අඩන බබා නලවගන්න හොදම ක්‍රම 14ක්, අම්මලාගෙන්ම ඔබ වෙත
පුංචි බබා අඩන එක අම්මාටත් පීඩනයටත් එහා ගිය වේදනාකාරී හැගීමක් , අඩන බබා නලවගන්න හොදම විදියක් අම්මලා හොයන්නේ, අත් හදාබලන්නේ අන්න ඒ නිසයි.
අඩන බබා නලවගන්න අම්මලා දාහතර දෙනෙක් උපක්‍රම ඔබ හා බෙදාගෙන තියෙනවා. මින් කුමන ක්‍රමය ඔබේ දරුවාට වඩාත් ගැලපේද?
දෙමාපියනි, අපි එයට මුහුණ දෙමු. ඔබ කැමති වුනත් අකමැති වුනත් පුංචි දරුවෝ අඩනවා. නරකම දෙය තමයි ඔබේ පුංචි පැටියා අඬන හේතුව පිළිබඳව නොදැනුවත්කම. ඔබේ පුංචි පැටියාට බඩගිනියිද? වෙහෙසයිද? තරහා ගිහින්ද? දත් එනවාද? ඩයිපර් එක මාරු කරන්න අවශ්‍ය වේලාද?
අවාසනාවකට සෑම දරුවෙක්ම එකිනෙකාට වෙනස් වෙනවා. දරුවන්ගේ හැඩීමට හරියටම හරි යන එක විසදුමක් නැහැ. වාසනාවකට බ්ලොග් සයිට් එකක් හිමි Alex Richards නැමැති මව විසින් විවිධ මව්වරුන් 14 දෙනෙක්ගේ විවිධඅඩන බබා නලවගන්න හොදම ක්‍රම 14 ක් එකතු කර තියෙනවා.
විවිධ වෙනස් මුලාශ්‍ර ආශ්‍රයෙන් ඔබ ඔබගේ හඩන දරුවා සනසන්න ගැලපෙන පිළියමක් ඔබ සොයනවා.
අඩන බබා නලවගන්න යෝජිත ක්‍රම
1. කකුලේ හරහාට තබා සෙලවීම
එය ඔබේ තට්ටම් ප්‍රදේශයේ මාංශපේෂින්ට පමණක් නොව එය ඔබේ දරුවාටද සුදුසු වේ. ඔබේ දරුවා පපුවට එරෙහිව හරහට තබා ගන්න. ඔබේ තට්ටම් ප්‍රදේශය සොලවමින් දරුවාට නින්ද යන තුරු දෙපැත්තට සොලවන්න.
2. බබාගේ කකුල් පැද්දීම
ඔබේ දරුවා හැඩීමට හේතුව බඩ පිපීම වෙන්න පුළුවන්. ඔවුන්ගේ කකුල් බයිසිකල් පදින ආකාරයට පැදවීමෙන් කුස මත පීඩනයක් යෙදී ඒ තත්වය ඉවත්ව යයි.
3. යතුරු
දරුවන් සාමාන්‍යයෙන් එල්ලෙන දිලිසෙන ශබ්ද නිපදවන දේවල් වලින් විනෝදයට පත්වේ. ඔබේ දරුවාගේ අවධානය එල්ලෙන සෙල්ලක්කාර දේවල් වෙත යොමු කර ඒ මගින් ඔවුන්ගේ මනස සැහැල්ලු වේදැයි බලන්න.
4. නැවුම් වාතය
ඔබ වගේම ඔබේ දරුවාත් එළියට ගෙන ගොස් නැවුම් වාතය ආශ්වාස කිරීමට ඉඩ දීමෙන් ප්‍රතිලාභ ලබයි. ඔබේ අඩන දරුවා ඉක්මනින්ම පිටතට අරගෙන ගොස් දර්ශනය වෙනස් කිරීමෙන් හෝ නැවුම් වාතයට නිරාවරණය කිරීමෙන් ඔවුන් සංසුන් වෙනවාදැයි බලන්න.
5.සංගීතය විහිදන සෙල්ලම් බඩු
මෘදු ,සැනසිල්ල දනවන සෙල්ලම් බඩු ඔබ සතුව තිබේනම් ඔවුන්ට ගැලපෙන එකක් තිබේ නම් ඔබට ඔබේ අඩන දරුවා ඒවා සමග සෙල්ලම් කිරීමට යෙදවීමට ඔබට අවශ්‍ය වේවි.
6. සෙල්ලම් කරන ආරක්ෂිත පොරොනය
සෙල්ලම් බඩු සවිකල ආරක්ෂිත පොරෝනයේ සුරතල් වීමට සමහර දරුවන් කැමතියි. ඔබ හිතනවා නම් ඔබේ දරුවාට උණුසුම අවශ්‍යයි කියා ඔවුන් කැමති උණුසුම් කරනය ලබාදෙන්න උත්සහ කරන්න.
