ප්‍රසුතියෙන් පසු අධික රුධිර වහනය නිසා පැටියව අතට ගන්නටත් පෙර අම්මා මෙලොවින් සමුගත්තා
අධික ලෙස ප්‍රසුතියෙන් පසුව ලේ වහනය වීම නොනැවතීම නිසා මේ අම්මට ජීවිතය නැති වුණා. ඇයට ඇගේ දරු පැටියව දෙඅතට ගන්නවත් අවස්ථාවක් ලැබුනේ නැහැ.
අධික ලෙස ප්‍රසුතියෙන් පසුව ලේ වහනය වීම නොනැවතීම නිසා මේ අම්මට ජීවිතය නැති වුණා. ඇයට ඇගේ දරු පැටියව දෙඅතට ගන්නවත් අවස්ථාවක් ලැබුනේ නැහැ.
ඒත් මෙහෙම වෙන්න හේතුව මොකද්ද?
මැලේසියාවේ පීනැග් වල පිහිටි සෙබෙරැන්ග් ජයා නමැති රෝහලේ දී ආසිආන් නම් අම්මට මේ ඉතාම අවාසනාවන්ත සිදුවීමට මුහුණ දෙන්න සිදුවුණා. ඇය සුරතල් පුංචි දියණියක් ලෝකයට බිහිකලත් ඇගේ මුහුණ බලන්න ඇයට හැකියාව ලැබුනේ නැහැ. මේ නිසා ඇගේ පවුලේ අය විශාල කම්පනයකට පත් වුණා.
ඇය මිය ගියේ අධික රුධිරය වහනය වීම නිසා බව සනාථ වුණා. දරුවන් ඉන්න අම්මලා විදිහට කාන්තාවක් දරුවෙකු ලෝකයට බිහිකරන්න කොයිතරම් කැප කිරීමක් කරනවද කියලා මේ කතාව තවත් තහවුරු කරනවා. මේ පවුලේ අය විශේෂයෙන් ඇගේ සැමියා හා දරුවන් මෙය කොහොම දරාගන්න ඇත්ද කියලා මම හිතනවා වගේම ඔවුන්ට ජීවිතය අලුතින් පටන් ගන්න ශක්තිය ලැබෙන්න කියලා මම ප්‍රර්ථනා කරනවා.
ප්‍රසූත පසු කාලයේ ඇතිවන අධික ලේ වහනය කුමක්දැයි ඔබ දන්නවද?
වෛද්‍ය මොහොමද් රසාක් ප්‍රසව හා නාරී වෛද්‍යවරයෙකු වන අතර ඔහුට අනුව මෙම අධික ලෙස ලේ වහනය වීම ප්‍රසුතියට පෙර , පසු හෝ ප්‍රසුතිය අතරතුරදී සිදුවිය හැකියි. සාමාන්‍යයෙන් රුධිර වහනය ප්‍රසූතියෙන් පසු සිදුවීම සාමාන්‍ය තත්වයක්. විශාල ගැඹුරු කැපුම් මීට මූලිකවම හේතුවෙනවා. අනෙක් කරුණ වැදෑමහ ඉවත් කිරීමත් තවත් හේතුවක්. මේ අවස්ථා දෙකේදීම ප්‍රසූත පසු රුධිර වහනයක් සිදුවන්නට පුළුවන්.
- මූලික පසු ප්‍රසූත රුධිර වහනය - ප්‍රසූතියෙන් පසු පළමු පැය 24 තුළදී සිදුවිය හැකියි. (විශේෂයෙන් ඔබ රෝහල තුළ සිටින අතර තුර)
- පසු ප්‍රසූත රුධිර වහනය ප්‍රසුතියෙන් පළමු පැය 24 න් පසු සති 6ක පමණ කලක් ඇතිවන රුධිර වහනය (ඔබ යළි නිවසට පැමිණිය පසු)
සාමාන්‍ය ප්‍රසූතියක රුධිර මිලි ලීටර් 500ක් පමණත් සිසේරියන් සැත්කමකදී ලීටරයක පමණ රුධිර ප්‍රමාණයකුත් වහනය වෙනවා.
මේ භයානක අද්දැකීම ඇති වන්නේ ඇයි?
ගර්භණි මවකට ලැබිය යුතු සුවිශේෂී අවධානය නිසි ලෙස නිසි කාලය තුළ නොලැබීම නිසා මෙවැනි සිදුවීම් සිදුවිය හැකියි. මෙය දරු උපතින් පසුවත් බලපෑ හැකි තත්වයක්. මේ එලෙස භයානක හා පීඩාකාරී අත්දැකීමකට මුහුණ දීමට හේතුවන කාරණා.
