නිවාඩුවක් ගත කරන්න මධුරී ඩික්සිත් ශ්‍රී ලංකාවට
මධුරි ඩික්සිත් ශ්‍රී ලංකාවට ඇවිත් ගිහින්ලු.
කාලයක් බොලිවුඩය වසග කල මනරම් ඒ හිනාව ඔබට මතක ඇති කියා හිතනවා. ඇයගේ හිනාව ඒතරම් ආකර්ෂණියයි. ඒ හිනාවටම නොදෙවෙනි වු රූප ස්වභාවයකින් යුක්ත වු ඒ සොදුරු ගැහැනිය මධුරි ඩික්සිත් ය.
එදා ඉන්දියාවේ පමණක් නොව හින්දි චිත්‍රපට උන්මාදයක් පවතින ශ්‍රී ලාංකික රසික හදවත් පවා ඇද බැද ගන්නට ඇය සමත් වුවාය.
දැන් ඉස්සර මෙන් රිදි තිරයේ ඇය නිතර දකින්නට නොලැබුනත් ඇය රග පෑ හිත් ගන්නා සුළු චිත්‍රපට අදටත් අපි රස විදින්නේ නොඅඩු වු ඇල්මෙනි.
ඉතින් මේ මධුරී ඩික්සිත්ට ආදරය කරන රසික රසිකාවියන්ට අලුත්ම ආරංචියක් තියෙනවා කියන්න.
ඔන්න මේ නිවාඩුවට මධුරී ඩික්සිත් ශ්‍රී ලංකාවට ඇවිත්ලු
Photo Credit to timesnownews.com
ඇයට ආදරය කරන හැමෝම දැන් කලබල වෙන්න ඇති නේද? තමන් ආදරය කරන තරුවක් කවුද හැබහින් දකින්න අකමැති? ඒත් දැන් ප්‍රමාද වැඩියි. ඇයගේ ශ්‍රි ලංකා සංචාරය ගැන තොරතුරු ලැබුනේ ඇයගේ ඉන්ස්ටග්‍රෑම් ගිණුමෙන්. එහි ඇය ශ්‍රී ලංකාවේදි ගත්ත ලස්සන ඡායාරූප රුසක් එක්කර තිබුනා.
ඇයව හමුවෙන්න, කතා කරන්න, ඇයත් එක්ක සෙල්ෆියක් ගන්න නොලැබුනත් ඇය සංචාරයට අපේ රට තෝරා ගැනීම ගැන අපි සතුටු විය යුතුයි නේද?
අපි රිදි තිරයේ දකින්න ආස කල රුව අපේ රටට ඇවිත් ගිහින්.
” ස්වභාව දහම තමයි හොදම තෙරපි ක්‍රමය”
Photo Credit to timesnownews.com
ඇය එක් ඡායාරූපයක සටහන් කර තිබුනා
” සංචාරය කරන්න ආසයි”
ඇය තවත් ඡායාරූපයක සටහන් කර තිබුනා
ඇය හා පැමිණි ඇයගේ සැමියා වු ශ්‍රීරාම් මාධව් නෙනේද ලස්සන ඡායාරූප රැසක් එක්කර තිබෙනු දක්නට ලැබුනා.
“ඔබ ආදරය කරන අය සමග පරාදීසයකට යෑම තරම් කිසිවක් නැහැ. කොහේ කියලාද හිතන්නේ”
ඔහු එක් ඡායා රූපයක් යටින් සටහන් කර තිබුනා. ඔහු මෙවැනි තවත් ඡායාරූප කිහිපයක් බෙදා ගෙන තිබුනා.
රංගන ශිල්පිනියකට මොස්තර නිරූපනයෙන් තොර ලෝකයක් තියෙනවාද කියලා ඔබ හිතන්න පුළුවන්.
ඔබේ හිතේ ඇති වෙන මේ පැනයට කදිම නිදසුන තමයි මධුරි ඩික්සිත්.
