ගර්භණී සති 20 (pregnancy week 20): සුභ පැතුම් අම්මේ! ඔබ දැන් ඔබේ ගර්භණිත්වයේ ගමන් මගේ අඩක් සම්පුර්ණ කර අවසන්, ඔබේ දරුවාට ඔහුගේ ඇස්වලින් කළ හැකි දේ ගැන මෙන්ම ඔබට දැන් කළ හැකි විනෝද ක්‍රියාකාරකම් මොනවාදැයි සොයා බලන්න.
ගර්භණී සති 20: පැටියාගේ ප්‍රමාණය කොපමණද?
විසිවැනි සතිය (pregnancy week 20) වන විට පැටියා කෙසෙල් ගෙඩියක ප්‍රමාණයක් ගන්නවා.
ගර්භණී අවදිය විසිවන සතිය (pregnancy week 20) තුළ ඔබේ දරුගැබේ වර්ධනය
• ඔබේ දරුවාගේ සම ඝනකම් වෙන්න පටන් අරන්. මේ සතියේ එහි ස්ථර සංවර්ධනය වෙන්න පටන් ගන්නවා.
• බොහෝ ළදරුවන්ගේ ඇස් තවමත් විවෘතව වෙලා නැහැ. ඒත් ඔහුගේ සම වයසේ මිතුරන්ගේ දෑස් විවෘතව වෙලා
තියෙන්න පුළුවන්.
• ඇම්නියොටික් තරල විශාල ප්‍රමාණයක් ඔහු ගිලින අතර එය ඔහුගේ ආහාර ජීර්ණ පද්ධතියට යහපත් වේ.
• මැකෝනිම් නම් කළු, ඇලෙන සුළු ද්‍රව්‍යයක් ඔහුගේ බඩවැල් වල එකතුවී තියෙනවා. උපතෙන් පසු ඔහු මේවා
බැහැර කරනවා.
• ඔහුගේ රස අංකුර ක්‍රියා කරනවා. ඔබේ ස්කෑන් පරීක්ෂණයේදී ඔහුගේ තොල් වලින් රස කරනවා දකින්නේ නම්
ඔබ අවසන් වරට ආහාරයට ගත් දේවල් වලට ඔහු කැමතියි.
• ඔබට ගැහැණු දරුවෙක් දරා සිටි නම්, ඇයගේ ගර්භාෂය සකස් වී අවසන් .ඒ වගේම යෝනි මාර්ගය සංවර්ධනය
වෙමින් පවතිනවා. ඔබට පිරිමි දරුවෙක් දරා සිටී නම්, ඔහුගේ වෘෂණ කෝෂය තවම වර්ධනය වී නැහැ. නමුත්
ඔහුගේ වෘෂණ කෝෂ පහත් වීමට පටන්ගෙන තියෙනවා.
විසිවන සතියේ (pregnancy week 20) ගර්භණී ලක්ෂණ හා අපහසුතා
- දැන් සතියකට කිලෝග්‍රෑම් භාගයක් පමණ ස්ථාවර බර වැඩිවීමක් ඔබ ලබාගන්නවා.
- ඔබේ නින්දට බාධා ඇති වෙනවා. ගර්භාෂය ඔබගේ පෙකණිය හා එක පෙලට පිහිටන ඇති අතර ඒ නිසා එක්
පැත්තකට හැරී නිදා ගැනීම ටිකක් අපහසුයි.
- ත්‍රෛමාසිකයේ වු තෙහෙට්ටුව සහ ඔක්කාරය මේ වන විට සම්පූර්ණයෙන්ම පහව ගිහින් (සුබ ආරංචියක් නේද)
- ඔබගේ ලිංගික ආශාව වැඩි වෙනවා. ඒ නිසා ඔබේ සහකරු සමඟ ඒ සම්බන්ධව පියවරක් ගැනීම දෙදෙනාටම යහපත් වේවී.
- ඔබගේ යෝනි මාර්ගයෙන් ශ්‍රාවයන් පිටවේ. එය හානිකර නැහැ. නමුත් ඔබගේ ගර්භනී කාලය අවසන් වන
තෙක් පවතිනවා.
මේ කාලයේ අවධානය යොමු කල යුතු දේවල්
- ඔබේ බර වැඩිවීම ගැන පරීක්ෂාකාරි වන්න. ඔබ ගර්භණීභාවය පටන් ගැන්මේදී බර අඩුයි නම් ඔබ තව ටිකක්
බර වැඩි කර ගත යුතුය. ඔබ අධික බරින් යුක්ත නම් ඔබගේ බර වැඩිවීම පාලනය අවශ්‍ය වේ.
- වේදනා හා කැක්කුම් අවම කර ගැනීමට ව්‍යායාම කරන්න.
පිරික්සුම් ලැයිස්තුව
- තවමත් විෂමතා පරීක්ෂා කිරීමේ ස්කෑන් පරීක්ෂණයක් කර ගත්තේ නැද්ද? එය කළ යුතුයි. ඔබේ දරුවාට පා
පහර, චලනය වීම හෝ ඔහුගේ මාපටැඟිල්ල ඉරීම ඔබට දැක ගත හැකි විම ඉන් ලැබෙන වාසියක්, ඔබ ඔබේ සහකරු සමඟ එයට යන්න. එය ඔබ දෙදෙනාටම ආශ්වාදජනක අත්දැකීමක් වේවී.
- ගර්භණිත්වයට අත්‍යාවශ්‍ය පෝෂ්‍ය ද්‍රව්‍ය ලබා ගැනීම සදහා සෞඛ්‍ය සම්පන්න ආහාර ලබාගන්න.
- ඔබේ ගර්භණී සමයේ ලබාදෙන විටමින් ඉතා උනන්දුවෙන් ලබා ගන්න.
- සංචාරයක් යන්න හිතනවා නම් දෙවන ත්‍රෛමාසිකය ඒ සදහා හොඳම කාලයයි. ඔබේ සංචාරය වෛද්‍යවරයා
දැනුවත් කර ඒ සදහා සුදානම් වන්න.
මීට පෙර ලිපියෙන් ගර්භණී අවදිය දහනවවැනි සතිය ගැන කියවුනා.
මීළඟ ලිපියෙන්, ගර්භණී අවදිය විසිඑක්වන සතිය
Theasianparent හි අනුමැතිය ඇතිව පරිවර්තනය කර ප්‍රකාශිතයි.
පරිවර්තනය: නදීශා ලක්මිණි
