ඉණ මහත අම්මලා ගේ ඉන්න දරුවන් දක්ෂයි කියන්න‌ේ ඇත්තද?
ඉණ මහත අම්මලා ගේ ඉන්න දරුවන් දක්ෂයිලු! අධ්‍යනයකින් තහවුරු කරගත් මේ අපූරු කතාවත් කියවන්න.
මහත අම්මලාට ඔන්න සතුටු හිතෙන කාරණාවක් අපි අද අරගෙන ආවා. දරුවා ලැබුනු පසු එම බර අඩු කර ගැනීම හරිම අසීරුයි නේද?
එහෙම උත්සාහ කරලා අසාර්ථක වූ විට අපට වේදනාවක් දැනෙනවා. නමුත් මහත තට්ටම්, ඉණ ඇති අම්මලා සිරුර මට්ටු කරන්න උත්සහ දැරීම නතර කලොත් හොදයි නේද?
ඒ ඇයි කියලා දන්නවාද?
ඔබේ කලවා සහ පසුපස මේදය තිබීම ඔබේ දරුවාගේ මොළයේ වර්ධනයට සහ දිවි ගලවා ගැනීමේ අවස්ථාව ලැබීමට සඳහා හොඳ බව විද්‍යාඥයන් දැන් සොයාගෙන තියෙනවා.
ලොකු ඉණක් ඇති මහත අම්මලා ගේ ළමයි දක්ෂයිද?
විද්‍යාඥයන් අපූරු කතාවක් කියනවා. ඔබේ දරුවාගේ මොළයේ වර්ධනය රඳා පවතින්නේ ඔබේ කලවා සහ පසුපසින් වලින් කෙලින්ම ඉවත් කරන මේදය මතලු.
මෙය විශේෂයෙන්ම මව්කිරි දෙන අම්මලා සඳහා සත්‍ය වෙනවාලු.
ඔබේ කලවා සහ ඉණ ප‌ෙද‌ෙස‌ේ ඇති මේදය නැති කරගැනීමට ගොඩාක් අපහසු බව ඔබ දන්නවා නේද?
නමුත් කකුල්වල සහ උකුලෙහි මේදය තැම්පත් කර තබා ගැනීමට ඔබට හා අනෙක් කාන්තාවන්ට ඇති හැකියාව බුද්ධිය පරිණාමයේ තීරණාත්මක අංගයක් වෙනවා.
පිට්ස්බර්ග් විශ්ව විද්‍යාලයේ විද්‍යාඥයන් එය සනාථ කිරීම සඳහා පර්යේෂණ කළා.
මෙම ප්‍රදේශ වල ඇති මේදය ළදරුවාගේ මොළය ගොඩනැගීම සඳහා වූ තැම්පතුවක් බව පිට්ස්බර්ග් විශ්ව විද්‍යාලයේ මහජන සෞඛ්‍ය වසංගත රෝග විද්‍යාඥයෙක් වන මහාචාර්ය විල් ලසෙක් පවසනවා.
මහත අම්මලා ගේ දරුවන්
DHA පරිභෝජනය සහ බුද්ධිය අතර සම්බන්ධය ගැන සෙවීම ඔහුගේ නවතම පර්යේෂණයයි.
මෙම සොයාගැනීම් විද්‍යා පත්‍ර සහ Why Women Need Fat නැමති පොතේ ද පළ කර තියෙනවා.
“ස්නායු පද්ධතිය සෑදීම සඳහා ඔබට මේදය විශාල ප්‍රමාණයක් අවශ්‍ය වෙනවා. මෙම උකුල ප්‍රදේශවල ඇති මේද මිනිස් මොළයේ විශේෂයෙන් වැදගත් අංගයක් වන DHA (ඩොකොසහෙක්සෙනොයික් අම්ලය) වලින් බහුල වෙනවා. දරුවෙකු පිළිසිඳ ගන්නා තුරු මේද එකතු කර ඒවා රඳවා තබා ගැනීමට කාන්තාවන් පරිණාමය වී ඇති බවක් පෙනෙනවා, ”ඔහු පවසනවා.
මවක් මව්කිරි දෙන විට මෙම ගබඩා කළ මේදය ක්‍රියාත්මක වන බව ඔහු තවදුරටත් පැහැදිලි කරනවා.
එහි ප්‍රතිඵලයක් ලෙස මෙහි ගබඩා කර ඇති DHA මගින් මොළය නිරෝගිමත්ව වර්ධනය කරනවා.
ළදරුවෙකු සඳහා අවශ්‍ය වන මුළු DHA අවශ්‍යතාවයෙන් 80% ක්ම ලැබෙන්නේ මව්කිරි දෙන මවකගේ මේදයෙනි. පුදුමයි නේද? ඔබගේ ශරීරයේ මේදයෙන් DHA 1% ට වඩා අඩු වෙනවා. ඒ නිසා එය බොහෝ සේ අරගෙන එන්න සිදුවෙනවා.
මව්කිරි නොදෙන අම්මලාට වඩා මව්කිරි දෙන මවුවරුන්ගේ බර වේගයෙන් අඩු කර ගැනීමට හේතු වෙනවා.
මෙය ඔබට හොඳ ආරංචියක් වේවි නේද?
ඒ වගේම මව්වරුනි, ඔබේ ආදරණීයයා සමඟ සතුටින් හා සෞඛ්‍ය සම්පන්න ජීවිතයක් ගත කිරීම සඳහා සෞඛ්‍ය සම්පන්න BMI අගයක් පවත්වා ගැනීමද අත්‍යවශ්‍ය බව අමතක කරන්න එපා.
theAsianparent හි අනුමැතිය ඇතිව පරිවර්තනය කර ප්‍රකාශිතයි.
පරිවර්තනය: නදීශා ලක්මිණි
*theAsianparent Sri Lanka හි පල කරනු ලබන ලිපි ජාත්‍යන්තර ප්‍රකාශන හිමිකම් නීති මගින් ආරක්ෂා කර ඇත. ඔබ මෙම ලිපිය theAsianparent Sri Lanka හි අවසරයකින් තොරව පිටපත් කිරීම හෝ භාවිතා කිරීම කරන්නේ නම් ඔබට එරෙහිව මෙම නීති යටතේ නඩු පැවරිය හැකිය.
