කුඩා දැරියන් වූල් බෑන්ඩ් මැණික් කටුවෙහි පැළඳීමේ භයානක කම
වූල් බෑන්ඩ් එකක් කරපු හදිය, අම්මලා සැලකිලිමත් වෙන්න.
ළදරු නාම උත්පාදකය
ස්ත්‍රී පුරුෂ භාවය
අකුර
ප්‍රභේදය
සොයාගත් ළදරු නම්
සොයාගත නොහැක
වූල් බෑන්ඩ් දාන්නේ කොණ්ඩෙට වුනාට දැන් එය අලුත් විලාසීතාවක් වෙලා ඔබ දැකලා තියෙනවාද?
විවිධ මති මතාන්දර කියමින් දැන් මේ පටි දරුවන් අත්වල පළදිනවා. සමහර විට විලාසිතාව වෙන්න පුළුවන්.
නැතිනම් ආගමික හෝ සංස්කෘතික බලපෑමක් වෙන්න පුළුවන්.
කෙසේ වෙතත්, ඔබේ දරුවාගේ මැණික් කටුව හෝ අත වටා දමන වූල් බෑන්ඩ් එකක් තරම් සුළු දෙයකට වුනත් කරන්න පුළුවන් හදිය මේ කතාවෙන් ඔබට දැනගන්න පුළුවන් වේවි.
මැණික් කටුවෙහි බැන්ද වූල් බෑන්ඩ් එක සැත්කමකින් අවසන් වු හැටි
පසුගිය දා චීනයේ, සිව් හැවිරිදි දැරියක් වු ලී ලී ගේ වැලමිටට පහළින් අතෙහි විශාල වලයාකාර ඉදීමීමක් ඇයගේ ආච්චි අම්මා දැක්කා.
ඒ නිසාම ඇයව රෝහල වෙත ගෙනාවා. මෙය ආසාදනයක් හෝ අසාත්මිකතාවයක් යැයි මුලදී වෛද්‍යවරුන්ට සැකයක් මතු වුනා.
කෙසේ වෙතත්, තත්වය තවත් දරුණු වු නිසා ඇයගේ දෙමව්පියන් ඇයව රෝහලකට නැවත ගෙන ආවා. ඒ අවස්ථාවේදී මේ දැරිය ස්කෑන් පරීක්ෂණයකට භාජනය කළා.
එහිදී ලී ලීගේ අතේ ඇතුළත පිටතින් ඇතුලු වු යමක් ඇති බව ඔවුන් සොයා ගත්තා.
පෙනෙන විදිහට, ලී ලී ඇගේ අතෙහි වූල් බෑන්ඩ් එකක් පැළඳ සිට තියෙනවා. ඇය ජීවත් වන්නේ ඇගේ ආච්චිලා සීයලා සමඟයි.
ඇය පැළද සිටි මෙම පටිය අත තුලට ගිලා බැස ගත් විට ඇය ඔවුන්ට දැනුම් දුන්නේ නැහැ.
කාලය ගත වෙද්දී එය නොදැනුවත්වම, එය ඉවත් නොකීරීම නිසා ඇයගේ සම යට සැගවුනා.
ඇයගේ මස් වල සම්පූර්ණයෙන්ම ගිලී යන තුරු ඇගේ සම එය ආවරණය කළා.
අවසානයේදී, එය ඉවත් කිරීමට සැත්කමක් පවා කිරීමට සිදුවුනා. මෙම සැත්කම සාර්ථක බවත් ලී ලී දැන් සුවෙන් සිටින බවත් වාර්තා වෙනවා.
ලී ලී වගේම චීනයේ දරුවන් වාසනාව ලැබෙනවා යැයි මෙවැනි පටි පැළදීමට නැඹුරු වෙනවාලු.
ශ්‍රි ලාංකික අපි අතරත් මෙවැනි පටි හා නූල් උන්මාදයක් තියෙනවා නේද? මේ මෙවැනි පටි වල එක් අතුරු ඵලයක් පමණයි.
