දරුවාගේ කණ අසබඩ පුංචි සිදුරක් තියෙනවද? මේ ඒ ගැන විස්තරයයි

දරුවාගේ කණ අසබඩ පුංචි  සිදුරක් තියෙනවද? මේ ඒ ගැන විස්තරයයි

බබාලා කුඩා කාලයේ ඇස් කන් නාස සියල්ල ගැන හොඳ විපරමෙන් ඉන්නට අවශ්‍යයි. බබාගේ කන අසක සිදුරක් පේන්නට තියේනම් මේ දේවල් ගැන කල්පනාකාරී විය යුතුයි.

දෙමව්පියෙනි, ඔබේ දරුවාගේ මුහුණට සම්බන්ධ වන තැනම ඔවුන්ගේ කන් හොඳින් නිරීක්ෂණය කරන්න. දරුවන්ගේ කන් රෝග ගැන දෙමාපියන් ලෙස විපරමෙන් සිටිය යුතුයි. දරුවාගේ කණ අසල ඔබට කුඩා සිදුරක් (ඉහත පින්තූරයේ දැක්වෙන පරිදි) හොයාගන්නට පුළුවන්ද?

මෙම කුඩා සිදුර preauricular pit (පූර්ව වළක්) ලෙස හැඳින්වේ. එය preauricular sinus හෝ fistula වැනි වෙනත් නම් වලින්ද හඳුන්වයි. 

 
ගර්භනී සමයේ හයවන සතිය තුළ, කණෙහි වර්ධනය සිදුවීමේදී මෙම සිදුර හට ගනී.
ඇත්ත වශයෙන්ම, මෙම කුඩා සිදුර යනු කණෙහි සමට යටින් අඛණ්ඩව බැඳී ඇති සයිනස් කලාපයට පිවිසෙන දොරටුවයි. සයිනස් නාළය කෙටි හෝ දිගු විය හැකි අතර ශාඛා කිහිපයකට බෙදී කන් පටක හරහා සිග්-සැග් හැඩයට දිව යා හැකියි.
Preauricular Ear Pit Baby: සංජානනීය දෝෂයකි
preauricular ear pit baby

මේ අහිංසක සිදුරෙන් සාමාන්‍යයෙන් ගැටළු ඇතිවන්නේ නැහැ. නමුත් යම් අපහසුතාවක් ඇතිවුවහොත් වහාම වෛද්‍ය සහය පැතිය යුතුයි.

 
චිකාගෝ විශ්ව විද්‍යාලයේ ජීව විද්‍යාව පිළිබඳ මහාචාර්ය සහ සහකාර පීඨාධිපති නීල් ෂුබින් පැහැදිලි කරන්නේ මෙම preauricular pit හි (පූර්ව වළ) “පරිණාමීය අවශේෂයක්” බවයි.
 
මෙවන් කුඩා සිදුරක් ඇති පමණින් එය ඔබවත් ඔබේ දරුවාවත් දිය කිඳුරියක්වත් හෝ සුරංගනා කතාවක් හෝ පිටසක්වල ජීවියෙක්වත් නොවන බවයි!
Preauricular pit   පූර්ව වළේ වළ නැතහොත කණ අසල සිදුර මුලින්ම ලේඛනගත කරන ලද්දේ 1964 දී වැන් හියුසින්ගර් නම් වෛද්‍ය විශේෂඥයෙකු විසිනි.
 

සාමාන්‍යයෙන් මෙම කුඩා සිදුර දක්නට ලැබෙන්නේ එක් කණක් මත පමණක් වන නමුත් ඉන් 50% ක් පමණ දෙනාගේ කන් දෙකේම ඇත.

සාමාන්‍යයෙන් ළදරුවන්ට එවැනි සිදුරු නොමැති නිසා කණ අසල ඇති පූර්ව සිදුරක් ඇත්ත වශයෙන්ම සංජානන දෝෂයක් ලෙස සළකයි.

මෙම ඓදුර ඇතැම් විට සිදුරක් ලෙස නොව, පුංචි ආවාටයක් ලෙසද ඇතිවන්නට පුළුවන්. වාසනාවකට මෙන්, මෙම තත්වය තරමක් දුර්ලභයි. – ගෝලීය ජනගහනයෙන් එය පිහිටන්නේ 5%ක් දෙනාට පමණයි. ස්ත්‍රී පුරුෂ දෙපාර්ශවයම මෙය එක හා සමානව මෙම තත්වයට බලපායි.

