ලිංගික හැඟීම් ඇවිස්සෙන ආකාරයට කළ පාසල් දරුවන්ගේ නර්තනය සහිත වීඩියෝවේ සුලමුල

lead image

මෙම වීඩියෝව ගැන පොදුවේ හැමෝවම පුදුමයට හා වික්ෂිප්ත භාවයට පත්වූ අතර දැන් කාලයේ දරුවන් ලිංගික හැඟීම් ඇවිස්සෙන ආකාරයට හැසිරීම සාමාන්‍යකරණය වීමට යනවා දැයි කවුරුත් සිතුවා.

මෙම වීඩියෝව ගැන පොදුවේ හැමෝවම පුදුමයට හා වික්ෂිප්ත භාවයට පත්වූ අතර දැන් කාලයේ දරුවන් ලිංගික හැඟීම් ඇවිස්සෙන ආකාරයට හැසිරීම සාමාන්‍යකරණය වීමට යනවා දැයි කවුරුත් සිතුවා.

මෙහි අනෙක් නරක කාරණය වන්නේ කුඩාම දරුවන් මෙහි කිසිඳු හොඳක් නරකක් නොදැන මෙම නර්තනයන් අනුගමනයට යාමයි.

මේ තත්වය කියුබාවේ මධ්‍යම කැමගැබ් ප්‍රදේශයේ දක්නට ලැබුණ අතර මෙම දරුවන් තම ලිංගික ප්‍රදේශයන් හා හැඟීම් උද්දීපනය වන ආකාරයේ නර්තනයක නිරතවී තිබුණා.

එක් අවස්ථාවක ගැහැණු හා පිරිමි ළමයින් ජෝඩු දෙකක් තම ලිංගික අවයව ගැටෙන ලෙස ඉතා අශිලාචාර නර්තනයක් නිරතව තිබුණා.

src=http://ph.theasianparent.com/wp content/uploads/2016/04/story2 image1 1.jpg ලිංගික හැඟීම් ඇවිස්සෙන ආකාරයට කළ පාසල් දරුවන්ගේ නර්තනය සහිත වීඩියෝවේ සුලමුල

ඩේලිමේල් මගින් ෆේස්බුක් හරහා මුදාහැරුණු මෙම වීඩියෝව ගලවා දමා තිබුණා. නමුත් අනෙක් සමාජ ජාලා හරහා ඉතා උණුසුම් ලෙස මෙය ජනතාව අතරට ගොස් තිබුණා. මෙම වීඩියෝව පටිගත කළ එක් පිරිමි දරුවෙකුගේ පියා තම පුතාගේ රංගනය ගැන ආඩම්බර වන බව සඳහන් කර තිබුණා.

නමුත් පොදුවේ සාමාන්‍ය මතය නම් කිසිසේත්ම ප්‍රසංශනීය වුණේ නැහැ. මේ ගැන හුඟ දෙනෙක් ඉතා වික්ෂිප්තව හා සභ්‍යත්වය ගැන මත පළකර තිබුණා.

src=http://ph.theasianparent.com/wp content/uploads/2016/04/story2 feat 11.jpg ලිංගික හැඟීම් ඇවිස්සෙන ආකාරයට කළ පාසල් දරුවන්ගේ නර්තනය සහිත වීඩියෝවේ සුලමුල

"මේ ළමයින්ට ඔවුන්ගේ දෙමාපියන් හා ගුරුවරුන් ඇත්තටම පාසලේ හෝ ගෙදර උගන්වන්නේ මේවද?  මේක මේ විදිහේ පාසලකට යන දරුවන්ගේ වැඩක්ද?” නැන්සි මිරැන්ඩා කියා තිබුණේ, “මට කියන්න පුළුවන් පාසලේ එකතු කිරීම අඩු කිරීමට වඩා මේ ලිංගික නැටුම නම් මේගොල්ලෝ හොඳට ඉගෙන ගෙන තියෙනවා. ගුරුවරු දෙමාපියන් කොහෙද?”

මෙම වීඩියෝව මේ සමග දහස් ගණන් දෙනා අතර හුවමාරු වී තිබුණා.

දරුවන් බලන කියන දේවල් ඇසුරු කරන මාධ්‍ය හා පුද්ගලයන් ගැන අපි මීට වඩා දැනුවත් විය යුතු බව මේ සිදුවීමෙන් අපිට කියා දෙනවා. මොන රටක සිදු වුවත් අන්තර්ජාලය හරහා එය හුවමාරු වන්නට ගත වන්නේ නිමේෂයයි.

අද අපේ දරුවන්ද මේ තත්වයේ මුවදොර ඉන්න නිසා theAsianparent Sri Lanka  මේ ලිපිය ඔබ වෙත තැබුවා.

theAsianparent හි අනුමැතිය ඇතිව පරිවර්තනය කර ප්‍රකාශිතයි.

පරිවර්තනය: නිසංසලා ලියනගේ