මේ දවස් වල ලෝකය පුරාම රටවල් භිතියට පත් කල වසංගතයක් පැතිර යද්දි කොවිඩ්19න් සුවපත් වු බබා ගැන වු මේ ආරංචිය ඔබ අහන්න කැමති වේවි.
අද මෙච්චර ගානකට කොරෝනා. අද මරණ මේච්චරයි. අපේ රටේ ආසාදිතයෝ මෙච්චර වැඩි වෙලා.
ඔය වගේ ඇග කිලිපොලා යන ආරංචි විතරක් එන සමයක මේ වගේ පුවතක් අහන එකත් සැනසීමක් නේද? අන්න ඒ නිසා අපි ඒ බබාගේ කථාව ඔබට කියන්නම්.
අලුත් උපන් බබාටත් කොවිඩ් 19?
ඇත්තටම මේ පුංචි පැටියා මේ ලෝකෙට උපදිද්දි කොරෝනා නැතිනම් කොවිඩ් 19 මොනවද කියන්න දැන ගෙන හිටියේ නැහැ.
ඒ නිසා නිරෝගි දරුවෙක් විදියට ඉක්මනින්ම අම්මාට තුරුල් වෙන්න එයා ආසාවෙන් ඉන්න ඇති. එයාගේ අම්මාටත් නිරෝගී දරුවෙක් බිහි කරන්න හීනයක් තියෙන්න ඇති.
ඒ සියල්ල බොද කරමින් මුලින්ම මෙම වෛරසයට ගොදුරු වුයේ මේ මවයි.
ෂියාඕ ෂියාඕ නමින් හැඳින්වෙන මෙම දැරිය පෙබරවාරි 5 වන දින උපත ලැබූවා.
මෙම දැරියට ශ්වසන පද්ධතියේ ආසාදනයක් හා සුළු හෘදයාබාධ තිබු බව රෝහලේ නියෝනාටෝ විද්‍යා අධ්‍යයනාංශයේ අධ්‍යක්ෂ වෛද්‍ය සෙන්ග් ලින්කොං පැවසුවා.
පීපල්ස් ඩේලි පුවත්පතට අනුව, දරුවා ඉපදුණු දිනයේම වුහාන් ළමා රෝහලට මාරු කර යවා තිබෙනවා.
ඊට ටික දවසතට පසු ඇයටත් මෙම වෛරසයට ගොදුරු වී ඇති බව සොයා ගත්තා. එතකොට එයාගේ වයස දින 5 ක්ලු.
කොවිඩ්19න් සුවපත් වු බබා ගේ වයස දින 17 යි
මේ දරුවා ඉන්කියුබේටර් එකක තබා රැකබලා ගනු ලැබුවා.
මේ පුංචි පැටියාව රෝගි දවස් වල එයාලා රැකබලා ගෙන තියෙන්නේ මෙහෙමයි.
දින 17 ක් වයසැති මේ පුංචි බබා කොවිඩ් 19 වලින් සුවය ලබා ගැනීමට තරම් වාසනාවන්ත වුනා.
මේ වන විට චීනයේ වෛරසයෙන් සුවය ලැබූ ලාබාලම රෝගියා මේ පුංචි බබා කියලා රාජ්‍ය මාධ්‍ය වාර්තා කරනවා. වාර්තා වෙන පරිදි ඇයට කිසිම ඖෂධයක් ලබා දී නැහැ.
පසුගියදා මෙම දරුවා වුහාන් ළමා රෝහලෙන් පිටව ගියේ ඖෂධයකින් තොරවම සුවය ලැබීමෙන් අනතුරුවයි.
මෙම රෝගය හදුනා ගැනීමේ පරීක්ෂණ තුනක්ම ඍණාත්මක ප්‍රතිඵල ලබා දීමෙන් පසු ඇයට පසුගියදා තමන්ගේ නිවසට හාහපුරා කියලා යන්න අවසර ලැබුනා.
ඒ වගේම දරුවා කොරෝනා වයිරසයෙන් මෙන්ම හෘද රෝගයෙන්ද සුවය ලබා ඇති බව වෛද්‍ය සෙන්ග් පැවසුවා.
ආසාදනය මව්වරුන්ගෙන් ගර්භාෂයේ සිටින ළදරුවන්ට ආසාදනය වේයැයි චීනයේ වෛද්‍යවරු බිය වී සිටිනවා.
පුංචි බබෝ ඔබ සුවය ලැබු බව ඇසීමත් අපිට සතුටටක්. කොවිඩ් 19 රෝගයෙන් පීඩාවට පත්වෙලා සිටින ලෝකවාසී හැමෝටම අපි ඉක්මන් සුවය පතනවා.
ඒ වගේම මේ වේලාවේ රෝගය පැතිරවීමට අනුබල නොදී නිසි සනීපාරක්ෂක උපදෙස් පිළිපදින ලෙසත් නිරෝධායන කටයුතු වලට ඔබගේ උපරිම සහය දෙන ලෙසත් අපි යලිත් ඔබට මතක් කරනවා.
කොවිඩ් 19 හදිසි ඇමතුම් සේවා අංක – 0710107107 සහ 0113071073
ලෝකය තුල කොරෝනා ව්‍යාප්තියේ වර්තමාන තත්වය දැනුවත් වීමට www.worldometers.info වෙත මෙතැනින් පිවිසෙන්න.
මුලාශ්‍ර – news.com.au
*theAsianparent Sri Lanka හි පල කරනු ලබන ලිපි ජාත්‍යන්තර ප්‍රකාශන හිමිකම් නීති මගින් ආරක්ෂා කර ඇත. ඔබ මෙම ලිපිය theAsianparent Sri Lanka හි අවසරයකින් තොරව පිටපත් කිරීම හෝ භාවිතා කිරීම කරන්නේ නම් ඔබට එරෙහිව මෙම නීති යටතේ නඩු පැවරිය හැකිය.