තවද, පවුලේ අනෙකුත් අයට මෙම සිදුර පිහිටා නොමැති මුත්, ඔබේ දරුවාගේ කන් දෙකේම මෙම සිදුර දක්නට ඇත්නම්, එය පවුලේ දිවෙන තත්වයක් වන්නට පිළිවෙනි. 

කන ආශ්‍රයෙන් ඇති වෙනත් තත්වයන්ද preauricular pit  පූර්ව කන් වල වලවල් ලෙස වරදවා වටහා ගත හැකි යි

  • Preauricular tags: කණ අසල සමේ ඉස්සීමකි. ඔවුන්ට සයිනස් කලාපයක් නොමැති අතර ආසාදනය වීමේ අවදානමක් නොමැත.

නමුත් මෙය “පෙනුම හා සම්බන්ධ ගැටළුවක්” නිසා  preauricular pit තත්වයක් ඇති නොකරයි.

  • branchial cleft cyst (ශාඛා බෙදුනු කෝෂ්ඨයක්): මෙය වඩාත් බරපතල තත්වයක් වන අතර එය මුලින් පෙන්නුම් කරන්නේ කුඩා විවරයක්, සමේ සම්බන්ධකයක් හෝ බෙල්ල වටා අඳුරු වීමක් ලෙසයි.

අමතර මස් දළූ මෙන් පෙනෙන මෙම කෝෂ්ඨ (ගෙඩි) ආසාදනය වීමේ අවදානමක් ඇති අතර ඒවායේ දියර ඉවත් කළා යුතු වනවා. 

ළදරුවන්ගේ Preauricular Ear Pit තත්වය, ඒ ආශ්‍රිත අවධානම හා සැළකිලිමත් විය යුතු අවස්ථා 
දුර්ලභ තත්වයක් වුවත්, මෙම සිදුරු ඇතැම් විට විවිධ කන් ආසාදන හා සයිනසයිටිස් හා සම්බන්ධ විය හැකිය.
 
ළමා රෝග විශේෂඥයෙකු විසින් ඔබේ දරුවාට Preauricular Ear Pit  ඇති බව හඳුනාගත් විට ඇස් කන් නාස (ENT විශේෂඥයෙකු වෙත යොමු කිරීමට හේතුව මෙයයි.
 
මෙහිදී වෙනත් බරපතල තත්ව ඇති නැති බවට තව දුරටත් හොඳින් පරීක්ෂා කර බලනු ඇති. 
ළදරුවන්ගේ Preauricular Ear Pit තත්වය, ඒ ආශ්‍රිත අවධානම හා සැළකිලිමත් විය යුතු අවස්ථා 
සෑම දරුවෙකුටම සමාන රෝග ලක්ෂණ මපෙන්නුම් නොකරන නමුත්, ENT විශේෂඥයෙකුගේ ප්‍රතිකාර අවශ්‍ය වන පොදු රෝග ලක්ෂණ මෙහි දැක්වේ:
  • ඉදිමුම: පූර්ව වළේ අසල ඇති පටක වල දැවිල්ල.
  • ආසාදනය: අවට පටක වල රතු පැහැය, වේදනාව, උණ හෝ සිදුර ඇතුළත හා ඉදිමීම.
  • ගෙඩියක්: ආසාදනයකින් දිස්විය හැකි ගෙඩියක් (Abscesses). මේවා  සුදු හෝ කහ පැහැයෙන් යුත් තරල විසර්ජනයක් සහිත සැරව වලින් පිරුණු කුඩා එඩි වර්ගයකි. 
  • මස්තිෂ්ක සංයුතිය (Cyst formations): මෙවන් කෝෂ්ඨයක් යනු සිදුර අසල වේදනා රහිත ගැටිති වන අතර එය කාලයත් සමඟ සෙමින් ප්‍රසාරණය වේ.

අවාසනාවකට මෙන්, ගෙඩි මගින් ප්‍රදේශයේ ආසාදන ඇතිවීමේ අවදානම වැඩි කළ හැකිය.

Preauricular Ear Pit, කනට ආසන්නයේම පිහිටියද, පූර්ව සෛල සයිනස් සාමාන්‍යයෙන් ශ්‍රවණ ආබාධ ඇති නොකරයි.

