හැම අවස්ථාවක්ම දරුවා සහ සුරතලා එක්ක සසඳන්න බැරි වුනත් දරුවන් රැක බලා ගැනීමේදී සුරතලුන්ගෙන් ඔබේ දරුවන්ටත් ඉගෙන ගන්න දේවල් තියෙනවා.
ගෙදර සුරතලෙක් සිටීම පවුලට තවත් සාමාජිකයෙකු ඉන්නවා වගේ. theAsianparent Sri Lanka අපි එහි හොඳ පැත්ත ඔබට කියන්නයි සුදානම් වෙන්නේ.
ආසාදනයන් ඇතිවීම වළකනවා
හුඟක් වෙලාවට සුරතලුන්ගෙන් අසාදන ඇතිවෙයි සිතන සමහර වෛද්‍යවරුන් මුලින්ම සුරතලුන් ගෙදරින් ඈත්කරන ලෙස පැවසුවත් නවීන අධ්‍යනයන්ට අනුව පළමු වසර තුළ සුරතලුන් සිටින පරිසරයක් තුළ දරුවා හැදී වැඩිම නිසා ජිවිතයේ පසුකාලීනව දරුවා ආසාදන වලට ගොදුරු වන ප්‍රමාණය අඩු බව පැවසෙනවා. ඉතින් දරුවාට මේ අත්දැකීම ජිවිතයට වටිනා බව දැන් ඔබට තේරෙනවා.
විවිධ රෝගී තත්වයන්ගෙන් වැළකීමට
ප්‍රතිශක්තිකරණ පද්ධතිය ශක්තිමත් කරනවා. අසාදන විතරක් නෙමෙයි විවිධ රෝග වර්ධනය වීමද වළකන්න සුරතලුන්ට පුළුවන්. දරුවා සුරතලෙකු සමග හැදී වැඩෙන පරිසරය ඔවුන්ගේ ප්‍රතිශක්තිය ශක්තිමත් කරනවා. නමුත් මේ නිසා සුරතලුන්ගේ පිරිසිදු කම හා ගැවසෙන තැන් ගැන සැලකිලිමත් නොවිය යුතු යැයි සිතන්න එපා. හොඳින් රැකබලා ගන්න සුරතලෙකු නිසා බැක්ටීරියාවන්ගේ අවධානමක් එතරම් නැහැ. ඒ නිසා දරුවාට තම ප්‍රතිශක්තිකරණ පද්ධතිය ශක්තිමත් කරගන්න හා බැක්ටීරියාවන් සමග ගමන් කරන්නත් පුහුණු වෙනවා.
ගුණ ධර්ම ඉගෙන ගන්නත් පුළුවන්
දරුවන් නොතේරුම් කම නිසා සමහර විට සුරතලාට කරදර කරනවා. ඒ වගේ අවස්ථාවන් වලදී පිඩාවන්ගෙන් දරුවට රිදෙන හැටි ඔවුන්ට කියා දෙන්න ඔබට පුළුවන්. මේ මගින් සුරතලා අපි වගේම නැතත් ඔවුන්ටත් අපිට වගේම හැඟීම් දැනීම් ඇති බව කියා දෙන්න පුළුවන්.
සුරතලා ආත්ම ශක්තිය වර්ධනය කරගන්න උදවු වෙනවා
සුරතලාගේ හැසිරීම ක්‍රියාකාරකම් දරුවන්ගේ සිත් ගන්නවා. ඒ වගේම ඔවුන් පවුලේ අයට කොයිතරම් ලෙන්ගතු දැයි පෙනෙන්නට තියෙනවා. දරුවා තනිවී පාලුවෙන් ඉන්න විට මේ සුරතල් ක්‍රියාකාරකම් ඔහුව තනි කරන්නේ නැහැ. ඔහු තනිවී නැති බව දරුවාට හැඟෙනවා.
ඉන් ඔහුට පරාජිත හැඟීමක් ඇතිවන්නේ නැහැ. දරුවා නැති විට ඔහුව සුරතලා සොයනවා. දරුවා දකින විට සුරතලාගේත් ප්‍රබෝධය සතුට වැඩිවෙනවා. මේ බැඳීම දරුවාව සතුටෙන් ආදරයෙන් තබනවා. සුරතලුන් ඇති නිවසක් නිතරම ආදරයෙන් පිරී තියෙනවා.
