ඔබේ ලිංගික ආශාවන් හීන වීම රෝගයක පෙර නිමිත්තක්ද?
ලිංගික ආශාව අඩුවීම ඇත්තටම රෝගයක පෙරනිමිත්තක්ද කියා දැනගනිමු.
lingika දැනුම අපි සියලුම දෙනාම දැනගන්න කැමතියි.
නමුත් සමහර වේලාවට අපිට ඒ සම්බන්ධ ප්‍රමාණවත් දැනුමක් ලබා ගන්න තැන් ඔබට නැහැ.
නමුත් ඔබේ විවාහය හා ලිංගික ජිවිතය වැදගත් වෙන බොහෝ දේවල් අපි විවිධ මාතෘකා ඔස්සේ ලිපි පෙළකින් කතා කලා.
අද කාන්තා ඔබේ ලිංගික ආශාවන් හීන වීම ගැන ටිකක් කතා කරමු.
ලිංගික ආශාවන් හීන වීම ගැන lingika දැනුම
ලිංගිකත්වය යනු දෙදෙනෙක් තුල සහයෝගයෙන් පවත්වා ගත යුතු දෙයකි.
ඉන් එක් පාර්ශවයක් හෝ එම කාර්යය තුල අසමත් වීම අනෙක් පාර්ශවයද අතෘප්තිය කරා ගෙන යන්න පුළුවන්.
විශේෂයෙන් කාන්තාවන්ගේ ජිවිතය තුල හෝමෝන ක්‍රියාවලින් ගණනාවක් විවිධ කාල වලදි සිදුවෙන අතර ඇයගේ ලිංගික ආශාවන්ද ඒ අනුව වෙනස් වෙන ආකාරය අත් දකින්න පුළුවන්.
හයිපෝඇක්ටිව් සෙක්ෂුවල් ඩිෂයර් ඩිස්ඔඩර් (HSDD), නැතිනම් කාන්තා ලිංගික උනන්දුව / අවදිවීමේ ආබාධය ලෙස හදුන්වනු ලබයි.
මේ මගින් කාන්තාවන් තුල ඇතිවෙන ලිංගික අක්‍රියතාවය මගින් ඒ තුලින් ඇයගේ ලිංගික ආශාව පහල හෙලනු ලබයි.
මෙහිදි බොහෝ කාන්තාවන් ඔවුන්ගේ ජීවිතයේ යම් අවස්ථාවක දී ලිංගික ආශාවක් හීන වීමෙන් පෙලෙන්න පුළුවන්.
එහිදි HSDD රෝග ලක්ෂණ මාස හයක් හෝ ඊට වැඩි කාලයක් පවතිනවා.
රෝග ලක්ෂණ ඉතා තීව්‍ර වන විට එය ඔබගේ ලිංගික ජිවිතයට හා ජිවිතයේ ගුණාත්මක බාවයට හානි කරන්න පුළුවන්.
මෙවන් තත්වයක් ඇති නම් ඔබ ඔබේ වෛද්‍යවරයා හමුවීම යෝග්‍යයි.
ඔබේ සිරුර නිරීක්ෂණය කර රෝග ලක්ෂණ ඔබේ වෛද්‍යවරයාට පැවසීම මෙහිදි අත්‍යාවශ්‍ය වෙනවා.
ඔබේ රෝග ලක්ෂණ පිළිබඳ නිසි අවබෝධයකින් යුතුව, ඔබේ ලිංගික ජිවිතය සහ සමස්ත යහපැවැත්ම වැඩි දියුණු කිරීම සඳහා නිවැරදි ප්‍රතිකාරක් සදහා ඔබව ඔබේ වෛද්‍යවරයා විසින් යොමු කරනු ඇති.
lingika දැනුම: HSDD රෝග ලක්ෂණ
කාන්තා ලිංගික උනන්දුව / අවදිවීමේ ආබාධය ඔබටත් වැළදි ඇත්නම් එය ඔබට හදුනාගන්න පුළුවන්.
පහත සදහන් කර ඇති ලක්ෂණ ඔබ කෙරෙහි දකින්න ලැබෙනවාද කියා නිරීක්ෂණය කර බලන්න.
