ඩෙංගු බෝවීම ගැන අමුතු අමුතු ආරංචි පැතිරෙන මේ මොහොතේ අපිත් මේ ගැන අලුත්ම නමුත් හද කළඹන ආරංචියක් අරගෙන ආවා.

ඩෙංගු කියන්නේ අප රටට අමුත්තෙක් නෙමෙයි.

එය වසරකට කිහිප වරක් හිස ඔසවමින් අහිංසක ජිවිතය ගොන්නක් මරු තුරුලට ඇද දමන්නේ හිත් පිත් නැති විලසිනි.

"ඩෙංගු ආයෙමත් හිස ඔසවලා, මදුරුවන් බෝවෙන එක වළක්වමු"

ඔය වගේ දහසක් කතා මැද්දෙන් විවිධ දේ කරමින් අපි මදුරුවන් බෝවෙන එක පාලනය කරනවා.

එහෙම කරලා දැන් ඩෙංගු වලින් සුරක්ෂිතයි නේද? කියලා සැනසසීමක් ලබනවා.

ඒත් ස්පාඤ්ඤය විසින් කරන මේ අලුත් අනාවරණයත් එක්ක ඔබගේ  මේ අදහස සම්පුර්ණයෙන්ම වෙනස් කරාවි. 

ඩෙංගු මදුරුවා පාලනය කල පමණින් ඩෙංගු මර්දනය නොවේ.

ඩෙංගු බෝවීම ගැන අලුත්ම හෙළිදරව්ව

මදුරුවන් මගින් පමණක් සම්ප්‍රේෂණය වනවා යැයි ලොවක් විශ්වාස කල ඩෙංගු රෝගය ලිංගිකව සම්ප්‍රේෂණය වන බව. ස්පාඤ්ඤ සෞඛ්‍ය බලධාරින් පසුගිය සිකුරාදා තහවුරු කළා. 

ඒ පසුගියදා එසේ ඩෙංගු රෝගයට  ගොදුරු වු පුද්ගලයෙකු මැඩ්රිඩ් වලින් වාර්තා  වීමත් සමගයි.

41 හැවිරිදි පුද්ගලයා  මෙලෙස ඩෙංගු රෝගයට ගොදුරු වන්නේ  ඔහුගේ පිරිමි සහකරු සමග ලිංගිකව හැසිරිමෙන් පසුවයි.

කියුබාවේ සංචාරයක යෙදුනු ඔහුගේ සහකරුගේ  සිරුරට එහිදි මදුරුවන් දෂ්ට කිරීමෙන් වෛරසය ඇතුල් වන්නට ඇති බවත් පසුව මෙහි පැමිණ මෙම 41 පුද්ගලයා සමඟ ලිංගිකව හැසිරීමෙන් පසු ඔහුද එම රෝගයට ගොඳුරු වන්නට ඇති බව මැඩ්රිඩ් කලාපයේ මහජන සෞඛ්‍ය දෙපාර්තමේන්තුවේ සුසානා ජිමිනෙස් අදහස් දක්වමින් කියා සිටියා.

සැප්තැම්බර් මාසයේදී ඔහුට ඩෙංගු ආසාදනය වී ඇති බව සනාථ වුනා.

ඒ වගේම  අධික උණ සහ ශරීර කැක්කුම ඇති කරන දරුණු උණ රෝග බහුලව පවතින රට වල මෑතකදී  ඔහු සංචාරය කර තිබුනේ නැහැ . ඒ නිසා ඔහුට රෝගය වැළදුනේ කෙසේද යන්න වෛද්‍යවරුන්ට පවා ප්‍රශ්නයක් වුනා.

ඔහුගේ සහකරුට මේ සමාන  රෝග ලක්ෂණ පෙන්නුම් කර තිබු  නමුත් දින දහයකින් පමණ ඒවා සමනය වී තිබුනා.

ඔහු නම් මීට පෙර කියුබාවට සහ ඩොමිනිකන් ජනරජයට ගොස් තිබුන බව ජිමිනෙස් හෙලි කලා.

වහාම ඔවුන්ගේ ශුක්‍රාණු පිළිබඳ විශ්ලේෂණයක් සිදු කළා. එයින් අනාවරණය  වුනේ ඔවුන්ට වැළදී ඇත්තේ ඩෙංගු රෝගය වන බවයි. තවද එය කියුබාවේ සංසරණය වන  වෛරසයම බවත් තහවුරු වුනා."