දරුවන්ගේ කන් රෝග යක් වන කන අසල සිදුරු හා සම්බන්ධ සංජානනීය සින්ඩ්‍රෝම් වර්ග

දුර්ලභ අවස්ථාවන්හිදී, Preauricular Ear Pit  ජානමය සින්ඩ්‍රෝමය සමඟ ඒකාබද්ධව දිස්වන්නට පුළුවන් වන්නේ එම සින්ඩ්‍රෝමය හා සම්බන්ධ වෙනත් ගැටළු රාශියක් සමඟයි. 

එලෙස උපතින්ම අඩුපාඩුවක් ඇතිව බිහිවන අලුත උපන් බිළිඳකුට, සිදුරෙන් අමතර අවදානමක් ලැබේදැයි බැලීමට ප්‍රවේශමෙන් විශ්ලේෂණය කරාවි.

පහත දැක්වෙන්නේ preauricular sinuses සමඟ එන සින්ඩ්‍රෝම් කිහිපයක්::

  • බෙක්විත්-වයිඩ්මන් සින්ඩ්‍රෝමය (Beckwith-Wiedemann syndrome): සාමාන්‍යයෙන් අසමමිතික කන් පෙති සහ සාමාන්‍ය ප්‍රමාණයට වඩා විශාල දිවක් සහිත රෝගයකි.

මෙම සින්ඩ්‍රෝමය මගින් උදරයේ අක්‍රමිකතා සහ වකුගඩු හා අක්මාවේ පිළිකා ඇති කළ හැකි බැවින් වහාම පරීක්ෂා කර බැලිය යුතු තත්වයකි.

  • බ්‍රාන්චියෝ-ඔටෝ-රෙනල් සින්ඩ්‍රෝමය (Branchio-oto-renal syndrome): මෙය හඳුනාගත හැකි ක්‍රම වන්නේ:
    • කණ ඉදිරිපිට වලවල් හෝ බෙල්ල වටා ඇති ගැටිති
    • සාමාන්‍යය ප්‍රමාණයට සාපේක්ෂව ශ්‍රවණය අඩු වීම
    • වකුගඩු අසාමාන්‍යතා
මෙම දරුවන්ගේ කන් රෝග තත්වය හඳුනාගත් විට ඔබට කළ හැක්කේ මොනවාද?  
preauricular ear pit baby

සෑම විටම තනි තීරණ ගැනීමට වඩා සුදුසු වන්නේ වෛද්‍ය උපදෙස් ගැනීමයි.

 
Preauricular pit  තත්වය හඳුනාගත් වහාම ඔබ කළ යුත්තේ Otolaryngologist හෝ ඇස් කන් නාස (ENT) හා සම්බන්ධ විශේෂඥ වෛද්‍ව්රයෙකු වෙත යොමුවීමයි.  
 

ඔබේ දරුවාගේ කණ අසක් සිදුර අනතුරුදායකද නැද්ද යන්න, ආසාදනවල බරපතලකම ආදිය පරීක්ෂා කිරීමත් හෝ ජානමය සින්ඩ්‍රෝම් තිබේද යන්නත්  විශේෂඥයා විශ්ලේෂණය කරනු ඇති.

වැඩිදුර රෝග විනිශ්චය කිරීමට සහ හොඳම ක්‍රියාමාර්ගය කුමක්දැයි තෝරාගැනීමට ඔවුන්ට උපකාර කිරීම සඳහා ඔවුන් රූපකරණ ශිල්පීය ක්‍රම (MRI, CT ස්කෑන්, අල්ට්රා සවුන්ඩ් ස්කෑන්) ආදිය සිදු කරනු ඇත. 

 

බාහිර කණෙහි අක්‍රමිකතා සහිත කනේ සිදුරු තිබේ නම් ඔබේ දරුවාගේ ශ්‍රවණ හැකියාවන් පරීක්ෂා කිරීම සඳහා ඔවුන් ඕඩියෝග්‍රෑම් එකක් භාවිතා කළ හැකිය.

ඔබේ දරුවාට වෙනත් සින්ඩ්‍රොමික් ලක්ෂණ තිබේ නම්, වෙනත් විශේෂඥයින් සමඟ සාකච්ඡා කිරීමට ඔබේ වෛද්‍යවරයා ඔබට නිර්දේශ කරනු ඇත.

දරුවාට වෛද්‍යවරයා විසින් කොයි ආකාරයට ප්‍රතිකාර කරනු ලබයිද?

විශේෂඥ වෛද්‍යවරයා විසින් අවධනම් තත්වයක් හෝ සැලකිල්ලට භාජනය කළ යුතු තත්වයක් සොයාගතහොත්, ඔවුන් අනාවරණය කරගත් තත්වය අනුව පහත ආකාරයේ ක්‍රියාවලියක් බලාපොරොත්තු විය හැකියි.  

