මියගිය අම්මාගෙන් කිරි බොමින් හිටි පුංචි පැටියෙකු පිළිබඳ හද රිදවන කතාවක්

මියගිය අම්මාගෙන් කිරි බොමින් හිටි පුංචි පැටියෙකු පිළිබඳ හද රිදවන කතාවක්

අම්මා මියගිය බව නොදන්නා මේ පැටියා කුසගින්න නිවා ගන්නත්, ආදරයෙන් උණුසුමින් සැනසෙන්නත් අම්මගේ තුරුලට වී කිරි බොමින් ඉන්න විට මේ කිරි කැටියා මුණ ගැසී තිබුණා.

අම්මා මියගිය බව නොදන්නා මේ පැටියා කුසගින්න නිවා ගන්නත්, ආදරයෙන් උණුසුමින් සැනසෙන්නත් අම්මගේ තුරුලට වී කිරි බොමින් ඉන්න විට මේ කිරි කැටියා මුණ ගැසී තිබුණා.

මධ්‍යම ඉන්දියාවේ මාධ්‍ය ප්‍රදේශයේ ඩොමෝ කියන දිස්ත්‍රික්කයේ දුම්රිය මාර්ගයේ වැඩකරන පිරිසක් විසින් මේ මියගිය අම්මා සහ පැටියා සොයාගෙන තිබුණා. මෙහිදී මාස 17ක් පමණ වන මේ පැටියා මියගිය අම්මා අසල හිඳ තිබෙනවා.

මේ දුටු කාගේත් නෙත් වලට කඳුලක් ඉණුවේ මේ සංවේදී දසුන බලා හිඳින්නට බැරි හින්දයි. සිද්ධිය පිළිබඳ රාජ්‍ය දුම්රිය පොලිසියේ ප්‍රධාන නිලධාරී නන්ඩ් රාම් Mirror.UK වලට අදහස් දක්වමින් මේ පුංචි පැටියා තමන්ගේ අම්මා සොයමින් අඬමින් සිටි බවත් ඇගෙන් ප්‍රතිචාරයක් නැති නිසා ඇය ළඟට ගොස් ඇගෙන් කිරි උරා බොන්නට පටන් ගත් බවත් පවසා තිබුණා.

“අපි හුඟක් කම්පනයට පත් වුණා. ඒක හරිම දුක හිතෙන දසුනක්. අපි කවදාවත් මෙහෙම දෙයක් දැකලා නොතිබුණු නිසා කාටත් සංවේදී අවස්ථාවක් වූ බව ඔහු වැඩි දුරටත් පැවසුවා”.

මේ ඛේදවාචකයේ සුළ මුල මොකද්ද?

තවමත් පොලිසියට මෙම සිදුවීම හරියටම පැහැදිළි වී නැති අතර මෙය හදිසි අනතුරක් නිසා වන්නට ඇතැයි සැක කරනවා. ඇය හමුවන විට ඇගේ නාසයෙන් හා කන් වලින් රුධිරය පිටවෙමින් තිබුණා.

ආශ්චර්යකට වගේ ඇගේ පුංචි පැටියාට කිසිම අනතුරක් වෙලා තිබුණේ නැහැ. දරුවාත් ඉක්මනින් දිස්ත්‍රික් රෝහලට රැගෙන ගියත් ඔහුට පුංචි හෙම්බිරිස්සාවක් පමණක් වැළඳී තිබුණු බව පැවසුවා. ඔහුට වෙනත් සෞඛ්‍ය ගැටළුවක්  තිබුණේ නැති අතර කාර්යමණ්ඩලය දරුවාගේ ආරක්ෂාව වෙනුවෙන් ඉදිරිපත් වුණා.

මියගිය මවගේ පදිංචිය හෝ වෙනත් තොරතුරු සොයා ගන්නා තුරු බිළිඳා ආරක්ෂා සහිත ළමා නිවාසයකට බාර කෙරුණා.

මේ මරණය නිසා පුංචි පැටියාට එයාගේ ලොකුම ආදරය වන එයාගේ අම්මව අහිමි වුණා. ඒත් මේ පැටියාට එයාගේ පවුලේ කවුරුන් හෝ හමුවේවායි අපි ප්‍රාර්ථනා කරනවා. අවසන් මොහොතෙත් තමන්ගේ දරු පැටියට මව්කිරි දෙන උතුම් හැඟීමෙන් ඒ අම්මා ඉන්න ඇති.

ඒත් අවාසනාවට ඇගේ ජීවිතය ඉස්සර වී තිබුණා. මේ පුංචි පැටියාට ලෝකයේ කොතැනක හිටියත් දුකක් කරදරයක් නොවේවායි අපි ප්‍රාර්ථනා කරමු.       

theAsianparent හි අනුමැතිය ඇතිව පරිවර්තනය කර ප්‍රකාශිතයි.

පරිවර්තනය: නිසංසලා ලියනගේ