අති දක්ෂ, කැපවුණු මව්වරුන් පවා මාතෘත්වයේ සුවිසල් වගකීම් දැරීමට ඔවුන් සුදුසු මදියැයි සිතෙන්නට පුළුවන්.
ඔවුන්ව බිදි යන තරමට ඔවුන් මානසිකව, ශාරීරිකව විඩාබර වී ඉන්නවා වෙන්න පුළුවන්.
විඩාබර මව්වරුන් සනසන්න, දිරිගන්වන්න අවැසි ඔවුන්ගේ සහකරුවන්ට, සැමියන්ට පැවසිය හැක දිරි වැකි කිහිපයක් මෙන්න:
1. ඔයාගේ සේවය නම් විශිෂ්ඨයි
සියලුම විඩාබර මව්වරුන් ඔවුන්ගේ සේවය ප්‍රසංශනීය බව සහතික කරනවාට කැමතියි. කිසිම මවක් සර්වසම්පුර්ණ නැහැ. එහෙත් ඔවුන් තමන්ව අගය කරනවාට කැමතියි.
2. ඔයාට ඕක හෙටත් කරන්න පුළුවන්
වැඩ කන්දකින් විඩාබර මව්වරුන් සියල්ල උපරිමයෙන් කරන්න ඕනී කියලා හිතනවා. එහෙත් සමහර දේවල් ඔවුන්ට හෙටත් කරන්න පුළුවන් මතක් කරන්න අවශ්‍ය වෙනවා. ඔවුන් අද කුමක් ඉටු කලත් එය වැදගත් වෙනවා. දරුවන්ට ඇති ආදරය වෙනුවෙන් කරන කිසිම දෙයක් අපතේ යන්නේ නැහැ.
3. මගෙන් ඕනී උදව්වක් ඉල්ලන්න.
සහයක් පිරිනැමීම තුල ඔවුන්ට විඩාබර බවින් මිදීමට උදව්වක් මෙන්ම ඔවුන්ට ඔබ තුල ඇති ආදරය සහතික කිරීමක්ද තියෙනවා.
විඩාබර මව්වරුන් ඔවුන්ට ඇති අති මහත් කර්තව්‍යයන් වැඩි බව හිතනවා. එමනිසා ඔබ ඔවුන්ගේ කාර්යයන්ට සහය වීම තුලින් ඔවුන්ට වෙහෙස නිවාගන්න ඉඩක් ලැබෙන අතර එයට ලොකු වෙනසක් කරන්න පුළුවන්.
4. ඔයා දැන් විවේකයක් ගන්න.
විඩාබර මව්වරුන්ට ඔවුන්ටම වෙන්වු වේලාවක් ලබා දෙන්න. මවකට තමන්ගේ දරුවන්ට හොදම අම්මා වෙන්න තමන් ගැන සැලකිලිමත් වීම හොදම ක්‍රමය නිසා එයට ප්‍රමුඛතාවය දෙන්න.
5. ඔයා සර්වසම්පුර්ණ වෙන්න ඕනි නැහැ.
හොද මවකට වුනත් අතපසු වීම් සිදුවිය හැකි බවත් ඔවුන් සර්වසම්පුර්ණ වීම අනවශ්‍ය බවත් ඔවුන්ට සහතික වන්න. ඔවුන්ව කිසිවිටෙකත් මනින්න බැහැ කියන පීඩනයක මව්වරුන් ඉන්න පුළුවන්. මේ නිසා මානසික කළකිරීමක් දක්වා පැතිර යා හැකි ආතතියක් ඇතිවෙනවා.
6. ඔයා මාව සතුටට පත්කරනවා.
විඩාබර මව්වරුන් සදහා ඔවුන්ගේ සාර්ථකත්වය අගය කිරීම වැදගත් වෙනවා. සෑම විටම ඔවුන් පරිපූර්ණ නොවුනත් ඔවුන්ට සහය පමණක් නොව ගෞරවය දක්වන සහකරුවෙක් සිටින බව දැනීමත් ඔවුන්ගේ වැඩ කටයුතු කරගෙන යෑමට රුකුලක් වෙනවා.
7. අපිට නරක දවසුත් තියෙන්න පුළුවන්.
හොද දවස් වගේම නරක දවසුත් තියෙනවා. විඩාබර මව්වරුන්ට සෑම විටම හොද පමණක් සිතන්න බල කරන්න එපා. ඔවුන්ට දුක, කණගාටුව දැනීමට ඉඩ දිය යුතුයි. කළකිරීම ජීවිතයේ කොටසක් වන අතර දෙමාපියන්ටද එයින් මිදිය නොහැකියි.
8. ඔයාට මාත්, මට ඔයාත් ඉන්නවා.
අවසන් වශයෙන් විඩාබර මව්වරුන් තනි වී නොමැති බව ඔවුන්ට දැනෙන්න අවශ්‍යයි. ආදරණීය සහකරුවන් ඔවුන්ගේ වේලාව කැපකර ඔවුන්ට මගපෙන්වීමින්, ඔවුන්ට ඇහුම්කන් දෙමින්, නරක කාලයකදී පවා ඉවසීමෙන් කටයුතු කරමින් විඩාපත් මව්වරුන් තනි වී නොමැති බව ඔවුන්ට දැනෙන්න දෙනවා.
මාතෘත්වය තුල විඩාපත් බව අලුත් දෙයක් නොවුනත් ඒ වෙනුවෙන් ආදරණීය සහකරුට කලහැකි දේ පිළිබඳ මේ මතක් කිරීම theAsianparent Sri Lanka වෙතිනි.
theAsianparent හි අනුමැතිය ඇතිව පරිවර්තනය කර ප්‍රකාශිතයි.
පරිවර්තනය: නදීශා ලක්මිණී