මේ පටි වලට රුධිර නාල අවහිර වීමෙන් දරුණු ප්‍රතිඵල ලැබෙන්න පුළුවන්.
ලී ලී ගේ වූල් බෑන්ඩ් එක අපට කියන කථාව
කුඩා දරුවන්ගේ වැලමිට හරියේ පළදින රබර් පටි පහසුවෙන් අමතක වෙන්න පුළුවන්. ඒ ඔවුන්ගේ දෑත් වල පිරුනු මස් ගොබ නිසා රබර් පටියක් වැනි දෙයක් පහසුවෙන් එහි ගිලි යා හැකි නිසයි.
මෙසේ වන්නේ රබර් පටි පමණක් නොවේ. මව්වරුනි, ඔබේ හිසකෙස් ඔබේ දරුවාගේ අත් පා ඇඟිලි හෝ ශිෂේණය වටා එතී එය ඉදිමෙන්න පවා පුළුවන්.
හිසකෙස් ගසක් එතීම නිසා රුධිර සැපයුම අඩු කර ප්‍රතිවිරුද්ධ දිශාවට රුධිරය පිටවීම වළක්වයි.
මෙම තත්වයට ප්‍රතිකාර නොකල හොත්, රුධිර සැපයුම මුළුමනින්ම අවහිර විය හැකි අතර එහිදි බලපෑමට ලක් වු අවයවයට හානි වෙන්න පුළුවන්. නමුත් මෙය ඉතා දුර්ලභ අවස්ථාවකි.
ළදරුවන් අතට අසුවෙන සියල්ල මුඛයේ දමා බලන්න කැමතියි. ඒ නිසා බොත්තම් බැටරි වැනි දේවල් ඔවුන් මුඛයේ දාගන්න ඉඩ කඩ තියෙනවා.
ආරක්ෂාකාරී පියවර
අනාරක්ෂිත කුඩා පැතලි බැටරි
ළමයින් හුස්ම හිරවීම හා වෙනත් අනතුරු වලින් වළක්වා ගැනීම සඳහා දෙමව්පියන් විදියට අපට කරන්න පුළුවන් දේවල් කිහිපයක් තියෙනවා. පළමු වැන්න ඒවා දරුවන්ට ලගා විය නොහැකි පරිදි තබන්න.
තියුණු වස්තූන්, මුදු, බොත්තම්, රිබන්, රැහැන්, බැටරි, කාසි, බැලූන්, ගෙඩි, බීජ, මිදි, පොප්කෝන්, මස් කැබලි, කැරට් පවා වඩාත් අනතුරුදායක දේවල් විදියට සලකන්න පුළුවන්.
උගුරේ හිරවීමට තරම් කුඩා දෙයක් විය හැකි දරුවගේ හුස්ම හිරකරන්න පුළුවන්. ළමයින්ට වැරදීමකින් බීජ ආශ්වාස කළ හැකි අතර, එය දරුවෙකුගේ ශ්වාසනාලයේ සිර වෙන්න පුළුවන්.
තවද පිළිගත් සමාගම් වල නිෂ්පාදිත පිටතට පැමිණිය හැකි කුඩා කොටස් නොමැති ආරක්ෂිත, සෙල්ලම් බඩු, බෝනික්කන් හෝ පිරවූ සතුන් පමණක් ලබා දෙන්න. ඔබේ දරුවා නෑවීමෙන් පසු හිසකෙස් පැටලි ඇත්දැයි ඔහුගේ අත් පා ඇඟිලි හා ශිෂේණය පරීක්ෂා කරන්න.
නිතර විමසිලිමත් වෙන්න
ඔබේ ළදරුවා ආකර්ෂණය කර ගත හැකි සියලු ආකාරයේ ළමා ආරක්ෂණ නොවන දේවල් තිබිය හැකි බැවින් දරුවා වෙනත් නිවසක සිටින විට සුපරීක්ෂාකාරි වෙන්න.
සැලකිලිමත් විය යුතු වැදගත් කරුණු
වෛද්‍ය ප්‍රතිකාර අවශ්‍ය විට ලබාදෙන්න.