ඇය තමන්ගේ රංගන ජිවිතයේ හා පෞද්ගලික ජිවිතයේ විවේක ඇති සෑම විටකම සැමියා හා දරුවන් සමග රට රටවල සංචාරය කරනවාලු.
කොහොමත් මධුරි කියන්නේ සංචාරයට බොහොම කැමති රංගන ශිල්පියක්.
ඇය අලුත් ස්ථාන බලන්න කැමතියි වගේම කුඩා නගර, කඳුකර ස්ථාන, වෙරළ සහ සොබාදහමට සමීප ඕනෑම ස්ථානයක් බලන්න යන්න කැමතියිලු.
ඇය ස්වභාව දහමටත් හරිම සමීපයි. ඒ නිසාම වෙන්න ඇති ඇය මෙවර කෙටි සංචාරයක් සදහා ඉන්දියන් සාගරයේ මුතු ඇටය තෝරා ගත්තේ.
එහිද ඇය හා ඇයගේ සැමියා ශ්‍රී ලංකාවේ ග්‍රණාත්මක කාලයක් ගත කර ඇති බවයි වාර්තා වෙන්නේ.
ඇයගේ මේ ගමන සංචාරය පිළිබද සමාජ ජාලයන්හි වන ධනාත්මක විස්තර ඇත්තටම අනෙක් අයට ශ්‍රිලංකාවට පැමිණිමට ආසාවක් ඇති කරනවා නොඅනුමානයි.
පසුගිය වකවානු වල සිදු වු අවාසනාවන්ත සිදුවීම් එක්ක කණකොකා හැඩ වුන අපේ සංචාරක කර්මාන්තයට මෙවැනි සුපිරි තරු ලංකාව සංචාරයට තෝරා ගැනීම නැවත වටිනා කමක් එක් කරනවා.
මධුරි ඩික්සිත් ගැන බිදක්
Photo Credit to timesnownews.com
ඇය ශංකර් සහ ස්නෙලතා ඩික්සිත් ට දාව මධුරි ශන්කර් ඩික්සිත් ලෙස 1967 මැයි 15 වන දින ඉන්දියාවේ මුම්බායිහි උපත ලැබූවා.
ඇත්තටම ඇය සිහින දැක්කේ නිළියක් වන්නට නම් නොවේ. ඇයට අවැසි වුයේ ක්ෂූද්‍ර ජීව විද්‍යාඥයෙකු වීමටයි.
නමුත් ඇයගේ රුගුම් හැකියාව රුව හා ලස්සන හීනය ඒ හීනය බොද කරන්නට ඇත.
ඇයගේ දෛවය ඇයව ගෙනාවේ අපූරු සංධිස්තානයකටයි. 1980 සහ 1990 කාලය තුල හින්දි සිනමාවේ ප්‍රමුඛ නිළියන් හා නර්තන ශිල්පිණියන් අතර වැජඹුනාය.
සාර්ථක චිත්‍රපට ගණනාවකට රංගනයෙන් ඇය දායක වුවාය. ඉන්දියානු රජය මඟින් ඉන්දියානු පුරවැසියෙකුට පිරිනමන සිව්වැනියට උසස් “පද්ම ශ්‍රී” සිවිල් සම්මානයෙන් ඇය පිදුම් ලැබීය.
පසුව 1999 දී වෛද්‍යවරයෙකු වු ශ්‍රීරාම් නේනෙයි සමග යුග දිවියට පිවිසි ඇය අද පුතුන් දෙදෙනෙකුට ආදරණීය මවක් වන්නීය.
මුලාශ්‍ර-tmesnownews , wikipedia, Madhuri Dixit’s IG
*theAsianparent Sri Lanka හි පල කරනු ලබන ලිපි ජාත්‍යන්තර ප්‍රකාශන හිමිකම් නීති මගින් ආරක්ෂා කර ඇත. ඔබ මෙම ලිපිය theAsianparent Sri Lanka හි අවසරයකින් තොරව පිටපත් කිරීම හෝ භාවිතා කිරීම කරන්නේ නම් ඔබට එරෙහිව මෙම නීති යටතේ නඩු පැවරිය හැකිය.
