විශකර ද්‍රව්‍ය සහිත සෙල්ලම් බඩු ලංකාවට ඇතුළු වීම, ළමයින්ගේ සෞක්‍යයට තර්ජනයක්!
ප්‍රමිතියක් රහිත විශකර රසායනික ද්‍රව්‍ය සහිත සෙල්ලම් බඩු ලංකාවට ගලා එමින් පවතින බව කියැවෙන පුවතක් BBC සිංහල පුවතක් ඔස්සේ වාර්තා වනවා.
ලංකාවෙන් පිටරට වලට යවන බදඩු භාණ්ඩ වල ප්‍රමිතිය තහවුරු කරගැනීමට විවිධාකාර ලියකියවිලි සහ සමාගම් විසින් ලියකියවිලි අවශ්‍ය වනවා. නමුත් ලංකාව තුළට ගෙන්වන භාණ්ඩ වල ප්‍රමිතිය තහවුරු කරගැනීම සඳහා එවැනි ක්‍රමවේදයක් නොමැති වීම ලංකාවේ සමස්ත දරුවන්ගේම සෞක්ය්යයට තර්ජනයක් වන්නේ මේවයේ පිළිකාකාරක රසායනික ද්‍රව්‍ය අඩංගු වීමයි.
පාරිභෝගික අයිතීන් සුරැකීමේ ජාතික ව්‍යාපාරයේ සභාපති රංජිත් විතානගේ මහතා පැවසුවේ එවැනි පාලනයක් හෝ ක්‍රියාදාමයක් නොතිබීම නිසා ලංකාවට ආනයනය කෙරෙන ශරීර සෞඛ්‍යයට අහිතකර දේ ඇතුළු භාණ්ඩ පිළිබඳව නිසි සංඛ්‍යාලේඛන සොයා ගැනීම ඉතා දුෂ්කර බවයි.
ඔවුන් ඒ අදහස් පළ කළේ ස්ටොක්හෝම් සම්මුතිය යටතේ ලෝකයේ තහනම් කරන ලද ඉතා අහිතකර විෂ රසායන දෙකක් ශ්‍රී ලංකාවට ආනයනය කරන ඇතැම් ප්ලාස්ටික් සෙල්ලම් බඩුවල අඩංගුවන බවට රටවල් කිහිපයක් එකතු වී කරන ලද ජාත්‍යන්තර පර්යේෂණයකින් අනාවරණය වීම පිළිබඳව බීබීසී සිංහල සේවය කළ විමසීමකදීය.
ශ්‍රී ලංකාවට ගෙන්වනු ලබන රූබික් කැට කිහිපයක් පර්යේෂකයන් විසින් චෙක් ජනරජයේදී විශ්ලේෂණය කරන ලද අතර, දරුවන්ගේ බුද්ධි වර්ධනයට සහ ශරීරයට ඉතා අහිතකර OctaBDE සහ DecaBDE යන විෂ රසායන දෙකම එම රූබික් කැටවල අඩංගු බවට එහිදී හෙළි වී තිබුනා. මෙය ඉතාම ඛේදනීය තත්වයක්.
"මෙම රසායනික ද්‍රව්‍ය දෙකම කිසිම ආකාරයකින් සෙල්ලම් බඩුවල තියෙන්න පුළුවන් රසායන ද්‍රව්‍ය නෙවෙයි," යනුවෙන් පරිසර යුක්ති කේන්ද්‍රයේ හේමන්ත් විතානගේ මහතා සඳහන් කර තිබුනේ බීබීසී සංදේශයේ අවසාන ගුවන් විදුලි වැඩසටහන සමග අදහස් දක්වමිනි.
"රූබික් කැටවල පිටත ආලේපනය කරලා තියෙන මෙම රසායන නිසා දරුවන්ගේ බුද්ධි වර්ධනය අඩුවෙන්නට පුළුවනි, විශේෂයෙන්ම මන්ද බුද්ධික දරුවන් බිහිවෙන්නට හැකියාව තියෙනවා"
කිසිදු ප්‍රමිතියකින් හෝ පාලනයකින් තොරව විෂ සහිත ප්ලාස්ටික් සෙල්ලම් බඩු ශ්‍රී ලංකාවට ගලා එමින් තිබෙන බව පර්යේෂකයන්, පාරිභෝගිකයන් මෙන්ම අපනයනකරුවන්ද පවසති.
වැඩෙන දරුවන්ට මෙවැනි භාණ්ඩ අල්ලන්නට හෝ දීම ඉතාම භයානක තත්වයක් කියල අපි විද්‍යාවෙදි හඳුනාගෙන තිබෙන බව පරිසර යුක්ති කේන්ද්‍රයේ හේමන්ත විතානගේ මහතා පැවසුවා.
දරුවන්ට ආරක්ෂාකාරී, විශකර ද්‍රව්‍ය රහිත සෙල්ලම් බඩු තෝරා දෙන්නේ කෙසේද?
1. ප්‍රමිතියකින් යුත් සෙල්ලම් බඩු පමණක් මිලදී ගන්න
රට කිසිඳු ප්‍රමිතියකින් තොර ළමා සෙල්ලම් භාණ්ඩ සංසරණය වන බව අප දනිමු. නමුත් වගකීමක් සහිත සමාගම් මගින් ගෙන්වනි ලබන ප්‍රමිති පාලනයකින් යුතු වූ සසෙල්ලම් භාණ්ඩ මිලදී ගැනීම දෙමාපිය අපගේ වගකීමක් වනවා
2. භාණ්ඩ නිෂ්පාදනය සඳහා යොදාගත් අමුද්‍රව්‍ය ගැන සැලකිලිමත් වන්න.
භාණ්ඩ නිෂ්පාදිත අමුද්‍රව්‍ය හොඳින් කියවා බලන්න. ඒ ගැන විස්තර, ප්‍රතිශත ආදිය අන්තර්ජාලය වැනි දත්ත මාධ්‍ය හරහා තව දුරටත් පිරික්සා බලන්න. කයින්
3. නිෂ්පාදකවරුන් හා සම්බන්ධ වන්න
අමුද්‍රව්‍ය පිලිබඳ විස්තර අඩංගු නොවේ නම් භාණ්ඩ නිෂ්පාදකවරුන් හා සම්බන්ධ වන්න. මේ ගැන ඔවුන් දැනුවත් කොට ඒ ගැන රපොර්තු ලබාගන්න.
මුදලට සෞක්‍ය, ජිවිත වටිනාකම් වැනි දේ යට වූ ලෝකයේ අප දරුවන්ගේ සුරක්ෂිත භාවය වෙනුවෙන් අන් කවරදාටත් වඩා වෙහෙස මහන්සි වී කටයුතු කරන්නට අවශ්‍ය යුගක අප වෙසෙන්නෙමු. නමුත් දෙමාපිය අපගේ උනන්දුව සහ කැපවීම හරහා දරුවන්ටසුරක්ෂිත හෙට දිනක් තනන්නට හැකි වීම බලාපොරොත්තුවේ සේයාවකි!
