පුතුට සිංහල නම් යොදන එක පහසු නැහැ නේද? පවුලට ආපු අලුත් පුංචි පුතාට නමක් තියන්න ඕනී. මොකද කරන්නේ?

ශ්‍රීලංකාව තුල දරුවෙක් ඉපදුනාහම දරු උපත සිදුවුනේ රජයේ රෝහල නම් රෝහලෙන් පිටවෙන්න පෙර දරුවා ලියාපදිංචි කරන්න නමක් දෙන්න අවශ්‍ය වෙනවා.

පෞද්ගලික රෝහලක නම් දරුවා රොහලෙන් ගෙදර ගෙනත් ඊට පසු ලියාපදිංචි කරන්න පුළුවන්.

පුතුට සිංහල නම් තියන විට ඒක බොහොම කල්පනාවෙන් වගේ අවබෝධයෙන් කරන්න ඕනී. ඒ ඔබ තෝරා දෙන නම දරුවා සිය ජීවත කාලයම භාවිතා කරන්න නියමිත බැවිනි.

සාමාන්‍යයෙන් ශ්‍රීලංකික දරුවෙකුට පවුලේ නම (වාසගම හෝ නම මුලට යෙදෙන පරම්පරාවෙන් එන නම) යොදනවා.

ඊට අමතරව කොටස් දෙකකින් වත් යුතු නමක් දරුවාට යොදනවා.

දරුවාට නමක් යෙදීමේදි අතීතයේ සාමාන්‍යයෙන් දරුවා උපන් වේලාව නැත්තම් නැකත බලනවා.

ඒ වගේම ඔවුන් නමට ගණ පිහිටෙව්වා. අතීතයේ ඔවුන් විශ්වාස කලේ දරුවාට යොදන නම පවසන විට එය දරුවාට  ආශිර්වාදයක් වෙන බවයි. දැන් කාලය වෙනස් වෙලා. අපි කාගේත් අදහස් නවීනයි.

• නමට ලස්සන අරුතක් තියෙනවාද?
• නම කාලීනද?
• අම්මා තාත්තාගේ නම් වලට ගැලපෙනවාද?
• සහෝදර සහෝදරියන්ගේ නම් වලට ගැලපෙනවාද
• වාසගමට නම ගැලපෙනවාද
• රටට  හෝ සමාජෙට ගැලපෙනවාද?

 දරු උපතත් එක්ක වේලාව බලලා සුභ අකුරක් සොයා ගත්තාට පස්සේ ඊට ගැලපෙන නමක් සොයාගන්න එක එකම යුද්ධයක් නේද?

theAsianparent Sri Lanka අපි ඔබට ඒ සදහා පුංචි සහයක් දෙන්න හිතුවා.  2019/ 2020  වසරට ගැලපෙන ලස්සන පුතුට සිංහල නම් ටිකක් ඔන්න අපි අරගෙන ආවා.

ශ්‍රීලංකාව වගේ රටක ජෝතිෂ්‍යයට ඉහල තැනක් ලැබෙනවා.

පුතාගේ උපන් වේලාව අරගෙන ගිහින් වේල පත් කඩයක් එහෙම හදලා සුභ අකුරක් තෝරා ගන්න ඔබ අමතක කරන්නේ නැහැ. එහෙම නේද?

ඊලගට ඒ සුභ  අකුරෙන් ලස්සන නමක් හොයන අතරේ ලස්සන තේරූමක් තියෙන පුතා තරම්ම සුන්දර නමක් හොයන්න ඔබ උත්සුක වෙනවා නේද?

නමක් දරුවා ජීවත කාලයම භාවිතා කරනවා. ඒ නිසා උච්චාරණය පහසු නමක් යෙදීම ඔහුට මෙන්ම ඔහු වටා ඉන්න හැමෝටම පහසුවක් වේවි.

අම්මලා ගෙන්ම එකතු කර ගත් මේ ලස්සන නම් ටික අපි ඔබ වෙත ගෙන ආවේ ඔබට පුංචි උදව්වක් විදියටයි.

බලන්නකෝ ඔයාගේ පුංචි පුතු පැටියාටත් ගැලපෙන නමක් මෙතැන තියෙනවාද කියලා?

අම්මා, ඔයාගේ පුංචි පුතුගේ ලස්සන නම, තේරුමත් එක්කම අපිත් එක්ක බෙදා ගනිමුද? ඔන්න එහෙනම් අමතක නොකරම කමෙන්ට්  කරන්න.