SFA පරීක්ෂණය (පුරුෂ මදසරුභාවය පරීක්ෂණය) ගැන විස්තර

SFA පරීක්ෂණය (පුරුෂ මදසරුභාවය පරීක්ෂණය) ගැන විස්තර

දරුවන් පිළිසිද ගන්න කාන්තාවට ප්‍රශ්නයක් නැත්නම් අනිවාර්යය‌ෙන්ම පුරුෂයාත් තමන්ව පරීක්ෂා කරගන්න අවශ්‍ය ව‌ෙනවා. එහනෙම් SFA පරීක්ෂණය ගැනත් දැනගන්න.

ළදරු නාම උත්පාදකය

ස්ත්‍රී පුරුෂ භාවය

අකුර

ප්‍රභේදය

සොයාගත් ළදරු නම්

සොයාගත නොහැක

පුරුෂ මදසරුභාවය හා SFA පරීක්ෂණය (Seminal Fluid Analysis test) ගැන ප්‍රසව හා නාරි වෛද්‍ය සමන් හ‌ේවා මහතා ඔබ ව‌ෙත ග‌ෙන එන වැදගත් ලිපියකි. 
 
බොහෝ අවස්ථා වලදී අප දකින දෙයක් තමයි විවාහයට පසු දරුවන් ප්‍රමාද වීමේදී එහි ගැටලුව ප්‍රධාණ වශයෙන් යොමු වන්නේ කාන්තාවන් හට.
 
එම නිසාවෙන් කාන්තාවන් වෛද්‍යවරයකුගේ සහය සොයා දරුවෙක් වෙනුවෙන් බොහෝ කැපකිරීම් කරමින් ප්‍රතිකාර ගන්නවා නේද? සමහර කාන්තාවන් ගොඩක් තැන් වලින් ප්‍රතිකාර අරගෙන හැම තැනකින්ම කියන්නේ ඇයගේ ප්‍රශ්නයක් නැහැ කියල ඒත් ඇයි දරුවො නැත්තේ කියමින් පසුතැවෙනවා.
 
ඔබ දන්නවාද කාන්තාවන් මෙන්ම පුරුෂයාගේත් ප්‍රශ්නයක් නිසා දරුවන් ප්‍රමාද වන බව. මේ ලිපිය ඒ පිලිබඳව ඔබ දැනුවත් කිරීමටයි.  
 
සාමාන්‍යයෙන්  15% පමණ මදසරුභාවය  තිබෙන අතර එයින් 3/ 1 කට හේතුව වන්නේ ශුක්‍රාණු වල ගැටලුවකි. තවත් 3/ 1 කට හේතුව හොයගන්න බැහැ. ඉතිරිය 3/ 1 කාන්තාවන්ගේ රෝග තත්ත්වයන් නිසාවෙනි. 
 
පුරුෂයාගේ සරුබව රදා පවතින්නේ ලිංගික එක්වීමේදී පිටවන ශුක්‍ර තරලයේ අඩංගු ශුක්‍රාණු ප්‍රමාණය ගා ඒවාගේ ගුණාත්මක බව මතයි. පුරුෂ මදසරුභාවය ඔබට ඇතිද යන්න සරල පරීක්ෂණයක් මගින් බලාගන්න පුළුවන්.
පුරුෂ මදසරුභාවය:  SFA පරීක්ෂණය
මේ සදහා ප්‍රධාණ වශයෙන් කරන පරීක්ෂණය seminal fluid analysis හෙවත් SFA පරීක්ෂණය නැතිනම් sperm test යනුවෙන් හදුන්වන්නේද මේ පරීක්ෂණයයි.
 
එහිදී ප්‍රධාණ කරුණු තුනක් පිලිබඳව සොයාබලනවා. ඒ එක වරකදී පිටවන ශුක්‍රාණු ප්‍රමාණය , ඒවාගේ ස්වරූපය හා චලනය වීමට ඇති හැකියාව යන කරුණුයි. පරීක්ෂාගාරය තුලදී අන්වික්ශයකින් මෙම ශුක්‍ර තරල පරීක්ෂා කර මෙම වාර්තා ලබාදෙනවා. ඒ සම්බන්ධයෙන් රූප සටහන් මේ සමග බලන්න.
 
ශුක්‍ර තරල පරීක්ෂණ වාර්තාවට අනුව මිලි ලීටරයකට ශුක්‍රාණු මිලියන 15කට වඩා පවතීනම් එය සාමාන්‍ය ලෙස සලකන්න පුළුවන්. එම ශුක්‍රාණු වල ගුණාත්මක බව පිලිබඳවත් මේ වාර්තාවේ කරුණු අඩංගු වෙනවා.
 
මෙම සාමාන්‍ය වාර්තාව තුලින් සොයාගන්න බැරි ඉතා සියුම් කරුණු රැසක් CASA නම් පරිඝනක ගත ශුක්‍රාණු තරල පරීක්ෂණය මගින් ලබාගැනීමට පුළුවන්.  ශුක්‍ර තරල වාර්තාව ලබාගැනීමට ශුක්‍රාණු තරල සාම්පලයක් රසායනාගාරයකට ලබාදෙන්න වෙනවා.
 
සැ: යු: මෙම සාම්පලයක් ලබාදීමට පෙර දින 3ත් 10ත් අතර කාලයක් ශුක්‍රාණු පිටකිරීමෙන් වැලකී සිටිය යුතුයි.
 
ඊට පසුව ඔබ රසායනාගාරයෙන් සපයන භාජනයට ශුක්‍රාණු සාම්පලයක් ලබාදීමට කටයුතු කරන්න.
 
මෙම සාම්පල රසායනාගාර තුලදීම පිටකර ලබාදීම වැදගත් වන්නේ ශුක්‍රාණු පරිසරයට නිරාවරණය වීම නිසා එවාගේ ගුණාත්මක භාවය අඩුවීමට ඉඩ ඇති නිසාවෙනි.
එසේ පිටතදී ලබාගෙන රැගෙන එන සාම්පලයකින් කරන පරීක්ෂණය සාර්ථක වන්නේ නැහැ .
 
පලමු වරට කරන පරීක්ෂණයෙන් ශුක්‍රාණු ප්‍රමාණය හා ගුණාත්මක බව අඩුවීම පිලිබඳව එතරම් බියවියයුතු නැහැ.
 
එවැනි අවස්තාවකදී එම පරීක්ෂණය නැවත කරන්න එවිට බොහෝවිට සාර්ථක වෙන්න පුළුවන්.
දිගින් දිගටම මෙම වාර්තාව අසාමාන්‍ය තත්ත්වයක් පවතීනම් IUI/ IVF  වැනි ක්‍රමයක් භාවිතා කිරීමට පුළුවන්.