ගර්භණී අවදිය විසිතුන්වන සතිය: ඔබේ කළලයේ වර්ධන සති සටහන

මව්කුස තුළ පැටියාගේ ගමන ගැන අම්මිට සතිපතා දැනුවත් වීමට සුන්දර ලිපි පෙළක්.... මේ විසිතුන්වන සතියයි.

ගර්භණී සති 23 (pregnancy week 23): දැන් දූරියන් ගෙඩියක් තරම් වන ඔබේ දරුවාට ඔබේ චලනයන් දැනෙන බව ඔබ දැන සිටියාද? ඔබ, අම්මේ, ඔබට නිතර මුත්‍රා පිට කිරීමට අවශ්‍ය වේවි. ඒ විශාල වෙන ගර්භාෂයට මුත්‍රාශය තෙරපීම නිසයි. ඔබේ දරුවාගේ වර්ධනය නිසි පරිදි සිදුවන බවට මෙය ලකුණක් ලෙස සලකන්න.

ගර්භණී සති 23 (pregnancy week 23) වන විට පැටියාගේ ප්‍රමාණය කොපමණද?

ගර්භණී සති 23 (pregnancy week 23) වන විට පැටියා දූරියන් ගෙඩියක ප්‍රමාණයක් ගන්නවා.

ගර්භණී අවදිය විසිතුන්වන සතිය (pregnancy week 23) තුළ ඔබේ දරුගැබේ වර්ධනය

ශ්වසනය සදහා සූදානම් වීමට ඔබේ දරුවාගේ පෙනහලු වර්ධනය වෙනවා.
ඔහුගේ සිරුර ආවරණය කල රෝම වැස්ම ඔහුව මේ වනවිට අදුරු පැහැ ගන්වලා.
ඔහුගේ දෑස් සම්පුර්ණයෙන්ම සකස් වී අවසන්, නමුත් ඒවාට තවමත් කිසිදු වර්ණයක් ලැබී නැහැ. ඔහුට දැන්
ගර්භාෂය තුළ දෑස් විවර කරන්න පුළුවන්.
මෙම සතිය වන විට, ඔහු ඔබේ ගර්භාෂය තුල එහා මෙහා ගමන් කරනු ඔබට දැනේවී. ඔහු සමහර විට අත් පා
ආධාරයෙන් සිරුර වටා කැරකෙමින් චලනය වන්න පුළුවන්. නමුත් ඒ දීර්ඝ කාලයක් නම් නොවේ.
චලනය සදහා සංවේදී ඔහුගේ මොළයේ කලාපය වන වෙස්ටිබුලර් පද්ධතිය දැන් වේගයෙන් සංවර්ධනය වෙමින්
පවතිනවා. එනම් ඔබේ සියලු ශාරීරික චලනයන් ඔහුට හොදින් දැනෙනවා.
ඔහුට දැන් හොදින් ඇහුම්කන් දෙන්න පුළුවන්.
දැඩි සත්කාර ඒකකයක නිසි වෛද්‍ය ප්‍රතිකාර යටතේ සති 23 දී උපත ලබන ළදරුවන්ගේ දිවි ගලවා ගන්න
හැකියාවක් තියෙනවා.

විසිතුන්වන සතියේ (pregnancy week 23) ගර්භණී ලක්ෂණ හා අපහසුතා

ඔබේ ගර්භාෂය පෙකණියට වඩා සෙ.මී. 3.8 ක් දිගට විහිදේ. ඔබේ බර කිලෝග්‍රෑම් 5.4 සිට 6.8 දක්වා වැඩිවිමට
පුළුවන්.
ඔබේ ගර්භාෂය ඔබේ මුත්‍රාශයට ඉහළින් පිහිටා තියෙනවා. ඒ නිසා ඔබට නිතර නිතර මුත්‍රා කිරීමට අවශ්‍ය
වේවි. ඔබගේ දියර කාන්දු වීම් වෙන්න පුළුවන්.
මෙම සතියේ නොමේරූ දරු ප්‍රසූතිය සම්බධයෙන් ඔබව පරීක්ෂා කරනු ලබනවා. මෙම සතිය තුළ කනස්සල්ල ඉහල යා හැකි අතර ඔබ විවිධ හැඟීම් දැනේවි.
මේ අවදියේදී ඔබ නාසයෙන් හා විදුරුමසින් රුධිරය ගැලීම් සිදුවෙන්න පුළුවන්.

මේ කාලයේ අවධානය යොමු කල යුතු දේවල්

විදුරුමස් වලින් ලේ ගැලීම වළක්වා ගැනීම සඳහා හොඳ දන්ත සෞඛ්‍යාරක්ෂාවකට පළමු තැන දෙන්න. සුපිරි
ක්‍රියාකාරී හෝමෝන නිසා, ඔබේ විදුරුමස් වල දැවිල්ල හා ලේ ගැලීම් ඇතිවෙන්න පුළුවන්.
ඔබට නිරන්තරයෙන් මුත්‍රා පිටකිරීමේ අවශ්‍යතාවක් ඇති වේවි. මේ අවස්ථාවෙහිදී එය සාමාන්‍ය දෙයක්, ජලය
මෙන්ම එළවළු යුෂ, ශාකසාර තේ, පළතුරු යුෂ සහ කිරි දිගටම පානය කරන්න.
පොදු වැසිකිළි භාවිතා කිරීම අවම කර ආසාදන ඇති වීම වළක්වා ගන්න.