- ලිංගික ක්‍රියාකාරකම් කෙරෙහි අඩු උනන්දුවක් පැවතීම හෝ ලිංගික උනන්දුව නැතිවීම
- ලිංගික මනං කල්පිත අඩු වීම හෝ නැතිවීම
- කායික සම්බන්ධතා ආරම්භ කිරීමට උනන්දුවක් නොදැක්වීම
- සහකරු ලිංගික ක්‍රියාකාරකම් ආරම්භ කිරීමට දරන උත්සාහයට ප්‍රතිචාර නොදැක්වීම
- 75%-100% අතර කාලයක් තුල ලිංගිකත්වයෙන් විනෝදය ලබා ගැනීමේ දුෂ්කර වීම
- 75%-100% අතර කාලයක් තුල ලිංගික ක්‍රියාකාරකම් නිසා ලිංගික අවයව වල සංවේදනයන් අවම වීම හෝ නැතිවීම
රෝග ලක්ෂණ මාස හයක් හෝ ඊට වැඩි කාලයක් පවතිනවා.
එය ඔබේ ලිංගික ජිවිතයට මෙන්ම ජීවන තත්ත්වයට අහිතකර ලෙස බලපානවා.
ඔබත් මෙම රෝග ලක්ෂණ අත්විඳින්නේ නම්, එයින් ඇගවෙන්නේ ඔබ වෛද්‍යවරයෙකු මුණ ගැසීම සුදුසු බවයි.
ඔබේ ලිංගික උනන්දුව අඩුවීම ඒ සදහා ඔබට දක්වන තවත් සලකුණක් වෙන්න පුළුවන්.
කාන්තාවන්ට HSDD රෝගය ඇතිවීමට අවදානමක් තිබේද?
සෑම කාන්තාවකටම මෙම රෝගය ඇතිවෙනවාද යන්න දැනගන්න ඔබ තුලත් කුතුහලක් තිබෙන්න පුළුවන්.
ඇත්තටම මෙම රෝගය වැළදීමට අවදානමක් ඇත්තේ කාටද?
සියලුම කාන්තාවන්ට වරින් වර ලිංගික ආශාවන්හි වෙනස්කම් අත්විඳිනු ලබනවා.
HSDD හි රෝගය ඇති වුවහොත් එහි ඉහත සදහන් කල රෝග ලක්ෂණ මාස හයක් හෝ ඊට වැඩි කාලයක් පවතිනවා.
මෙම රෝග ලක්ෂණ ඔබේ ලිංගික ජිවිතයට හෝ ආත්ම අභිමානයට ගැටළුවක් වෙන්න පුළුවන්.
මෙම රෝගය ඇතිවීම කෙරෙහි පහත තත්වයන් කෙරෙහි සැලකිලිමත් වෙන්න
ඔබ තුල පහත රෝග ලක්ෂණයන් පෙන්වන්නේදැයි නිරන්තරයෙන් සැලකිලිමත් වෙන්න.
එවිට ඔබත් මෙම රෝගී තත්වයෙන් පෙලෙනවා නම් හදුනාගන්න පුළුවන්.
- දියවැඩියාව හෝ තයිරොයිඩ් ආබාධ වැනි ලිංගික දුර්වලතා සඳහා දායක වන වෛද්‍ය තත්වයන්
- මත්ද්‍රව්‍ය හෝ මත්පැන් භාවිතය පිළිබඳ ඉතිහාසය
- ශාරීරික හෝ මානසික අපයෝජනය පිළිබද ඉතිහාසය
- මානසික අවපීඩනය හෝ කාංසාව වැනි මානසික සෞඛ්‍ය ආබාධ
- සැලකිය යුතු කාංසාවක් ඇති කරන අධි ආතති රැකියාවක් නියුතු වීම
- ලිංගික සබඳතා කෙරෙහි විශ්වාසයක් නොමැතිකම
මෙම ලක්ෂණ එකක් කිහිපයක් පෙන් වු පමණින්ම කාන්තාවන් මෙම රෝගී තත්වයෙන් පෙලෙනවා යැයි නියත වශයෙන්ම කියන්න බැහැ.
නමුත් එම ලක්ෂණ පෙන්වීමෛන් ඔබට රෝගය වැලදෙන්න වැඩි ඉඩක් තියෙනවා.
