මම දරුවන් රැකබලා ගන්නා ආකාරයේ නිතර වැරදි සොයන මගේ නැන්දම්මා මාව කෝපයට පත්කරනවා.

හිතවත් මව්වරුනි, මට උදව් කරන්න. නැන්දම්මා ලේලී හබයෙන් මගේ පුතාට බැට කන්න දෙන්න බැහැ.

මගේ වයස අවුරුදු තුනක් වු දරුවාට ඊයේ මම පහර දී ඉන්පසුව මම පැයක් විතර ඇඩුවා. මේ මම ඔහුට පහර දුන් පළමු අවස්ථාව වන අතර මෙහිදි ඔහු කර තිබුනේ සුළු වරදක්, මගේ කෝපය ඔහු මත පිට වීමක් වුනා.

අපිත් එක්ක ජීවත් වෙන මගේ නැන්දම්මාට ජීවිතයේ එකම අරමුණක් තියෙන බව පේනවා. ඒ මම මගේ පුතා රැකගන්න විදියේ වැරදි සෙවීමයි. මේ සියල්ල ඇරඹුනේ ඔහු ඉපදුන දවසේ සිටයි.

මේ අපේ ගෙදර අපේ චාරිත්‍ර තිබෙන්නේ

මම ඔහු වෙනුවෙන් ගන්න අවශ්‍ය වන සෑම පියවරක්ම මේ අපේ ගෙදර අපේ චාරිත්‍ර තිබෙන්නේ යැයි පවසමින් ඒවා ඇය විසින්  ප්‍රතික්ෂේප කරනු ලබනවා.

ඔහුට මාස කිහිපයක්  වනවිට මා විසින් දරුවාට  මී පැණි හැන්දක් ලබා දීම ඇයට අවශ්‍ය වුනා. බොටලිසම් නැමති රෝගය   ඇතිවීමට ඇති අවදානම  නිසා අවුරුද්දට අඩු දරුවන්ට කුමන හෝ ආකාරයේ මීපැණි ලබාදීමට එරෙහිව වෛද්‍යවරුන් අනතුරු අගවන බව දක්වමින් මම එයට විරුද්ධ වෙනවා. ළමයි හතර දෙනෙක් හදපු මට විද්‍යාව උගන්වන්න එපා යැයි ඇය පවසනවා.

ඒ දිනවල නිතිපතා තිබුන මේ සටන නිසා මාත් මගේ සැමියාත් අපි දරුවාට රාත්‍රීයේ මීපැණි ලබා දෙන බව බොරුවට කිව්වා.

මම පුතාට බොහෝ විට මව් කිරි ලබා දුන් අතර ඉන්පසු කිරි ආදේශකද ලබා දුන්නා. එමනිසා පුතාගේ අස්ථි දුර්වල වී ඇති බව ඇය සිතනවා. පුතා ගේ පුරා දුවන සෑම විටම  ඔහුගේ වේගය අඩු වී ඇත්තේ මම ඔහුව ව්‍යාජ කිරි වලින් පෝෂණය කරන නිසා බව ඇය අපහස මුඛයෙන් පවසනවා.

උදේ ආහාර ගැනීම හා පාසැල් යෑමට  ලෑස්ති වීමට ප්‍රමාණවත් කාලයක් ඔහුට ලබාදීමට මම ඔහුව කලින් අවදි කල විට මට දරුවා විවේක ගන්නවා පේන්නත් බෑ කියලා ඇය කියනවා. මම ඔහුව හවස උද්‍යානය වෙත ගෙන යන විට  මම එළියට ගොස් අසල්වැසි කාන්තාවන් සමග කථා කරන්නට අවස්ථාවක් උදා කරගන්නා බව ඇය පවසනවා.

හැමවිටම මම වැරදි බව ඔප්පු කිරීමට ඇයට අවශ්‍යයි.

මම ඔහුට පරිප්පු දුන් විට මම ඔහුට එළවළු දිය යුතු යැයි ඇය සිතනවා. මම ඔහුට එළවළු දෙන දින වලට ඔහු බොන කිරි ප්‍රමාණය අඩු යැයි ඇය සිතනවා. මේ සියල්ල තුලින්ම මට වැටහුණේ ඇයගේ අරමුණ වන්නේ ඇයගේ මුණබුරා රැකබලා ගැනීමට වඩා මම වැරදි බව ඔප්පු කිරීම බවය. ඇය මා වැරදි බව ඔප්පු කිරීමට මගේ පුතා පලිහක් ලෙස භාවිතා කරනවා.

ඇය මුණබුරාට ගොඩාක් ආදරය කරන බවත් ඔහුව කිසිවෙකු නොසලකා හැරීම  ඇයට ඉවසිය නොහැකි බව පවසමින් මගේ සැමියා ඉදිරියේ ඇය හඩා වැටෙනවා. ඇය නිවසේ ආහාර පිසින්නේ කලාතුරකින් වන අතර මට  මගේ සැමියා සමග රාත්‍රී ආහාර වේල සදහා එළියට යන්න අවශ්‍ය වෙනකොට ඔහුට ගෙදර ඉන්න හිතෙන ආකාරයේ ඔහු කැමතිම ආහාර වේලක් ඇය සකස් කරනවා.

මෙය මගේ සතුට විනාශ කරන අතර අසාධාරණ ලෙස මම මගේ කෝපය මගේ පුතු මත මුදාහරිනවා. මම ඒවා නොසලකා සිටිය යුතු බව මගේ සැමියා පැවසුවත් මට මෙම අරමුණින් පිටට යන්නට කාර්‍යාලයක් නොමැති අතර ඇය සමග පැය විසිහතරම ජීවත් වන්නට සිදුවී ඇත.

හිතවත් මව්වරුනි, මට උදව් කරන්න. නැන්දම්මා ලේලී හබයෙන් මගේ පුතාට බැට කන්න දෙන්න බැහැ.

මේ නම ගම හෙලි නොකල ලේලියකගේ කථාව ඔබට ගෙන ආවේ The Asianparent Sri Lanka වෙතිනි. ඉවර නොවන මේ නැන්දම්මා ලේලී හබයට ඇමතිය යුත්තේ කෙසේදැයි ඔබට අදහස් ඇතිනම් අපත් සමග බෙදාගන්න.

theIndusparent හි අනුමැතිය ඇතිව පරිවර්තනය කර ප්‍රකාශිතයි.

පරිවර්තනය: නදීශා ලක්මිණී