විටමින් C ඌණතාවය දරුවන් තුල පෙන්නුම් කරන්නේ මෙහෙමයි.

විටමින් C ඌණතාවය බහුලව දකින්න නැහැ. නමුත් එය මව්වරුන් , පියවරුන් නොසලකා හැරිය යුත්තක් බව ඉන් අදහස් කරන්නේ නැහැ.  වැඩි විස්තර දැනගන්න තව කියවන්න.

සිනාහවට කරුණක් මෙන්න : ඔබේ සිරුර ස්වාභාවිකව විටමින් සී ගබඩා නොකරන බව ඔබ දැන සිටියාද?  ඔබේ දරුවා විටමින් සී අඩංගු ආහාර දිනකට අවශ්‍ය ප්‍රමාණය නොගතහොත් ඔවුන්ට විටමින් සී ඌණතාව ඇතිවීමේ අවස්ථාවක් තියෙන බව  ඒ මගින් අදහස් කෙරෙනවා.

විටමින් C පෙති ෆාමසියකින් පහසුවෙන් මිලදී ගතහැකි නිසා විටමින් C ඌණතාවය හා කටයුතු කිරීම පහසුයි ඒ වගේම අපේ රටේ විටමින් සී අඩංගු පළතුරු වල හිගයක් නැහැ .

ඔබේ දරුවාට විටමින් සී ඌණතාවය තිබේද, නැද්ද දැනගැනීම අසීරුතම කාර්යය වේ. ඒ එහි සලකුණු සෑමවිටම හදුනා ගැනීමට පහසු නොවන  නිසයි.

1. විදුරුමහෙන් ලේ ගැලීම

විටමින් සී මට්ටම පහත වැටීමට විදුරුමහ සංවේදී වේ. ඔබේ දරුවාගේ විදුරුමහ පරීක්ෂා කිරිමෙන් ඔවුන්ට විටමින් සී ඌණතාවය තිබේද, නැද්ද දැනගැනීමට හොද ක්‍රමයක් වේ. විදුරුමහ බොහෝ සංවේදී වන අතර අඩු විටමින් සී මට්ටම එය ඉක්මනින්ම සුව නොකරන බැවින් විටමින් සී ඌණතාවය ඇති දරුවන්ගේ විදුරුමහෙන් ලේ ගලයි.

2. නිතර නාසයෙන් ලේ ගැලීම

ඔබේ දරුවාගේ නාසයෙන් නිතර ලේ ගලයි නම් එය විටමින් සී ඌණතාවයේ තවත් සලකුණක් වේ. අඩු විටමින් සී මට්ටම රුධිර නාලිකා දුර්වල කරන අතර ඒවා නාසය තුල පිපිරී යෑමෙන් නාසයෙන් ලේ ගැලීම සිදුවේ. දුර්වල රුධිර නාලිකා ඇතිනම් නාසයෙන් නිතර ලේ ගැලීමක් සිදුවේ.

3. වියළි හිසකෙස් 

සාමාන්‍යයෙන් ඔබේ දරුවා නිරෝගිමත් දැයි දැනගැනීමට හිසකෙස් හොද ක්‍රමයක් වේ. අග පැලුනු වියළි හිසකෙස් තිබීම යනු ශරීරය ප්‍රමාණවත් කොලැජන් ප්‍රමාණයක් නිපදවන්නේ නොමැති වීමයි. කොලැජන් නිෂ්පාදනයට විටමින් සී අවශ්‍ය වේ.

4. තුවාල ඉක්මනින් සුව නොවේ.

තුවාල සුව වීමේදී ප්‍රතිශක්තිකරණය කෙරෙහි විටමින් සී බලපායි. පෙර මෙන් ඔබේ දරුවාගේ තුවාල ඉක්මනින් සුව නොවේ නම් ඔවුන්ගේ විටමින් සී මට්ටම අඩුවීමට ඇති ඉඩකඩ වැඩියි.