- වැදෑමහ සහ පෙකණි වල නිසි ලෙස ඉවත් නොවීම හා කැබලි ගර්භාෂය තුළ ඉතිරි වීම.
- ලිංගේන්ද්‍රිය හෝ පිවිසුම් මාර්ගය අවට තුවාල වීම.
- අවුරුදු 40 වැඩි මව්වරුන්.
- දරු උපතට පෙර වැදෑමහ පහළින් පිහිටා තිබීම.
- සිසේරියන් සැත්කමකින් දරු උපත සිදුවීම.
- දරු උපතේදී සිදුවන අක්‍රමිකතා.
- අඬු මගින් හා පීඩනය දී දරු උපත සිදුවන විට.
- 4kg වැඩි දරු උපතකදී.
- පෙර සිටම රුධිර වහනයක් පැවතීම.
- රක්තහීනතාවය.
- පස් වතාවකට වඩා ළදරු උපතකට බඳුන් වූ විට.
මේ රෝග ලක්ෂණ ගැන දැනුවත් වෙන්න.
මේ තත්වය ජීවිත අවධානමක් ඇති සැලකිය යුතු තත්වයක්. 2005 වසරේ කරන ලද සමීක්ෂණ වලට අනුව 14% ක් මරණ වලට මෙම තත්වය හේතුවී ඇති බව සඳහන් වෙනවා. බොහෝ අය මෙම තත්වයට මුහුණ දෙනවද?
නමුත් එහි රෝග ලක්ෂණ ගැන බොහෝ දෙනෙක් දැනුවත් නැහැ. ඔබටත් මෙවැනි රෝග ලක්ෂණ ඇත්නම් විශේෂයෙන් ප්‍රසුතියෙන් පැය 24 ඇතුළතදී වෛද්‍ය උපදෙස් ලබාගන්න.
- රුධිර පීඩනයේ වෙනසක්.
- නාඩි වැටීමේ වෙනසක්.
- ක්ලාන්ත ගතිය හා කරකැවිල්ල.
- ඇඟ ගැහීම හා දහදිය දැමීම.
- අධික ලෙස රුධිරය වහනය.
- කැබලි සහිතව රුධිර වහනය වීම.
- සනීපාරක්ෂක තුවා නිතර මාරු කිරීම.
- අමුතු දුගඳක් රුධිරයෙන් පිටවීම.
- අධික මහන්සිය.
වෛද්‍ය උපදෙස්
වෛද්‍යවරුන් මේ තත්වයට උපදෙස් ලබා දෙන්නේ කෙසේද? මෙම තත්වය දැනගත් වහාම වෛද්‍ය ප්‍රතිකාර ලබාගන්න. එහිදී ඔබට සින්ටොසිනොන් අඩංගු එන්නතක් ඔබට ලබාදෙනවා. ඉන් රුධිරය පිටවීම අඩුකරනවා.
ඒ වගේම ලිංගේන්ද්‍ර විවරය වෛද්‍යවරයා විසින් සම්බාහනය කර විවරය ඉක්මනින් පුළුල් වීමට අවශ්‍ය තෙරපීම් ලබාදෙනවා වගේම මෙවැනි තත්වයකදී පරීක්ෂණ සිදු කිරීමට නිර්දේශ වෙනවා. පවුලේ ඉන්න අය තුළ මෙවැනි තත්වයන් ඇත්නම් සියලු පහසුකම් සහිත රෝහලකට දරු උපත සඳහා ඇතුල්වීමට මවට උපදෙස් ලැබෙනවා.
ඒ වගේම ඔබට එවැනි රෝග ලක්ෂණ ඇත්නම් වහාම වෛද්‍ය උපදෙස් ලබාගැනීම වැදගත්. යකඩ බහුල පීකුදු, කොළ පැහැති එළවළු, නිවිති වැනි ආහාර ගැනීම වැදගත්.
මවක් වන්නට පෙරුම් පුරන ඔබට ඇතිවිය හැකි අවධානම් ගැන අවබෝධයක් ලබාදෙන්න. theAsianparent Sri Lanka මේ ලිපිය සකස් කළා.
theAsianparent හි අනුමැතිය ඇතිව පරිවර්තනය කර ප්‍රකාශිතයි.
පරිවර්තනය: නිසංසලා ලියනගේ