7.රිද්මයකට පද්දන්න.
බොහෝ මව්වරුන් අඩන දරුවෙක් සනසන්න රිද්මයකට පැද්දවීම හොදම ක්‍රමයක් බව හදුනගෙන තියෙනවා. එය පහසු ලෙස පෙනුනත් මහන්සි විය යුතු හා පරීක්ෂා කල යුතු ක්‍රමයක් වේ.
8.අවධානය ගන්නා ශබ්ද
යතුරු වලින් වගේම ඔවුන්ට කරදරකාරී දේවල් වලින් ඔවුන්ගේ අවධානය ගැනීම මෙහි අදහසයි. මුඛයෙන් කරන පුංචි ශබ්ද , හිනා උපදවන ශබ්ද කරන සෙල්ලම් බඩු උත්සාහ කරන්න. ඔවුන්ගේ අවධානය ගන්නා ඕනෑම එකක් උත්සහ කරන්න. එය ඔවුන් සංසුන් කිරීමට උපකාරී වේවි.
9.දීප්තිමත් ආලෝකය
මෙහිදී ඔබ ප්‍රවණතාව බලාවි. යතුර, ශබ්ද මෙන්ම දීප්තිමත් ආලෝකය ඔබේ දරුවාගේ අවධානය ගනිවි. කාමරය ආලෝක කරන සෙලවෙන ආලෝකය ඔන් , ඔෆ් කිරීම මගින් ඔවුන් විනෝදයට පත්කරන්න.
10.ගීත ගායනය, නැටුම්
දෙමව්පියෙක් වීමේ එක් සංධිස්ථානයක ඔබට නටන්න, ගයන්න වෙනවා කියලා ඔබ දන්නවා. ඒ සදහා මෙය කාලය කර නොගන්නේ ඇයි? එය ඔබේ දරුවාගේ මුවට සිනාහවක් ලබාදීම හෝ සංසුන් කිරීම කරනවා.
11.සැහැල්ලු නැහැවීම
සමහර වේලාවට සංසුන් සැනසිලිදායක නැහැවීමක් ඔබේ දරුවාට සැනසිල්ලක් අත්කර දෙනවා. ගලායන ජලයෙන් නැහැවීමක් ඔබේ දරුවාට ලබාදෙන්න උත්සහ කරන්න. පුංචි වතුර විහිදීමක් කර ඔවුන්ව සංසුන් කරන්න. එය වෙහෙස මහන්සිය නිවන අතර ඔවුන්ට අවශ්‍ය ප්‍රමාණයේ සතුටක්ද ලබාදේවි.
12. 5 "s" ක්‍රමය
Swaddle හොදින් ඔතන්න
Side or Stomach පැත්තට හෝ මුණින් තබන්න
Shush මෘදු හෝ හුරුබුහුටි ශබ්ද
Swinging පද්දන්න
Suck පියයුරු, සුප්පුව හෝ ඇගිල්ල උරන්න දෙන්න
13. හොද විදියට අල්ලා ගැනීම
සමහර අම්මලා කියනවා දරුවන් නලවා ගන්න හොදම ක්‍රමය හොද විදියට අල්ලා ගැනීම කියලා , ඔබේ දරුවා කොතරම් ප්‍රීතිමත් වෙනවාද කියලා , නිර්දේශ කිහිපයක් ,
ෆුට්බෝල් හෝල්ඩ් - ඔබේ අත දිගේ දරුවාගේ හිස පහලට සිටින සේ වැතිරෙන්න සලස්වා (කකුල් වැලමිටට තදවෙන්න තබා ගනිමින් කුස මත පීඩනයක් ඇති කිරීම
පිටතට මුහුණලා තබාගැනීම - එක අතක් උඩ දරුවා ඉන්දවා අනෙක් අතින් ආරක්ෂිතව අල්ලා ගෙන ඔබේ දරුවාට එළිය ලෝකය බලන්න දෙන්න.
පපුව ලගින් තබාගැනීම - ඔබේ දරුවා ඔබේ පපුව මත ඔබේ හදවතට (කම්මුලට) ඉතා ලගින් සිටින සේ ඔසවා ගන්න.
14. විවේකයක් ගන්න
සමහර විට ගැටළුව ඔවුන්ගේ නොව ඔබේ විය හැකිය. ඔබේ දරුවා තොටිල්ලේ මොහොතකට තබා ඔබ මානසිකව හා ශාරීරිකව සංසුන් වෙන්න උත්සහ කරන්න.
ඔබේ අඩන බබා නලවගන්න මේ අම්මලාගේ ඉගි ඔබ වෙත ගෙන ආවේ the Asianparent Sri Lanka වෙතිනි.
theAsianparent හි අනුමැතිය ඇතිව පරිවර්තනය කර ප්‍රකාශිතයි.
පරිවර්තනය: නදීශා ලක්මිණී
