එදා වගේ ඔබේ සැමියා තවමත් ඔබට ආදරෙයි ද?

ඔබ දෙදෙනා වසර ගණනාවක් එකට ජිවත් වුවත් දශකයක් එකට හිටියත් දිනපතා ඇතිවන විවිධ හැලහැප්පීම්, නොරිස්සුම්, වාද, හරඹ අත්දකින්න ලැබෙනවා. එත් මේ අතරේ ඔබේ සැමියා සැමියා තවමත් ආදරෙයි ද කියල ඔබ සැක හිතනවා නේද? ඔහු ඔබට ආදරෙයි කියලා කිවුවත් සමහර විට ඔහු කරන කියන සමහර දේවල් වලින් එහි ඇත්ත නැත්ත දැනගන්න පුළුවන්. 

විවාහක දෙන්නෙක් අතර රණ්ඩු සරුවල් නැහැ කියල කිවුවොත් ඒක පුදුමයක්. එත් ඔබට හුඟක් ආදරේ කරන සැමියෙක් නම් තරහ ගිය පලියට ම එය ලොකු කරගෙන රණ්ඩු සරුවල් වෙන්නේ නැහැ. සමහර විටෙක මදකට තරහව අමතක කරනවා. සුභවාදී ලෙස ඉදිරියට යන්න උත්සහ කරනවා.

ඔහුට යහළුවන් සමග එළියට යන්න ඕනේ කියල හිතුනත් ඔහු ඔබත් සමග ගෙවන කාලය ඊට වඩා වටිනවා කියල හිතනවා. ඔහු යහළුවන් සමග කාලය ගත කරාවී. එත් ඔබත් එක්කත් රැඳෙන්න කියලා අමුතුවෙන් ඉල්ලන්න වෙන්නේ නැහැ. ඔබට ඔහු එච්චර ආදරෙයි නම් ඔහු ඔබ වෙනුවෙන් කෙසේ හෝ කාලය සොයාගන්නවා.

ඔබ දෙදෙනා TV බලමින් ඉන්නකොට ඔබට දන්නෙම නැතුව නින්ද යනවා.ඔබට එය නීරසයි. එත් සැමියත් ඔබ වෙනුවෙන් ඔබත් එක්ක වෙනත් දෙයකට යොමු වෙන්න හෝ නැතිනම් නින්දට යන්න කැමති වෙන්නේ ඔබේ ඉල්ලීමක් නැතුව නම් එය තවත් ඉඟියක්.

විවිධ සුරතල් නාමයන් වගේම ඔබ දෙදෙනා එක්වන අතිශය පුද්ගලික අවස්ථාවන් වලදීත් ඔහු ඔබේ නම කියමින් ඔබට ආදරය පානවා නම් ඔහු තවමත් ඔබට එදා වගේම ආදරේ බව පෙන්වන තවත් ඉඟියක්.

ඔහු ඔබට ඇත්තටම තවමත් ආදරෙයි නම් ඔබ දෙදෙනා සිටින අවස්ථාවන් වලදී ඔහු ඔහුගේ දුරකතනයේ හෝ ලැප්ටොප් එකේ වැඩක යෙදෙන්නේ නැහැ. ඔහුගේ මුළු අවධානයම ඔහු දෙන්නේ ඔබටයි.

ඔබත් එක්ක අදහස් හුවමාරු කර ගන්නයි. ඔහු වෙනත් සමාජ ජාලයන්හි ගැවසෙද්දී  ඔබත් සමග ඒ දේවල් බෙදාගනිමින් රස විඳිනවා. ඔහු ලබන අත්දැකීම් ඔබත් එක්ක බෙදා ගැනීමත් ඔබේ සබඳතාවය අලුත් කරන ශක්තිමත් කරන තවත් එක අවස්ථාවක්.

ඉතාම නරක දවසක් වුවත් ඔබ දෙදෙනා ඉතා තරහින් වචන හුවමාරු කර ගත්තත් වෙන් වෙනවා කියන වචනය ඊට නොගෙන ඉන්න ඔහු වග බලාගන්නවා. ඔහු නිතරම ඔබට ඇති ආදරය හිත යට තියාගෙන තරහ පෙන්වන බව ඔබට පේනවා.

ඔබට ඔහේ නිකන්ම නිකම් මන්දගාමී විදිහට ජිවත් වෙන්න ඉඩ හරින්නේ නැහැ. පුරුදු ප්‍රබෝදය ඔබට හැකි උපරිම ලෙස ප්‍රබෝදයෙන් ඉන්න උදවු දෙනවා.එවිට ඔබේ බලාපොරොත්තු අත් හරින්න ඔබට හිතෙන්නේ නැහැ.

පුංචි දේවල් වලින් වුනත් ඔබව පුදුමයට පත් කරන්න ඔහු උනන්දු වෙනවා. ඒ දේවල් විචිත්‍රවත්, මිල අධික දේවල් නොවෙන්න පුළුවන්. නමුත් ඔහු ඔබට එදා වගේම ආදරෙයි නම් පුංචි දෙයකින් වුනත් ඔබේ මුහුණේ සිනහවක් රඳවනවා.

 විවාහය සමග ආදරය රඳවා ගන්න එක එතරම් ලෙහෙසි නැහැ. එත් මේ දේවල් ඔබ අධ්‍යනය කළොත් ඔබ අතිනුත් ගිලිහෙන සමහර දේවල් ඔබට නිවැරදි කරගන්න පුළුවන් වේවි. theAsianparent Sri Lanka  ඔබේ හොඳම මිතුරිය ලෙසින් ඔබ ළඟින්ම ඉන්නේ ඒ නිසයි.

theAsianparent හි අනුමැතිය ඇතිව පරිවර්තනය කර ප්‍රකාශිතයි.

පරිවර්තනය: නිසංසලා ලියනගේ