ඔබේ ළදරුවා අනතුරට පත්ව ඇති බවට ඇඟවෙන ලකුණු මොනවාද? කුඩා දරුවෙකු යමක් ගිල දැමු බවට ලක්ෂන කිහිපයක් පහතින් දැක්වෙනවා. පහත අවස්ථා වල වහාම වෛද්‍ය ප්‍රතිකාර ගන්න.
- ආපසු ගන්න බැරි බොත්තම් හෝ පැතලි බැටරි ගිල දමා ඇත්නම්
- සාරි කටුවක් , ඇල්පෙනෙත්තක් වැනි තියුණු හෝ උල් වූ වස්තුවක් ගිල දමා ඇත්නම්
- කැස්ස, හතිය හෝ නතර නොවන උණ ඇතිනම
- කෙළ හෝ ආහාර ගිලීමට අපහසුතාවයක් ඇත්නම්
- කෑම රුචිය නැතිනම්
- නොනවත්වා කෙළ පෙරනවා නම්
- පැය 24 කට වැඩි කාලයක් උගුරේ වේදනාව තියෙනවා නම්
- පපුවේ හෝ උදරයේ වේදනාව තියෙනවා නම්
- රුධිරය මෙන් පෙනෙන තරලය වමනය කරයි නම්
- නිල් පැහැයට හැරේ නම් හෝ සිහිය නැති වේ නම්
- අත් පා ඇඟිලි හෝ ශිෂේණය අමුතු පාට (ඉදිමුණු රතු හෝ දම් පාට) වී ඇත්නම්
- ඔබට හේතුව සොයා ගත නොහැකි තරම් නොසංසුන් නම්
දරුවා නොනවත්වා කෙළ පෙරනවා නම් සැලකිලිමත් වෙන්න.
මෙහෙම අවස්ථාවක මොකද කරන්නේ?
ගිලගත් වස්තුවක් සාමාන්‍යයෙන් කාලයත් සමඟ බඩවැල් පසුකර යනු ඇතත්, මෙය සිදු වූ විගස වෛද්‍යවරයෙකුගෙන් උපදෙස් ලබා ගැනීම වඩාත් සුදුසුය. ළමයින් ආහාර ගැනීමේදී හෝ නිදා සිටියදී කතා කරන විට අහම්බෙන් ආහාර ශ්වාසනාලය යෑමද අනතුරුදායකයි.
ඔබේ ළදරුවාගේ අත් පා ඇඟිලි හෝ ශිෂේණය වටා එතී ඇති හිසකෙස් තදින් එතී නොමැති නම් ඉවත් කිරීම ආරක්ෂිතයි. එසේ නොමැති නම්, එය තදින් එතී ඇත්නම් වෛද්‍ය උපදෙස් ලබා ගැනීම වඩාත් සුදුසු බව හෙද මැඩ්ලින් ගොබල් උපදෙස් ලබා දෙනවා. ඇය පවසන පරිදි ස්නායු වලට හානි නොවන ලෙ කෙස් ගස ඉවත් කල හැකි ක්‍රම වෛද්‍යවරුන් දන්නවා.
මේ තොරතුරු ඔබට වැදගත් වේවි කියා අපි හිතනවා. මේ පිළිබද ගැටලුවක් ඇත්නම් වහාම වෛද්‍යවරයා හමුවෙන්න.
theAsianparent හි අනුමැතිය ඇතිව පරිවර්තනය කර ප්‍රකාශිතයි.
පරිවර්තනය: නදීශා ලක්මිණි
*theAsianparent Sri Lanka හි පල කරනු ලබන ලිපි ජාත්‍යන්තර ප්‍රකාශන හිමිකම් නීති මගින් ආරක්ෂා කර ඇත. ඔබ මෙම ලිපිය theAsianparent Sri Lanka හි අවසරයකින් තොරව පිටපත් කිරීම හෝ භාවිතා කිරීම කරන්නේ නම් ඔබට එරෙහිව මෙම නීති යටතේ නඩු පැවරිය හැකිය.
