අන්තර්ජාලය භාවිතයේදී ආරක්ෂා විය යුතු මේ කරුණු 10 ගැන ඔබේ දරුවාට කියා දෙන්න

lead image

අන්තර්ජාල සාමාන්‍ය ජීවිතයට ඉතා වටිනා දෙයක් වුවත් එය නිවැරදිව පරිහරණය කිරීම තුළින් එයින් හොඳ ප්‍රතිඵල ලබාගැනීමට හැකි බවත්, අනිසි දේවල් ඈත් කළයුතු බවත් දරුවන්ට කුඩා අවදියේ සිටම ඉගැන්විය යුතුයි.

අපට බොහෝ දේ ලබාගත හැකි වුවත් අන්තර්ජාලය අඳුරු සහ භයානක ස්ථානයක් විය හැකි බව ඔබ හොඳින් දන්නවා. ඒ නිසයි අපේ දරුවන්ට අන්තර්ජාලයේදී ආරක්ෂාව ගැන කියාදීම වැදගත් වන්නේ. Parent Herald, uKnowKids සහ safekids  මගින් අන්තර්ජාලයේ ආරක්ෂාව ගැන සමහර දේවල් අපේ දරුවන්ට ඉගැන්විය යුතු බව සඳහන් කරනවා.

පෞද්ගලික තොරතුරු පිටට දීමෙන් වළකින්න

ඔබේ අවසරය නැතිව දරුවන්ට ඔවුන්ගේ පෞද්ගලික තොරතුරු ලිපිනය, දුරකථන අංකය ආදිය කිසි විටෙකත් අන්තර්ජාලයේ ප්‍රදර්ශනය නොකළ යුතු වෙනවා.

අන්තර්ජාලයට මුදාහරින හැම දේම එහිම රැඳෙනවා

ඔබ අන්තර්ජාලයට මුදාහරින ඡායාරූප, වීඩියෝ, අදහස් ආදිය එහිම රැඳෙනවා. ඒවා ඕනෑම අයෙකුට ඩවුන්ලෝඩ් කරගැනීමට තිරය මගින් ඡායාරූප ලබා ගැනීමට හෝ ඕනෑම දෙයක් ඔබගේ ඡායාරූපයට ඇතුලත් කිරීමටත් පුළුවන්. ඔබේ මනාපය නැතිව වුවත් එය ඕනෑම අයෙකුට කරන්න පුළුවන්.

සයිබර් අවකාශයේ අශෝභන විහිළු වලට ලක්වීම

අන්තර්ජාලයේ නිර්නාමිකව සිටින පුද්ගලයන් අශිෂ්ඨ හා වැරදි හැසිරීම් වලට තොරතුරු භාවිතා කරන්න හැකියාව තියෙනවා. අන්තර්ජාලය හරහා ඔවුන්ට ඕනෑම ආකාරයකට අපව යොදාගත හැකි බවත් එවැනි හැසිරීම් වලින් ප්‍රතිවිපාක ලැබෙන බවත් ඔබේ දරුවාට කියාදෙන්න.

ඔබ නොදන්නා පුද්ගලයන් සමග සම්බන්ධතා පවත්වන්න එපා

ඔබේ දරුවන්ට නොදන්නා අයගෙන් ලැබෙන කෙටි පණිවිඩ ආදියට පිළිතුරු දීමට යෑම නොකළයුතු අතර ඒවා පරික්ෂා කිරීමද නොකළයුතු බව කියාදෙන්න. අන්තර්ජාලයේ ඔබේ දරුවන් දකින මුහුණු හා පුද්ගලයන් සැබෑ පුද්ගලයන් නොවන බව දරුවන්ට කියාදෙන්න.  

ඔබේ දෙමාපියන් හැර වෙන අයට ඔබේ ගිණුමේ රහස් අංකය ලබාදෙන්න එපා

ඔබේ දරුවන් ඔවුන්ගේ පෞද්ගලිකත්වය ආරක්ෂා කරගන්නේ කොහොමද කියලා ඉගෙන ගත යුතුයි. නමුත් සමහර වෙලාවට ඔවුන්ගේ ක්‍රියාකාරකම් නිරීක්ෂණය කිරීමට ඔබට හැකිවිය යුතුයි.

