ළමා පිළිකා (childhood cancer) ඇතිවීම ඉතා ඛේදනීය තත්වයකි. එය දෙමාපියන් මිහිමත තනි කරමින් පුංචි දේවදුතයන්ගේ ජීවත ගෙන ඉගිල යයි.
එහෙත්, එය කුරිරු වුවත් පිළිකාවක් සමග ජය හෝ පැරදුම අත් අරගන්නා සෑම දරුවෙක්ම බෙදා ගැනීමට කතාවක් ඉතිර කරයි. පිරිමි දරුවෙකු සිය මවට අවසන් වතාවට කියු අනුවේදනීය වදන් රැගත් කථා පුවත මෙන්න.
නෝලන් ළමා පිළිකා වෙත ගොදුරු වු අයුරු
ඒ සියල්ලම ආරම්භ වූයේ අහිංසක සෙම්ප්‍රතිශ්‍යාවකිනි. නමුත් තත්වය එන්න එන්නම නරක අතට හැරුණා. දවස් ගත වෙද්දී අවුරුදු තුනක් වු නෝලන් දුර්වල වුනා. සිර වී තිබු නාසය හුස්ම ගැනීමේ අපහසුතාවයක් බවට පත්වුනා. ඖෂධ වලින් කිසිම සුවයක් ලැබුනේ නැහැ .
මාස දෙකකට පසු ඔහුගේ වෛද්‍යවරු හද දැවෙන රෝග විනිශ්චය හෙළි කලා . පිළිකාවක් ඔහුගේ ශ්වසන මාර්ගය අවහිර වීමට හේතු වුනා. නෝටන්ව ළමා වියේ පිළිකාව ගොදුරු කරගෙන තිබුණා.
නෝලන්, rhabdomyosarcoma නැමති දුර්ලභ හා දරුණු පිළිකාවලට ගොදුරු වී සිටි අතර සෑම ප්‍රතිකාරයකටම මේ පිළිකාවක් ප්‍රතිරෝධය දැක්වුවා.
ඔහුගේ ව්‍යසනයට මුහුණ දුන් මව වන රූත්, රෝගය පිළිබඳ දරුණු යථාර්ථය ගැන දැනුවත් කිරීම සඳහා තීරණයක් ගත්තා.
පිළිකා රෝගයට ගොදුරු වී ශාරීරික දුක්විඳීම වැනි භෞතික ඡායාරූප වෙනුවට පිළිකාවෙන් දරුවාට ඇති වු දරුණු වේදනාව හා හැගීම් සහිත මානසික වේදනාව ඕ කැමරාවට හසු කරගත්තා.
රූත් තමන්ගේ නාන කාමරයේ එළියේ වැතිර නිදන නෝලන්ගේ ඡායාරූපයක් බෙදා ගත්තාය. ඇය ඇග සෝදන විට පවා ඔහු ඇය හැර යන් බය වුනා.
පොඩ්ඩක් හිතන්න නෝලන් වගේ පුංචි වයසක ඉන්න දරුවෙකුට තමන්ගේ අම්මා දකින්න වෙන අන්තිම මොහොත කොයි වෙලාවේද යන්න නොදැන සිටීම ඔහුව කොච්චර බය කරනවා ඇතිද?
නිකමට හිතන්න. වයස අවුරුදු තුනේදී බොහෝ දරුවන්ට මරණය පිළිබඳ අදහස තේරුම් ගන්නවත් බැහැ. මේ අසරණ පුංචි පිරිමි ළමයාට මරණය නම් කාරණය සමඟ කටයුතු කරන්න වුනා.
මේ පින්තූරයේ දී දරුවාගේ මව දරුවන්ට පිළිකාව නිසා ඇතිවෙන මානසික කම්පනය ඡායාරූප ගත කලා.
ළමා වියේ පිළිකාව නෝලන්ව දරුණු ලෙස පෙලුවා.
කාලය නෝලන් වෙනුවෙන් නොනැවතුනේය. ප්‍රතිකාර ඔහුව දුර්වල කල අතර පිළිකාව ඔහුගේ ශරීරය පුරා පැතිර ගියා.
ඔහුගේ ජීවත් වීමේ අවස්ථාව 40% සිට 20% දක්වා පහතට වැටිනි. කිසිදා නොදිනන සටනක ඔහු සිටින බව ඔහුගේ මව දැනගෙන සිටි අතර, ඇය ඔහුගේ නිර්භීත සටනේ අවසන් පිම්ම දක්වා නොකඩවා ලියා තැබුවා.
නෝලන් රෝහලේ අවසන් වරට පැමිණි අවස්ථාවේදී ඔහුට ආහාර ගැනීමට අපහසු තරම් තත්වයකට පත්වුනා. ඔහු ආහාර ගත්විට ඒවා ආපසු ඉහලට ආවා.
