උත්පත්තියෙන් ලාංකික වන ෂෙරී ඇචේසන් (Sheree Atcheson) බ්‍රිතාන්‍යයේ තාක්ෂණික ක්ෂේත්‍රයේ ප්‍රබලතම කාන්තාවන් 50 දෙනා අතරට එක්න් වනවා.
පසුගියදා තමා ලොවට බිහි කළ මව සොයා ඇය ලංකාවට පැමිණියා. News First මාධ්‍ය හරහා Sheree Atcheson ගේ මව සොයා දීමට ඔවුන්ගේ උදව් ඇය විසින් ඉල්ලා තිබුනේ සුළු කලකට ඉහතදී. ඒ අනුව ඔවුන් විසින් කළ විශේෂ ගවේෂණයක් හරහා මහත් ඇවෑමෙන් ෂෙරීගේ මව සොයාගැනීමට ඔවුන්ට හැකි වුනා. එම ගවේෂණය පිලිබඳ වැඩි විස්තර නිව්ස් ෆස්ට් හරහාත් අමරසර පුවත් පිටුවේත්ර සඳහන්ම්භ කර තිබෙනවා.
පෙරේදා උදෑසන Sheree Atcheson ට News First ප්‍රවෘත්ති අංශයට ආරාධනා කර තිබුනා. එහෙත් ඇයව බිහි කල මවද මෙහි රැඳී සිටින බව ඇය දැන සිටියේ නැහැ.
ෂෙරී බලාපොරොත්තු නොවුණ දේ ඒ මොහොතේම සිදුවිය.
ඒ හැඟුම්බර අවස්ථාව කැමරා කාචයේ සටහන් වුනේ මෙලෙසින්...
ෂෙරීව භාර දුන් එක්සත් රාජධානියේ අයර්ලන්ත යුවළ සමඟ තම ජිවිතය ජයගත් ෂෙරී, මෙම හමුවීම හැඳින්වූයේ ඇගේ ජිවිතයේ නැති වුනු පුරුක ඇයට යළි ලැබුණු ලෙසයි.
මුලාශ්‍රය: නිව්ස් ෆස්ට් වෙතිනි