විවිධ ප්‍රචාරණයන් නැරඹීමෙන් වළකින්න

ඔබේ නුසුදුසු දේවල් වලට යෑමෙන් ආරක්ෂා වන එකම ක්‍රමය මෙය නොවුනත් පරිඝනකය අනාරක්‍ෂිත පිවිසුම් වලින් වළකා ගත යුතුයි.

ඔබේ දෙමපියන්නේ අවසරයකින් තොරව කිසිවක් ඩවුන්ලෝඩ් කර ගැනීමට හෝ පිහිටවා ගැනීමෙන් වළකින්න

මෙයට ඔබේ පරිඝනකය ප්‍රධාන වශයෙන් ආරක්ෂිතව තැබීමට හා පෞද්ගලික තොරතුරු ආරක්‍ෂිත ලෙස ගබඩා කර තැබීම සඳහාත් බව මතක තබා ගන්න.

අන්තර්ජාලයේ ඇති හැමදේම සත්‍ය නොවේ

මෙය වැඩිහිටියන්ට පවා වැදගත් වන දෙයක්. ඕනෑම කෙනෙකුට වෙබ් පිටුවක් සකස් කිරීමටත් එයට කරුණු ඇතුලත් කිරිමටත් හැකියි.  ඒ නිසා ඕනෑම දෙයක් අන්තර්ජාලයේ සත්‍ය යැයි සිතන්න එපා. 

අන්තර්ජාලයේ ඇති අසභ්‍ය කෘති ගැන දන්නවද ?

ඔබේ දරුවා අන්තර්ජාලයේ සර්ෆ් කිරීමට පෙර ඔවුන් සමග ඉඳගෙන අන්තර්ජාලයේ ඇති භයානක අසභ්‍ය කෘති ගැන ඔවුන් සමග කතා කිරීම වැදගත්. ඔබේ වචන ඔවුන්ගේ වයස අනුව භාවිත කළ යුතු අතර එය සවිස්තර කිරීම අවශ්‍ය නැහැ. නමුත් ඔවුන් මේ අසභ්‍ය කෘති ගැන දැනගෙන හිඳිම වැදගත්. මේ නිසා වැඩිහිටියන් වු පසු එමගින් ඔවුන්ගේ ලිංගික ජිවිතයට අනිසි බලපෑම් ඇතිවිය හැකි බව ඔබ තේරුම් ගැනීම වැදගත්.

ඔබ නුසුදුසු දෙයක් දුටුවොත් වැඩිහිටියෙකුට කියන්න

දරුවන්ට බැලීමට අදහස් නොකරන ඔවුන්ට නුසුදුසු සමහර දේවල් ඔවුන්ගේ ඇස ගැටෙනවා. නමුත් එය ඔබට කීමට ඔවුන් ලැජ්ජා විය යුතු නැති බව පහදා දෙන්න. නැතිනම් ඉන්පසු ඔවුන් පරිඝනකය ක්‍රියා විරහිත කර වැඩිහිටියෙකුට ඒ බව කීමට නොපැකිලෙන ලෙස කියා දෙන්න. ඔවුන් පසු කරගෙන ආ මේ අපහසුකාරී හැඟීම් ඇති කරන දේවල් ඔබට කීමද අවශ්‍ය වන බව ඔවුන්ට තේරුම් කරන්න.

අන්තර්ජාල අපට සාමාන්‍ය ජීවිතයට ඉතා වටිනා දෙයක් වුවත් එය නිවැරදිව පරිහරණය කිරීම තුළින් එයින් හොඳ ප්‍රතිඵල ලබාගැනීමට හැකි බවත් අනිසි දේවල් ඈත් කළයුතු බවත් දරුවන්ට කුඩා අවදියේ සිටම ඉගැන්විය යුතු නිසයි theAsianparent Sri Lanka මේ තොරතුරු ඔබ වෙත ගෙන ආවේ.  

theAsianparent හි අනුමැතිය ඇතිව පරිවර්තනය කර ප්‍රකාශිතයි.

පරිවර්තනය: නිසංසලා ලියනගේ 

Written by

theAsianparent