ළමා පිළිකා හා නෝලන්ගේ අවසන් මෙහෙයුම
නෝලන් අවසානයට ළං වූ විට රූත් ඔහු සමඟ සංවාදයක් යෙදුනා. ඔහුට දැනුන විසල් වේදනාව ගැන රූත් ඔහු ගෙන් විමසූ අතර, ඔහු තවදුරටත් සටන් නොකළ යුතු බව ඇය පවසා සිටියා. ඔහු මෙහෙම පිළිතුරු දුන්නා .
"මම මං වෙනුවෙන් එහෙම කරන්නේ නෑ, ඒත් මම ඔයා වෙනුවෙන් එහෙම කරනවා අම්මා"
මේ දරුවාගේ හදවත කොතරම් කාරුණික දැයි විස්තර කරන්න වචන නැහැ. එවන් පුංචි කාලයකදී ඔහුට සුවිසල් අනුකම්පාවක් ඇති වුනා.
තම මව සමග කතාව දිගටම පැවතුන අතර ඇයට තවදුරටත් ඔහුව සුරක්ෂිත කර ගත නොහැකි බවත් ඇය එසේ කිරීමට ඇති එකම මාර්ගය ස්වර්ගය වෙත යැවීම පමණක් බවත් ඇය පැවසුවාය . ඇය කතා කළ සෑම වචනයකින්ම ඇයගේ හදවත බිඳ ගියා.
කුඩා නෝලන් කරුණාවන්තව එය පිළිගත් අතර තම මව ස්වර්ගයට පැමිණෙන තෙක් ස්වර්ගයට ගොස් සෙල්ලම් කරමින් සිටින බව සහතික කලා .
ඊළඟ දින කිහිපය තුළ වැඩියෙන් ඔහු නිදා ගත්තා.
අවසන් රාත්‍රිය ඔවුන් එක්ව ගත කිරීමට නිවසට යෑමට සූදානමින් සිටියදී, නෝලන් තම මවගේ අත අල්ලාගෙන, ඔවුන්ට රෝහලේ රැඳී සිටීමට හැකි බව පැවසුවා.
ළමා පිළිකා සමග පුංචි නෝලන් මරණයට තව තවත් ලංකලා.
ඔහුට අවුරුදු හතරක් පමණි. ඔහු තම මව වෙනුවෙන් සැනසීම ඇති කිරීමට උත්සහ කිරීමට තරම් වීරයෙක් වුනා.
ඒ රාත්‍රියේ 9 ට විතර ඔවුන් දෙදෙනා යූ ටියුබ් බලමින් සිටි අතර රූත් ඉක්මනින් ඇග සෝදා ගෙන එන්න දැයි නෝලන් ගෙන් ඇහුවා. (ඔහු හැර යාමට ඇයට ඉඩ නොදුන්නේ කෙසේදැයි මතකයි නේද.)
ඔහුගේ මාමා ඔහු ලගින් වාඩි වී සිටි බැවින් ඔහු එයට එකග වුනා. ඔහුගේ මව නාන කාමරයේ දොරකඩ සිටගෙන සිටි අතර, ඇයගේ ඉන්න දිහා බලා සිටින ලෙස ඔහුට කිව්වා .
එදින රාත්‍රියේ ඇය ඉක්මනින් ඔහු සමග ඇදට ආවා. ඇයගේ අත ඔහුගේ හිසේ දකුණු පැත්තෙන් තැබුවා .
රාත්‍රී 11:54 ට විතර ඇය ඔහුගේ දෙසවනට ඔබ මගේ හිරු කිරණ ගීතය ගායනා කළා.
ඔහු ඔහුගේ සියලුම ශක්තිය කැටි කර අවසන් නින්දට පෙර මොහොතක් අවදිව හිදිමින් මෙහෙම කිව්වා.
"මම ඔයාට ආදරෙයි අම්මේ"
ඔහු හොඳ සටනක් කලා. රෝලීන් නෝලන් ස්කලී අවසන් නින්දට පිවිසුනා.
මෙම කථාව අපේ ඇස් කඳුලින් තෙත් කලා. දැන් ස්වර්ගයේ දේවදූතයන් සමඟ සෙල්ලම් කරමින් ඔහුගේ මව යළි මුණගැසෙන දවසක් වෙනුවෙන් බලා සිටින පුංචි දේව දුතයා වෙනුවෙන් අපේ හදවත ශෝකයෙන් බර වෙනවා.
ළමා වියේ පිළිකාව දරුවාට මෙන්ම දෙමව්පියන්ටත් ඉතිරි කරන්නේ වේදනාවක් , මේ කදුලු කථාව ඔබ වෙත ගෙන ආවේ the Asianparent Sri Lanka වෙතිනි.
theAsianparent හි අනුමැතිය ඇතිව පරිවර්තනය කර ප්‍රකාශිතයි.
පරිවර්තනය: නදීශා ලක්මිණී
