දරුවන්ට ඇතිවෙන කරදරකාරී කැස්ස සදහා ආයුර්වේදය පිළියමක්
ශීත කාලය පැමිණෙන විට දිගටම පවතින සීතලට අමතරව පවතින දෙයක් වන්නේ දරුවාගේ දියර ගලන නාසය හා නතර නොවන කරදරකාරී කැස්ස.
දරුවන්ට කරදරකාරී කැස්ස හැදුනාම තිත්ත ඖෂධ සහ කැස්ස පැණි ලබාගැනීම ඉතා අසීරූ කටයුත්තක් විය හැකි බව පැවසිය හැකිය.
මේ කරදරකාරී කැස්ස පරාජය කිරීමට ආයුර්වේදය පිළියමක්
මගේ දුවගේ කරදරකාරී කැස්ස පලා නොගිය විට ඉස්සර අපේ අම්මා අපිට කරදරකාරී කැස්ස හැදුන සෑම අවස්ථාවකදීම විශ්වාසය තැබූ එක් අත්බෙහෙතක් පිළියෙල කිරීමට මම තීරණය කළා.
ඔබට ඔබේ මුළුතැන්ගෙයි රාක්ක මතින් අමුද්‍රව්‍ය සොයා ගත හැකි නිසා ඒවා මිලදී ගැනීම සඳහා සුපිරි වෙළඳසැලට ඉක්මනින්ම යාම අවශ්‍ය නොවේ.
කරදරකාරී කැස්සෙන් මිදීමට අවශ්‍ය මේ අරුම පුදුම අත්බෙහෙත සඳහා අවශ්‍ය වන්නේ මී පැණි සහ කළු ගම්මිරිස් පමණයි.
කරදරකාරී කැස්සට ප්‍රතිකාර කිරීමට එය උදව් කරන්නේ කොහොමද ?
දරුවන්ගේ කැස්ස සහ සෙම්ප්‍රතිශ්‍යාවට ප්‍රතිකාර කිරීම සඳහා අතීතයේ මී පැණි භාවිතා කර ඇත.
එය විවිධ කැස්ස සිරප් වල කොටසක් වෙනවා පමණක් නොව එය කැස්ස මර්දනය කිරීමේ කාර්යක්ෂමතාවයට සහාය වන අතර, එය බොහෝ පහසුවෙන් සොයා ගත හැකි ඖෂධ වඩා හොඳ විය හැකිය.
සුව වීමේ සංඝටක ඇති බවට ප්‍රකට මී පැණි වල ප්‍රතිශක්තිකරණ සංයෝග මෙන්ම ප්‍රතිශක්තිකරණ පද්ධතිය වැඩිදියුණු කිරීම සහ කැස්ස වැළැක්වීම සිදුවෙන ප්‍රතිඔක්සිකාරක අඩංගු වේ.
වර්ෂ 2014 දී එක්සත් ජනපදයේ ජාතික සෞඛ්‍ය ආයතනය විසින් සිදු කරන ලද එක් පර්යේෂණයකින් මී පැණිවල තනි මාත්‍රාවක් ශේෂ්මල නිෂ්පාදනය අඩු කරමින් දරුවන් තුල කැස්ස අඩුවෙන බව සොයාගෙන තියෙනවා .
අනෙක් අතට, කළු ගම්මිරිස් වල ප්‍රතිශක්තිකරණ වැඩි කරන විටමින් C, ෆ්ලේවනොයිඩ් සහ ප්‍රතිඔක්සිකාරක අඩංගු වන අතර සංසරණය හා ශේෂ්මල ගලා යෑම උත්තේජනය කරනවා.
ඇත්ත වශයෙන්ම, මෙම අත්බෙහෙත පුරාණ චීන ඖෂධ ඇති ප්‍රමුඛ ස්ථානයකින් පවා සොයාගෙන තියෙනවා .
භාවිතා කරන්නේ කෙසේද?
ඔබේ දරුවා තුළ ඇති කරදරකාරී කැස්ස අඩු කර ගැනීම සඳහා කළු ගම්මිරිස් සහ මී පැණි භාවිත කළ හැකි ක්‍රම දෙකකි.
නැවුම් කළු ගම්මිරිස් කුඩු ටිකකට මී පැණි තේ හැන්දක් එකතු කරන්න. මිශ්‍ර කරන්න. විශේෂයෙන් නින්දට පෙර උණුසුම් වතුර සමඟ දිනකට දෙවරක් ඔබේ දරුවාට එය පානය කරන්න දෙන්න.
උණුසුම් වතුර කෝප්පයකට ගම්මිරිස් වලින් කිහිපයක් එකතු කරන්න එයට මී පැණි තේ හැන්දක් එකතු කරන්න. එය තැම්බීමට මිනිත්තු 2-3 ක් තබා ඔබේ දරුවාට මෙම තේ දිනකට දෙතුන් වතාවක් පානයට දෙන්න.
උපදේශනය: පළමුවරට කිසිවක් භාවිතා කිරීමට පෙර ඔබේ දරුවාගේ ළමා රෝග විශේෂඥ වෛද්‍යවරයාගේ උපදෙස් ගන්න.
ඒ වගේම වයස අවුරුද්දකට වඩා අඩු ළදරුවන් සඳහා මී පැණි නිර්දේශ කරනු නොලැබේ.
මෙම පිළියම කර්තෘ විසින් නිර්දේශ කර ඇති අතර, සෑම කෙනෙකුටම සම ප්‍රතිඵල ලැබේ යැයි සහතික කර නොමැත.
ලොව පුරා ඇති ආයුර්වේදය ප්‍රතිකාර ඔබ වෙත ගෙන එනු ලබන්නේ the Asianparent Sri Lanka වෙතිනි.
theAsianparent හි අනුමැතිය ඇතිව පරිවර්තනය කර ප්‍රකාශිතයි.
පරිවර්තනය: නදීශා ලක්මිණී
