ගැබිණි මව්වරු වැළකිය යුතු ලිංගික ඉරියව්

නිවැරදි ලිංගික ඉරියව් සමග ඔබේ ගර්භනී අවධියේදී ලිංගිකව හැසිරීම ආරක්ෂිතයි.

නමුත්  ලිංගිකව එක්වීමේදී ඇතිවන අපහසුතාවයන් වළක්වා ගැනීම සඳහා මෙම ඉරියව් වලින් වළකින්න.

බොහෝ මිත්‍යා විශ්වාස පසෙකලා ඔබේ ගර්භණී සමයේදී ලිංගිකව හැසිරීම ඉතා ආරක්ෂිතයි. ඔබට සහ ඔබේ සැමියාට ලිංගිකව එකතු වෙන්න අවශ්‍ය නම් එහි කිසිදු ගැටළුවක් නැහැ.

නමුත් සමහර ලිංගික ඉරියව් ඔබව අපහසුතාවයට පත් කරන්න වගේම ඔබට  ගැටළු ඇති කරන්නත් පුළුවන්.

පළමු ත්‍රෛමාසික  තුළ, ඔබට සහ ඔබේ සැමියාට ලිංගික සබඳතා පැවැත්වීමට  කිසිදු සීමාවක් නැහැ.

නමුත්  උදෑසන වමනය, වෙහෙස හා තෙහෙට්ටුව වැනි දේවල් නිසා සමහර විට ඒ සඳහා ඔබේ හැඟිම් පහව යන්නට පුළුවන්.

පළමු ත්‍රෛමාසික තුළ සිදුවෙන ගබ්සා වීම සහ ලිංගිකව හැසිරීම අතර සම්බන්ධයක් කිසිම අධ්‍යනයකින් තහවුරු කරලා නැහැ. ඒ නිසා මේ කාලය තුල ලිංගිකව එක් වීමකදී ගබ්සාවක් සිදුවේයැයි බය වෙන්න එපා.

දෙවන ත්‍රෛමාසික කාලය තුළ, දරුවා කුස තුල වැඩෙන නිසා ඔබේ බඩ ටිකක් ලොකුයි නේද? ‍

ඒ නිසා පුරුෂයා ඉහල සිටින මිෂනාරි ඉරියව්ව වැනි ඇතැම් ඉරියව් වල ලිංගිකව හැසිරීම අපහසු වෙන්න  පුළුවන්.

දෙවන ත්‍රෛමාසික කාලය තුළ මෙම  මිෂනාරි ඉරියව්ව භාවිතා කරමින් ලිංගිකව හැසිරීමෙන් ඔබට අපහසුතාවයක් ඇති ව‌ෙන්න පුළුවන්.

එහිදි ගර්භාෂය මත යම් පීඩනයක් ඇති විය හැකි බැවින් ඒ වෙනුවට වෙනත් ඉරියව් අත්හදා බැලීම වඩාත් සුදුසු වෙනවා.

සාමාන්‍යයෙන් දෙවන ත්‍රෛමාසික තුළ බොහෝ ලිංගික ඉරියව්  සම්පුර්ණයෙන්ම ආරක්ෂිතයි.  ඔබට වඩාත් සුවපහසු ඉරියව්ව තෝරා ගන්න. සමහර යුවළ විසින් ස්පූන් ඉරියව්ව හෝ පැති ප්‍රවේශය භාවිතා කිරීමට තෝරා ගන්නවා.

ඒ අතර අනෙක් අය ඔවුන්ට වඩාත් පහසු නිසා පසුපස පිවිසීමට වැඩි කැමැත්තක් දක්වනවා.

සංසර්ගය අතරතුර ඔබ ඔබේ ස්වාමිපුරුෂයා මත සිටීමද දෙවන ත්‍රෛමාසික කාලය තුළ ලිංගිකව හැසිරීමට පහසු ක්‍රමයක්  වෙනවා.

තෙවන ත්‍රෛමාසිකයේ දී,  ඔබේ බඩට පීඩනයක් ඇති කරන ඕනෑම ලිංගික ඉරියව්වකින්ම ඔබ වැළකී සිටිය යුතුයි. සමහර කාන්තාවන්ට ගැඹුරට ශිෂ්ණය ගමන් කිරීම අපහසු වෙන්න පුළුවන්. ඒ නිසා ඔවුන් එම ඉරියව් වලින් වැළකී සිටීමට උත්සාහ කරනවා.

මෙම තෙවන ත්‍රෛමාසික කාලය තුළ ආරක්ෂිත ලිංගික ඉරියව් දෙවන ත්‍රෛමාසිකයේ ආරක්ෂිත ලිංගික ඉරියව් වලට  සමාන වෙනවා.

ම‌ෙම කාලයේදී  බොහෝ කාන්තාවන් ස්පූනින්, පිටුපසින් පිවිසීම,කාන්තාව ඉහලින් සිටීම වැනි ඉරියව් වලින් සංසර්ගයේ යෙදීමට වඩාත් කැමතියි.

තෙවන ත්‍රෛමාසික කාලය තුළත් ලිංගිකව හැසිරීම මුළුමනින්ම ආරක්‍ෂිත බව සහතික කරනවා.

ඔබ රළු හැසිරීමක් නොදක්වයිනම්  හෝ බඩ මත පීඩනයක් නොයොදයි නම්, ඔබට සහ ඔබේ සැමියාට මෙම කාලය තුළ ලිංගිකව විනෝද වෙන්න පුළුවන්.

theAsianparent හි අනුමැතිය ඇතිව පරිවර්තනය කර ප්‍රකාශිතයි.

*theAsianparent Sri Lanka හි පල කරනු ලබන ලිපි ජාත්‍යන්තර ප්‍රකාශන හිමිකම් නීති මගින් ආරක්ෂා කර ඇත. ඔබ මෙම ලිපිය theAsianparent Sri Lanka හි අවසරයකින් තොරව පිටපත් කිරීම හෝ භාවිතා කිරීම කරන්නේ නම් ඔබට එරෙහිව මෙම නීති යටතේ නඩු පැවරිය හැකිය.