්ගයකම තේ නිර්දේශ නොකෙරේ. විශේෂයෙන්ම ඉහළ කැෆේන් අන්තර්ගතයන් සහිත තේ එබැවින් ඕනෑම තේ වර්ගයක් දීමට පෙර ඔබේ වෙෙද්‍යවරයාගේ උපදෙස් ගන්න.
4. තෙත හා වියළි මේස්
නෙම්රොපත් හි වෛද්‍ය කෙටී කොරසෝ විසින් මෙම ජලතෙරපි ක්‍රමවේදය සහතික කරයි. මෙහිදි වතුරෙන් පොගවා ගත් මේස් මිරිකා ගෙන ඔබේ දරුවාගේ පාද මත තබන්න. ඉන්පසු ඒ මත ඝන වුල් මේස් එකක් තබන්න . තෙත් මේස් එතිමෙන් ලිම්පතික් තරලය සංසරණය වැඩි වී සිරුරේ උෂ්ණත්වය අඩු කරයි.
වැඩිහිටියන් සඳහා රාත්‍රිය පුරා තැබීම ආරක්ෂිත වුවද මෙය ළමයින්ට එසේ නොවිය හැකිය. මෙම ක්‍රමවේදය භාවිතා කිරීමට පෙර ඔබේ දරුවාගේ වෛද්‍යවරයාගෙන් විමසන්න.
5. ඉඟුරු සහ මීපැණි
එහි ප්‍රති වෛරස හා ප්‍රති බැක්ටීරියා ගුණ අඩංගු නිසා ඉඟුරු උණ, වේදනාව හා කැස්ස අඩු කිරීමට උපකාරී වන බව හෙල්ත් ලයින් පවසයි.
වැඩිහිටියන් සඳහා, උණ මර්දනයට හා තදබදය අඩු කිරීමට වියලි ඉගුරු කැබැල්ලක් මත මී පැණි බිංදු කිහිපයක් ඉස ලබා දීමට නිර්දේශ කරනවා. ළමයින් සඳහා, ඉඟුරු සහ මී පැණි තේ, උණුසුම් හෝ සිසිල් කර ලබා දෙන්න උත්සාහ කරන්න.
ඔවුන්ගේ උණ ඉතා අධික නම්, උෂ්ණත්වය වැඩි කිරීමට ඉඩ ඇති බැවින් ඉඟුරු අඩංගු පානයක් ලබා දීමෙන් වැළකිය යුතු ය. ප්‍රකට පෝෂණවේදී ලින්ඩ්සි ඩන්කන් අනතුරු අඟවනවා..
මතක තබා ගන්න: වයස මාස 12 ට අඩු ළමුන්ට මී පැණි ලබා නොදිය යුතුය.
රෙයිස් සින්ඩ්‍රොමය ඇති කළ හැකි බැවින්, ඔබේ දරුවාට ඇස්ප්‍රීන් ලබා නොදෙන්න
මෙම පිළියම් හැර, ඔබේ දරුවා හැකි තරම් සිසිල්ව සහ සුවපහසුව තබන්න. සැහැල්ලු ඇඳුම් ඇඳගෙන ඔහු සැහැල්ලු බ්ලැන්කට් සහිතව නිදාගෙන සිටින බවට වග බලා ගන්න. දවස අවසන් වන විට, විවේකය හා සජලනය සදහා තවත් විකල්ප රැකබලා ගැනීමේ ක්‍රම අවශ්‍ය නොවේවි.
ඔබේ පුංචි දරුවාට උණ වැළදුන විට කල හැකි මේ පුංචි සත්කාර ඔබ වෙත ගෙන ආවේ theAsianparent Sri Lanka වෙතිනි.
theAsianparent හි අනුමැතිය ඇතිව පරිවර්තනය කර ප්‍රකාශිතයි.
පරිවර්තනය: නදීශා ලක්මිණී