ඒ වගේම දකුණු කොරියාවේ මෑතකදී පළ වු  විද්‍යාත්මක ලිපියක කතබහට ලක් වු මෙවැනිම නමුත්  පිරිමියෙකු හා කාන්තාවක් අතර ඩෙංගු ලිංගිකව සම්ප්‍රේෂණය වීමේ සිද්ධියක් ගැන ජිමිනෙස් මතක් කලා.

 “ඩෙංගු වෛරසය පිරිමියෙකුගෙන් පිරිමියෙකුට  ලිංගික සම්ප්‍රේෂණය වු පළමු අවස්ථාව මෙය බව "

යුරෝපයේ සෞඛ්‍ය හා රෝග අධීක්‍ෂණය කරන ස්ටොක්හෝම් හි යුරෝපීය රෝග නිවාරණ හා පාලන මධ්‍යස්ථානය (ECDC) විසින් AFP වෙත යවන ලද විද්‍යුත් තැපෑල් පණිවුඩයක සඳහන් වුනා.

මේ ගැන ලෝක සෞඛ්‍ය සංවිධානය කිිිියන කථාව

ලෝක සෞඛ්‍ය සංවිධානයේ වෙබ් අඩවියට අනුව ඩෙංගු ප්‍රධාන වශයෙන් සම්ප්‍රේෂණය වන්නේ  ඊඩීස් ඊජිප්ටි(Aedes Aegypti) නැමති මදුරුවාගෙනි.

එම මදුරුවන්  ජනාකීර්ණ නිවර්තන දේශගුණික තත්ත්වයන්ගේ හා එකතැන පල්වෙන (ගලා නොයන) ජලය පිරුනු ස්ථාන වල බෝවෙනවා.

මෙම රෝගය ළමයින්ට, විශේෂයෙන් ලාබාල ගැහැණු ළමයින්ට  වඩාත් බරපතල හා මාරාන්තික තත්වයන් ඇති කරනවා. එයට හේතුව තවම විද්‍යාඥයන් පවා සොයාගෙන නැහැ.

අග්නිදිග ආසියාව, අප්‍රිකාව, ඕස්ට්‍රේලියාව, කැරිබියන් සහ දකුණු හා මධ්‍යම ඇමරිකාව වැනි උණුසුම් දේශගුණික තත්ත්වයන් ඇති රටවල  සංචාරය කරන පුද්ගලයින් ඩෙංගු රෝගයට ගොදුරු වෙනවා.

ශ්‍රීලංකාව තුල ඩෙංගු රෝගය අමුත්තෙක් නොවුනත් මදුරුවන් ගෙන් පමණක් ඩෙංගු බෝවෙනවා කියලා මෙච්චර කල් හිතාගෙන හිටපු අපිට නම් මේ ආරංචිය අලුත් නේද? 

ඔන්න දැන් ලිංගිකව සම්ප්‍රේෂණය වෙන්නේ ඒඩ්ස්, ගොනෝරියා වැනි රෝග විතරක් නෙමෙයි .

මේ අනාවරණයත් එක්ක ඩෙංගුත් ඒ ලැයිස්තුවට එකතු වුනා. මෙය දැන් වාර්තා වුනා පමණයි.

ඒ වගේම අනාරක්ෂිත ලිංගික එක්වීම් වලින් වළකින්න.

ඩෙංගු බෝවීම ගැන පරීක්ෂණ කරන විද්‍යාඥයන් ඉස්සරහට කියන්නේ මොනවාද කියලා අපි දෑස් දල්වා බලාගෙන සිටිමු.

මුලාශ්‍ර: medicalxpress.com/news

*theAsianparent Sri Lanka හි පල කරනු ලබන ලිපි ජාත්‍යන්තර ප්‍රකාශන හිමිකම් නීති මගින් ආරක්ෂා කර ඇත.

ඔබ මෙම ලිපිය theAsianparent Sri Lanka හි අවසරයකින් තොරව පිටපත් කිරීම හෝ භාවිතා කිරීම කරන්නේ නම් ඔබට එරෙහිව මෙම නීති යටතේ නඩු පැවරිය හැකිය.