රෝග ලක්ෂණ සඳහා මූලික හේතුව අවබෝධ කරගැනීම අවශ්‍ය වෙනවා.
එවිට ඔබේ වෛද්‍යවරයාට ඔබේ තත්වය තේරූම් ගැනීමට සහ නිවැරදි ප්‍රතිකාර ලබා දීමට පුළුවන්.
මෙම රෝග ලක්ෂණ සඳහා ප්‍රතිකාර ලබා ගත යුතුද?
HSDD යනු කාන්තාවන් අතර තරමක් පොදු තත්වයකි. කෙසේ වෙතත්, ඒ ගැන ප්‍රමාණවත් දැනුවත්භාවය නොමැතිකම නිසා, රෝග විනිශ්චය කිරීම දුෂ්කර වෙනවා.
පහත තත්වයන් සදහා ඔබ වෛද්‍ය ප්‍රතිකාර ලබා ගන්න.
- ලිංගිකත්වය කෙරෙහි ඇති උනන්දුව නැතිවීම හෝ එහි තෘප්තිය අහිමි වීම
- අඩු ලිංගික ආශාව හේතුවෙන් ලිංගික සබඳතාවල ගැටළු මතුවීම
- ජීවන තත්ත්වයට ඍණාත්මක බලපෑම
- සමාජ ක්‍රියාකාරකම් කෙරෙහි ඇති උනන්දුව නැතිවීම
- හීන ආත්ම අභිමානය
- මාස හයක් හෝ ඊට වැඩි කාලයක් පවතින රෝග ලක්ෂණ
HSDD සඳහා වෛද්‍ය උපදෙස් ලබාගැනීමේදී, සමහර කාන්තාවන් එය නොදැනුවත් වෙන්න පුළුවන්.
නැතිනම් ඒ සදහා ප්‍රතිකාර වලට යොමුවෙන්න මැළි වෙන්න පුළුවන්. නමුත් ඔබ ඒ සදහා සුදුසු වෛද්‍යවරයෙකු හමු වී ප්‍රතිකාර නොගත්තොත් ඔබේ ලිංගික ජිවිතයට කණ කොකා හඩන්නට පුළුවන්.
සහකරුවා වුවද තම සහකාරිය ගැන විමසිල්ලෙන් සිටිය යුතු අතර මෙවන් රෝග ලක්ෂණ පෙන්වන්නේ නම් ඇයව වෛද්‍යයරයෙකු වෙත යොමු කිරීම සුදුසු වෙනවා.
විවාහ ජිවිතයක එක් අභිමාර්තයක් නම් මුලික අවශ්‍යතාවයන් ගෙන් එකක් වෙන ලිංගිකත්වය මුදුන්පත් කර ගැනීමයි.
එය අඩපණ කරන කුමක් හෝ ගැටළුවක් දෙදෙනා ගෙන් එක් අයෙකු මුහුණ දෙනවා නම් දෙදෙනාම එක්ව සාකච්ඡා කර සාර්ථක විසදුමකට යොමු වීම සුදුසු වෙනවා.
කාන්තාවනි, ඔබේ ලිංගික ආශාව හීනවීම සුළු කොට තැකීම හෝ සගවා ගෙන සිටීමට උත්සහා කරන්න එපා.
එයින් සිදුවන්නේ ලිංගික සම්බන්ධතා ඔබට වේදනාවක් වෙනවා පමණක් නොවේ ඔබේ සහකරුට වදයක් බවට පත්වීමයි.
ඒ නිසා ඔබට ලිංගික ආශාව කෙරෙහි යම් වෙනසක් හැගේ නම් නිසි ප්‍රතිකාර වලට යොමුවෙන්න අතපසු කරන්න එපා.
මුලාශ්‍ර - www.healthline.com
*theAsianparent Sri Lanka හි පල කරනු ලබන ලිපි ජාත්‍යන්තර ප්‍රකාශන හිමිකම් නීති මගින් ආරක්ෂා කර ඇත. ඔබ මෙම ලිපිය theAsianparent Sri Lanka හි අවසරයකින් තොරව පිටපත් කිරීම හෝ භාවිතා කිරීම කරන්නේ නම් ඔබට එරෙහිව මෙම නීති යටතේ නඩු පැවරිය හැකිය