අවස්ථානුකූලව ඔබේ ප්‍රතිශක්තිකරණ පද්ධතියත් විටමින් සී මත රදාපවතී. එමනිසා ඔබේ දරුවාගේ සිරුර තුල ප්‍රමාණවත්‍ විටමින් සී ප්‍රමාණයක් ඇති බව තහවුරු කර ගන්න.

5. යකඩ ඌණතාවය

ඔබේ සිරුරට යකඩ හොදින් උරාගන්න විටමින් සී උදව් කරයි. ඔබ කොතරම් යකඩ සපිරුණු ආහාර ගත්තත් ඔබේ සිරුරේ ප්‍රමාණවත් විටමින් සී ප්‍රමාණයක් නොමැති නම් ඔබ විටමින් සී හා යකඩ යන දෙකේම ඌණතාවයන් ගෙන් පෙළෙන බව මින් අදහස් කරනවා.

6. වියළි, රත්පැහැ හෝ රැළි ගැසුනු සම

විටමින් සී කොලැජන් නිෂ්පාදනයට උදව් කරයි. ඒ වගේම ඔබේ දරුවාගේ සමටද දායක වෙනවා. විශේෂයෙන් ඔබේ දරුවාට වියළි සමක් පෙර නොතිබුනේ නම් වියළි , රත්පැහැ හෝ රැළි ගැසුනු සම විටමින් සී ඌණතාවයේ සලකුණක් විය හැකිය.

7. ඔවුන්ට පහසුවෙන් තැලීම් ඇතිවෙනවා.

විටමින් සී රුධිර නාලිකා සවිමත් කරන අතර ඒවා බිදියෑම වළක්වයි. ඔබේ දරුවාට තැලීම් ඇතිවෙනවා නම් පුංචි ඉදීමිමක් පවා සහිතව ඔවුන් විටමින් සී ඌණතාවයෙන් පෙලෙනවා විය හැකිය.

8. ඔවුන් පහසුවෙන් රෝගී වෙනවා

විටමින් සී මගින් ඔබේ දරුවාගේ ප්‍රතිශක්තිකරණ පද්ධතිය විශාල ලෙස ඉහල නංවයි.  විටමින් සී අඩුවීම යනු ඔබේ දරුවාගේ ප්‍රතිශක්තිකරණය පහත වැටීමයි. එමනිසා ඔවුන් පහසුවෙන් රෝගී විය හැකිය.

9. තෙහෙට්ටුව හෝ හැගීම් වලින් තොර බව

විටමින් සී ඔබේ දරුවාගේ ශක්ති නිෂ්පාදනයේ වැදගත් මෙහෙවරක් ඉටු කරන අතර එය දරුවාගේ හැගීම් ස්ථාවර කිරීමට උදව් කරයි. විටමින් සී ඌණතාවය ඔබේ  දරුවාට පහසුවෙන් වෙහෙස ඇති කරයි. ඒවගේම පහසුවෙන් නොසංසුන්තාවයට හෝ කෝපයට පත්වේ.

10. ඔවුන්ගේ ක්‍රියාකාරිත්වය අඩුවේ.

විටමින් C ඌණතාවය ඔබේ දරුවාගේ ක්‍රියාකාරිත්වය අඩු කිරීමට හේතු වෙනවා. ඒ ඔවුන්ට පහසුවෙන් තෙහෙට්ටුව දැනෙන නිසයි. ඔවුන්ගේ අඩු ක්‍රියාකාරිත්වය හේතුවෙන් පරිවෘත්තිය ක්‍රියා වල වේගය පහත වැටී එහි ප්‍රතිඵලයක් ලෙස ඔවුන්ගේ බර වැඩි වීමක් සිදුවිය හැකිය.

අපි කවුරුත් දන්න විටමින් සී පුංචි පැටියාගේ පුංචි සිරුරට කොතරම් වටිනවාද කියලා හිතෙන මේ තොරතුරු ඔබ වෙත ගෙන ආවේ the Asianparent Sri Lanka විසිනි.

theAsianparent හි අනුමැතිය ඇතිව පරිවර්තනය කර ප්‍රකාශිතයි.

පරිවර්තනය: නදීශා ලක්මිණී