නිරෝගී සංවේදී වර්ධනයක්
ඔබට බහුල සුරතලුන් හැර දුලබ ඉබ්බා, හාවා, ගිරවා වැනි සුරතලුන් ඉන්නත් පුළුවන්. නමුත් ඉන් දරුවාගේ වර්ධනයට වන අත්වැල එක වගෙයි. විශේෂයෙන් සුරතලුන්ගේ ක්‍රියාකාරකම් දරුවන්ට චිකිත්සාවක් වගෙයි. සංවේදී බුද්ධි වර්ධනයට එය ඉතා වැදගත්. විශේෂයෙන් ඔටිසම් තත්වයේ සිටින දරුවන්ට සුරතලුන් සමග ඇසුරු කිරීම ඉතා හොඳයි.
දරුවන් මිතුරෙකුට නැතිනම් තමන්ගේ ප්‍රියතම සෙල්ලම් බඩුව සමග කල්ගෙවන්න ආසයි. දරුවාගේ හැඟීම් අඳුරන නිතරම ඔහුට ඇහුම්කන් දෙන අය සමග කතා කිරීමෙන් ඔවුන්ගේ හැඟීම් ශක්තිමත් වෙනවා.
දරුවන්ට ඔවුන්ගේ හැඟීම් බෙදාගන්න අවස්ථාවක් නැති විට ඔවුන්ට කේන්ති එනවා වගේම දරුවා ගහගන්න, නරකට හැසිරෙන්න ඇති ඉඩ වැඩියි. ඒ වගේම මේ නිසා දරුවා තුළ ආත්ම විශ්වාසය වර්ධනය වෙනවා වගේම සතුටින් ඉන්නවා. අනෙක් දරුවන්ට වඩා දරුවා හුඟක් හොඳ දරුවෙක් වෙනවා. ඒ වගේම හුඟක් සතුටින් ඉන්න දරුවෙක් වෙනවා.
ඉපදීම හා මරණය යන ජිවිත ස්වභාවයන් දරුවා වටහා ගන්නවා
ජීවිතය කැරකෙන ආකාරය තේරුම් ගන්න තවමත් දරුවාට හරි හැටි තේරෙන්නේ නැහැ. සුරතලාගේ මරණයත් පවුලකට දරාගන්න අමාරුයි. නමුත් ඉන් දරුවා වෙන්වීම ගැන ඉගෙන ගනීවි. සුරතලෙකුගේ මරණය නිසා දරුවා තවදුරටත් ඔහු අප අතර නැත්තේ ඇයි? මරණය වුනේ කොහොමද? අපිටත් ඒ වගේම වෙනවද? වැනි ප්‍රශ්න දරුවාට තේරුම් ගැනීමට පුළුවන් වෙනවා. ඒ පදනම මත දරුවා ලොකු මහත් වන විට වඩා ගැඹුරින් ලෝකය දකින්න ඉගෙන ගන්නවා.
පවුලේ බැඳීම් වැඩිකරනවා
පවුලේ හැමෝම සුරතලාට එකවගේ ආදරය කරනවා. හැමදෙනා අතරම සුරතලා පොදු මාතෘකාවක් වෙනවා. දරුවන් ලොකු වෙනකොට නිවසේ රැඳෙන්නේ නැහැ. නමුත් සුරතලාත් ඔබේ ජීවන රටාවට පුරුදු වෙනකොට මුළු පවුලටම ඔහුත් සමග ඉන්න වේලාවෙන් ටිකක් ඇවිදින්න යන්න එකතු කර ගන්න පුළුවන්. එවිට නිරායාසයෙන්ම පවුලේ එකතුවක් සිදුවෙනවා. වර්තමානයේ ජීව විද්‍යාත්මකවත් මේ බැඳීම් වල වටිනාකම් සනාථ කර තිබෙනවා.
සුරතලා නිසා පවුලේ බැඳීම්, මුණගැසීම්, කල් ගෙවීම් ඇති වෙනවා. ඔබේ හොඳම මිතුරිය theAsianparent Sri Lanka ඔබට මේ සොඳුරු බැඳීමක අරුම ගෙන ආවේ ජීවිතය තවත් පුළුල් ලෙස දකින්නට ඔබේ සිතුවිලි අවදි කරමිනුයි.
theAsianparent හි අනුමැතිය ඇතිව පරිවර්තනය කර ප්‍රකාශිතයි.
පරිවර්තනය: නිසංසලා ලියනගේ
