ගර්භණී අවදිය දාහතරවන සතිය (pregnancy week 14) වන විට ඔබේ දරුවාගේ මුහුණේ හැගීම් මොන වගේද? ඔහුට චලනය වෙන්න පුළුවන්ද? කියලා ඔබට හිතාගන්න පුළුවන්ද?
අම්මා, ඔබට නම් මව් පදවිය ගැන දැනුම සොයායන්න කාලයයි මේ.ඒ පිළිබඳ පැවැත්වෙන පංති ගැන සොයා බලන්න.
ගර්භණී අවදිය දාහතරවන සතිය (pregnancy week 14) වන විට පැටියාගේ ප්‍රමාණය කොපමණද?
දාහතරවන සතිය (pregnancy week 14) වන විට පැටියා පේර ගෙඩියක ප්‍රමාණයක් ගන්නවා.
ගර්භණී අවදිය දාහතරවන සතිය (pregnancy week 14) තුළ කළලයේ වර්ධනය
- ඔබේ දරුවාගේ රසාංකුර සත්වන සතිය වන විට සංවර්ධනය ආරම්භ වුවද මේ අදියර වන විට ඔහුට තිත්ත, පැණි රස වගේම ඇම්නියොටික් තරලයේ ඇති ඇඹුල් රසවල් රස විදිය හැකිබව පරීක්ෂණ මගින් පෙන්වා දෙනවා.
- මේ සතිය අවසන් වෙන විට ඔහුගේ උඩුතල්ල සම්පුර්ණයෙන්ම නිර්මාණය වී අවසන් වේවි.
- වැඩිදියුණු වු මොළයේ ආවේගයන් ඔහුගේ මුහුණේ මස්පිඩු ක්‍රියාකරන බව පෙන්වා දෙනවා. ඔහු දැන් මුහුණෙන් හිනාව, තරහා, වේදනාව පිළිඹිබු කරනවා.
- ඔහුගේ හිස මත දැන් කෙස් වැවිලා. අපි හිස කෙස් ගැන කතා කරන අතර මෘදු රෝම තට්ටුවක් ඔහුගේ සිරුර පුරා වර්ධනය වෙනවා.. මව්වරුනි, මේ රෝම ගැන වදවෙන්න එපා. ඉදිරි සති වලදි ඒවා හැලී යාවී.
- ඔහුගේ වකුගඩු මුත්‍රා නිෂ්පාදනය ආරම්භ කරනවා.
- මේ සතියේ රසවත්ම තොරතුර වන්නේ ඔබේ පුංචි පැටියා, මහපට ඇගිල්ල උරමින් හා කකුලේ පුංචි ඇගිලි සොලවමින් ඔහුගේ අත් පා පරීක්ෂා කිරීමයි.
දාහතර වෙනි සතියේ ගර්භණී ලක්ෂණ හා අපහසුතා
- ඔබේ කුස දැන් කැපී පෙනෙන නිසා “ඔබ ගැබ් ගෙනද” කියා කවුරුත් අසාවි.
- ඔබට දැන් කුසගින්න දැනෙනවා. ඔක්කාර ගතිය පහව ගිහින්.
- ඔබේ ආහාර රුචිය නැවත ලැබෙන නිසා ඔබේ ශක්ති මට්ටම නැවත ඉහල යාවි. (ඔබට ලැබෙන මේ සතියේ ඇති වැදගත්ම ආරංචිය මෙයයි.)
- ඔබට වේදනා අමාරු දැනෙන අතර විශේෂයෙන් කොන්ද හා උදර ප්‍රදේශ දැනෙන්න පුළුවන්. ඒ ඔබේ වර්ධනය වන දරුවාට ඉඩකඩ ලබාදීමට මස්පිඩු හා අස්ථි බන්ධන ඇදීම නිසායි.
- ගර්භණී සමයේ අනිවාර්යයෙන්ම ලැබෙන ප්‍රතිලාභයක් වන ඝන, දිදුලන බව ඔබගේ හිසකෙස් වලට ලැබෙනවා.
මේ කාලයේ අවධානය යොමු කල යුතු දේවල්
- කොන්දේ කැක්කුම වළක්වාගැනීමට කොන්ද ඍජුව තබාගෙන වාඩිවීමට මතක තබාගන්න. ඒ වගේම සැහැල්ලු යෝගා, ආරක්ෂිත ව්‍යායාම උපකරණ ඔබට දැනෙන අපහසුතාවය නැති කර දමාවි. විශේෂයෙන් ඔබගේ සන්ධි පෙරට වඩා ලිහිල් බැවින් ඔබව වැටෙන්න හැකි ප්‍රබල ව්‍යායාම වල යෙදීමෙන් වළකින්න.
- ඔබේ ආහාර රුචිය නැවත ලැබී ඇති බැවින් සෞඛ්‍ය සම්පන්න ආහාර වේලකට මාරුවෙන්න. තෙල්, මේදය සහිත ආහාර ගැනීමෙන් වළකින්න.
පිරික්සුම් ලැයිස්තුව
- ඔබේ ආහාර රුචිය හ ශක්තිය නැවත ලැබී ඇති බැවින් ප්‍රසුතිය සදහා ඔබේ සිරුර සුදානම් කර ගැනීමට මාතෘත්වය සදහා වන ව්‍යායාම පංති සදහා සහභාගී වන්න.
- දැන් ගර්භණිත්වයට ගැලපෙන විලාසිතා තෝර ගන්න සුදුසු කාලය එලඹිලා.
මීට පෙර ලිපියෙන් ගර්භණී අවදියදහතුන්වන සතිය ගැන කියවුනා.
මීළඟ ලිපියෙන්, ගර්භණී අවදියපහළොස්වන සතිය
Theasianparent හි අනුමැතිය ඇතිව පරිවර්තනය කර ප්‍රකාශිතයි.
පරිවර්තනය : නදීශා ලක්මිණි