  • කන අසල සිදුරේ ආසාදනයක් ඇති බවට සැක කරන්නේ නම් දරුවාට ප්‍රතිජීවක(antibiotics) ලබා දීම.
  • ප්‍රතිජීවක(antibiotics) වලින් සාර්ථක ප්‍රතිඵල නොළබේ නම් කෝෂ්ඨය ඉන්ඳිකටුවකින් විදිනු ලබයි. මෙම කටුවෙන් වෛද්‍යවරයාට පරීක්ෂා කිරීමට අවශ්‍ය සෛල ලබා ගැනීමටත්, රෝගය වඩාත් හොඳින් නිරීක්ෂණය යකොට ආසාදනයට පාදක වූ බැක්ටීරියා හංදුනාගැනීමටත් හැකි වනු ඇත. 
  • ඉඳිකටුවෙන් විදීම මගින් ලැබෙන ප්‍රතිඵල අසාර්ථක වුවහොත් කෝෂ්ඨයේ පැලුමක් ඇති කිරීම.  
  • preauricular සිදුර නිතර නිතරම ආසාදනයට ලක් වුවහොත් ශල්‍යකර්මයෙන් මගින් එම කලාපයම ඉවත් කරන්නට කටයුතු කිරීම. 
     
ශල්‍යකර්මයට පැයක පමණ කාලයක් ගත විය හැකිය. මෙය සුළු ශල්‍යකර්මයකි. සාමාන්‍යයෙන් සැත්කම සිදු කරනු ලබන්නේ ආසාදනය සම්පූර්ණයෙන් සුව වූ විටයි.

දරුවන්ගේ කන් රෝග වලින් එකක් වන මෙයට ප්‍රතිකාර කිරීමෙන් පසු සිදු වන්නේ කුමක්ද?
ඔබේ දරුවා  preauricular pit ආසාදනයකට ප්‍රතිකාර ලබා ගත් පසු, ඔවුන්ව සමීපව නිරීක්ෂණය කළ යුතු වනවා. ආසාදනය නැවත ඇති වුවහොත් ශල්‍යකර්මයක් අවශ්‍ය වනු ඇත.
 

සැත්කමින් පසු තුවාලය රැකබලා ගැනීමට, ප්‍රතිජීවක ඖෂධ ලබා දීමට සහ දරුවාගේ තත්වය පිළිබඳවනිරීක්ෂණය කරන ආකාරය විළිබඳව වෛද්‍ය කාර්ය මණ්ඩලය විසින් දෙමාපියන්ව දැනුවත් කරනු ඇති.

බොහෝවිට ශල්‍යකර්මය සඳහා යොදා ගැනෙනුයේ ඉබේම දියවන මැහුම්ය. එබැවින් මැහුම් කැපීම ගැන කරදර ව්නන්වන්න්ට අවශ්‍ය නැත. 

 
දරුවාට සාමාන්‍ය ලෙස පාසැල් යා හැකි වුවත්, ඔහු නිදා ගැනීමේදී හිස ඔසවා තබා ගැනීම අත්‍යවශ්‍ය බවත්, තුවාලය තවමත් වෙළුම් පටියෙන් ආවරණය කර ඇති බැවින් ඔහුට ස්නානය කළ නොහැකි බවත් සලකන්න. 
 
තුවාලය සුව වන තෙක් වෙහෙසකර ක්‍රියාකාරකම් වලින් වැලකීම සුදුසුය. ඉතා කෙටි කලකින් තුවාලය සම්පූර්ණයෙන් සුව වනු ඇත. 
 
theAsianparent හි අනුමැතිය ඇතිව පරිවර්තනය කර ප්‍රකාශිතයි.
පරිවර්තනය: නිලූෆ පෙ‍රේරා
 
*theAsianparent Sri Lanka හි පල කරනු ලබන ලිපි ජාත්‍යන්තර ප්‍රකාශන හිමිකම් නීති මගින් ආරක්ෂා කර ඇත.
 
ඔබ මෙම ලිපිය theAsianparent Sri Lanka හි අවසරයකින් තොරව පිටපත් කිරීම හෝ භාවිතා කිරීම කරන්නේ නම් ඔබට එරෙහිව මෙම නීති යටතේ නඩු පැවරිය හැකිය.

Written by

Niloufer Perera